عنوان الموضوع : من اخذت حبوب نولفدكس لسلامتك
مقدم من طرف منتديات الضمير العربي
مرحبا بنات شحالكم
خواتي انا الشهر الماضي خذت كلوميد لاني احاول من فتره وماحملت وطبعا قبل كم يوم
شرفت الحلوه وسرت عند الدكتوره ووصفت لي ها الدواء نولفدكس ودويين ثانيين واحد منهم
لعلاج السكر بس تقول هو يساعد في تنشيط الاباضه المهم هالنولفدكس اخذته بس مخوفني
حبيت استفسر اذا حد منكم خذته المشكله الدكتوره تعطيني الادويه بدون ماتفحص
قالت لي خذي الادويه وسووي فحص الهرمونات والغده وتعالي لي عقب ماتخلصين الدوره
والله خايفه من هالادويه عن تسبب لي تكيس والا تشوهات للياهال والا شي من هالامراض
ودواء السكري قلت مابا اخذه خايفه عن يرفع او ينزل السكر عندي
بنات الله يخليكم الي عندها اي معلومه لاتبخل حتى لو بدعوة طيبه
والله يرزق الكل بتوام عاجل غير اجل ياسميع الدعاء
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ماعرف هالادويه الي كتبتيها بس ربي يرزقج ولا يحرمج ان شاءالله يالغاليه
__________________________________________________ __________
>>>> الرد الثاني :
السلام عليكم ورحمة الله وبركاته
غاليتي روز ليش خايفة من الادوية
بالنسبة لدوا السكري هذا لانه احتمال الدكتورة حصلت عندج تكيس وهرمون الانسولين له تاثير قوي على هذا التكيس
فيوصفون هالحبوب عشان التكيس يخف ونصيحة لتتقطعين لحبوب ابد بس شو صرف لج وكم حبة في اليوم
انا جربت جلوكوفاج ونوع جديد واخف ع المعده اسمه دايالون
وترى اول اسبوع بتحسين بصداع ولوعه وبتنسد نفسج تقريبا عن الاكل
والحلو في حبوب السكري بتنحفين بدون رجيم ورياضة
اما الحبوب الثانية ماعرفتها بس رحت لقوقل وكتبت وظهرت لي هالصورة
اتذكر انا اخذت هالنوع اول السنة يوم اتعالج عند دكتورة عفاف للتلقيح الصناعي
بس نسيت حق شو بالضبط
روز الغالية
اتبعي ارشادات التختر واسرطي حبوبج وعن الدلع
باللا نبا نفرح بولي العهد
موفقه
والله يرزقج الذرية الصالحة انتي وكل خواتي
__________________________________________________ __________
>>>> الرد الثالث :
للرفع ...
ربي يرزقج الذرية الصالحة ...
__________________________________________________ __________
>>>> الرد الرابع :
مشكورات خواتي على الردود
اختي ثريا والله لادلع ولاشي بس الواحد يخاف من هالحبوب الي نبلعها وفعلا هذا اسم حبوب السكر الي عطتني اياهم
الدكتوره بس اذا يضعفن زين انا مربربه شووي وابا اضعف بس يااختي اخاف عن السكر يلعب فوق والا ينزلي
المشكله انا الدكتوره ماتفحصني يعني الدواء تعطيني اياه بس من كلامي لاشافت عندي تكيس ولاضعف في التبويض
والله خايفه هالحبوب تاثر في وان شاء الله من تخلص الدوره بسير لها وبقول لها لازم تفحصني وتشووف التبيويض
عندي يعني موب منيه والطريق تعطيني هالادويه
والنولفدكس سويت لها سيرش وشفت وايد بنات استخدموه وفيه منهم استفادوا ومنهم مااثر فيهم
اختي الحمد لله انا عندي 3 عيال الله يحفظهم لي بس العمر يمضي وتعرفي الحرمه لها سن معين للحمل ويالله نلحق
نييب كم ياهل زمن امهاتنا اييبن 8 وفوق موب احنا على 3 و4 الله يحفظهم ويبارك لنا فيهم
ربي يعين ويوفق
__________________________________________________ __________
>>>> الرد الخامس :
الكلوجوفاج عادي انا استخدمته لتكيس المبايض والحمدلله نشط المبايض و صار عندي اباضه شهريه ...
هو باثر على اي هرمون مرتفع فالجسم ويستخدم علاج للتكيس.. وعلى فكرة التكيس بمرور الزمن يجيب السكري ...مثل حالتي ...ولله الحمد على كل حال...
استخدميه لانها ما بتعطيج جرعات كبيرخ عالاغلب بيكون قوة الاميدرامين (الكولوفاج) 400 غم ...
صلي استخارة وتوكلي على الله
رد مع اقتباس
