عنوان الموضوع : جنس الجنين بالشهر الرابع ؟؟؟!!
مقدم من طرف منتديات الضمير العربي

السلام عليكم
كيف الحال حبيباتي ^_^

اليوم يالسه اقرى كتاب اسمه دليلك بالحمل ، انجليزي مترجم للعربي
المهم بما اني بالشهر الرابع يالسه اتصفح قسم الشهر الرابع
ماشفت كاتبين اي شي عن جنس البيبي

ودخلت قسم الشهر الخامس
كاتبين بالاسبوع العشرين يكتمل شكل المهبل لدى الانثى ويمكن تميزه
والولد بالاسبوع 22 تبدأ الخصيه بالتكون

و طبعا بسبب الفضول دخلت مواقع انجليزية اكثرهم يقولون انه من الافضل عمل السونار من الاسبوع 20 وطالع لانه احتمال الغلط وارد قبل جي


الحين انا محتاره
سويت سونار بمستشفى الرحبه وانا بآخر الاسبوع 16
وهم عندهم اني بالاسبوع 18
( على فكره مستشفى الرحبه مجدميني اسبوعين تقريباً لانهم حاسبين حملي على اخر دوره وانا الحمل استوى عندي وايد متأخر ) والدكتوره طبعا لازم بتحسب الحمل على اخر يوم دوره

ماعلينا

المهم انا سألت النيرس شو جنس البيبي
وخبرتني ، قلت لها اكيد ؟ قالت امممم 70٪
وتعالي الموعد الياي بنتأكد

والحين محتاره اثق فيها ولا اسأل مره ثانيه عن جنس البيبي بالاسبوع 20
ولا احسن اتريا لين الولاده واخذ اشياء محايده ؟

وشو رايكم بدقة سونار مستشفى الرحبه للي جربته ؟

الحمدلله اهم شي خبرتني انه البيبي بصحه وسلامه دعواتكم هذا اول حمل لي الله يسهل علي وعلى جميع الحوامل ويرزق كل محرومه يارب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يثبته لج ويسهل عليج .. انا اشوف الشهر السادس يكون كل شي واضح وادق سواء ولدولا بنت .. بس اختي لو تبين تتأكدين 100 بالميه ليش ما تسيرين تسوين التفصيلي .. الي هو السونار ال 4 دي الي يكون مطور اكثر من السونار العادي ... تقدرين تشوفين ملامح البيبي حتى وويهه وكل شي ..

__________________________________________________ __________

>>>> الرد الثاني :
الله يسهل حملج وتولدين بالسلامة
شوفي حبيبتي انا في كل مراجعة الطبيبة تشوف النونو بالسونار واسألها عن الجنس وتقول ما مبين معاها
حاى في الشهر الخامس رغم انو اكثر الحوامل يعرفون جنس البيبي في الرابع وانا في الخامس وما قدرت تعرف ..
ويوم سافرت لبلدي سويت سونار وانا في السادس وغلى طول عرفت الطبيبة جنس النونو .
وطبعا الجميع قال هذه بنت ما دام ما بين بوضوح .بس طلع ولد يعني مو شرط

__________________________________________________ __________

>>>> الرد الثالث :
mao هيه خبروني عنه وفعلا اوضح و ادق
السونار العادي صعب ماعرف كيف يعرفون
بشوف ان شاء الله عقب اذا تحمست اسويه
وامين حبيبتي تسلمين



الدرة المصونه
امين يارب ويسهل عليج حبيبتي
ويقر عينج يارب بشوفة البيبي
يعني الواحد مايثق في كلامهم ١٠٠٪
والحمدلله كل شي حلو من رب العالمين راح نتحمل الفضول ^^

__________________________________________________ __________

>>>> الرد الرابع :
المنتدى مستوي ميت للاسف

__________________________________________________ __________

>>>> الرد الخامس :

المشاركة الأصلية كتبت بواسطة بنت الشوامخ
المنتدى مستوي ميت للاسف



تسلمين حبيبتي على دعواتج ..
وفعلا المنتدى ميت يمكن بسبب الحمل الكل تعبان

ربي يهون على الجميع ويسهل ولادتنا على خير