عنوان الموضوع : •°• أسبـــاب تجعلك حـــامل بأمر الله .. أسباب تعالج تكرر الاجهااض ادخلي لايفووتج •°•
مقدم من طرف منتديات الضمير العربي



.. {

السلام عليكم ..

خواتي لو اجتمعوا الدكاتره على ان يخلقوا نطفه في الرحم مااستطاعوا الا بأمر الحكيم ..

سبحانه .. عشان نبذل السبب ..

لكن مانعلق قلوبنا بها ماهي الا اسباب ربنا سبحانه سخرها لنا .. لكن نعلق قلبنا بالله وحده ..

https://forum.uaewomen.net/showthread.php?t=338379




عزيزاتــي ،، أنا عندي بنتين ربي يحفظهم ويخليهم .. والحين قررت احمل ..

لكــن ربج ماكتب وابتلانـي بإبتلائات كانت سببها أخطــاء طبيه تسببت لي تكيس في المبايض ..

لكن حكمه الحمدلله على كل حاال ..

وكنت أتمنى ان احمل وفي كل شهر مايصير حمل .. الحمدلله ع كل حال وربي العالم كنت في حاله

لايعلمها إلا الله ..




.. فلحظتهــا حســـيت بكــل محروومهـ ..

وعــاهدت الله إنــي أســاعد كل محــروومهـ .. بأي وسيلـه مهما كانت من خلال تجارب البنات ..

وحاولت بطريقتي اجمع ارقام طرق تجارب للي حملن عشان اوصلها لكــم .. ~

وها هنــا أســرد لكم تجارب البنات .. بالحمل والشفاء من امراض المبايض والارحام وتكرار الاجهاض ..



م\ن كتاب معجزات التداوي بالحجـامة لمـن أراد السلامة ..

{ الشفاء في ثلاثة: شرطة محجم، أو شربة عسل، أو كية نار } ..

[ ما مررت ليلة أسري بي بملأ من الملائكة ، إلا كلهم يقول لي : عليك يا محمد ! بالحجامة ]

السلسلة الصحيحة
2263

×××

فائدة الحجامه لأمراض النساء مثـل تأخر الحمل بسبب ضعف المبايض ، أو تكيسهـا ،

وكذلك عــدم إنتظــام الدوره الشهريــة ، وآلام الــدورة الشهـرية ومغص الدوره .

وتكرار الاجهاضات وغيرها الكثــير ..



الدكتوره أمل - المركز الطبي التخصصي ( إمارة أبوظبـي ) ..

تعمــل الحجــامه .. وأنا أرتــاح لها واايد ..

التجــارب ..

تجربتي ..: كان فيني تكيس في المبايض .. بأمر الله عملت الحجامه عندها

ماشاء الله ماشاء الله شفيت منه شفــاء تـــــــــــااام بأمر الله .. الحمدلله ماشاء الله ..

وفي هذا الشهر انتظــر بنــات دعواتكم أكون حامل في هذا الشهر ..

الأخت كونومانان .. ~


المشاركة الأصلية كتبت بواسطة كونومانان

اشحالكن خواتي
متزوجه من سنه ونص وماخليت لا مستشفى ولا عياده ولا دكتور ولا دكتورة ولا دوا ونا ساكنه في بوظبي واضرب خطوط لى دبي وشارجه وام القيوين عشان العلاج..
وعقب ودرت كل شي لمدة 4 شهور تقريبا و سبحان الله ماعرف شو كان اقوى سبب طبعا اولا ارادة الله سبحانه وتعالى وبعدين في نفس الشهر كنت اقرا سورة البقرة و24 ساعه استغفر وسويت حجامه عند دكتورة ..اختي انا مسلمه دلتني عليها.. وسبحان الله حملت لكن ماكتملت فرحتي بس الحمدلله اني حملت وان شاء الله احمل مره ثانيه ويثبت ان شاء الله..حبيت اخبركن قصتي لاني كنت حاطه في بالي اي طريقه اجربها وتنجح اعرضها عشان خواتي المحرومات ودعواتكن لي بالذريه الصالحه..



ربي يرزقج عزيزتي .. دعواتكم خواتي لاختنا كومونان ..

التجربه الثانيهـ ..

صديقت الدكتوره امل كانت تحمل .. فقط كيس من دون جنين .. وهالحالات قريت عنها واايد بالمنتدى ..

المهم .. تقول الكورنيش قالوا لها لازم تسقطه .. عشان كيس فارغ ..

سقط الكيس وقالوا لها لازم غسيل .. تقول سويت لها الحجامه عقب ماطاح الكيس ..

رجعت الكورنيش عشان تسوي الغسيل قالوا لها ماشاء الله رحمج نظيييييييف سبحان الله ..

وبشرى الحين بعد الحجامه بأمر الله حامل والحين شهرها ..

أقوى وسيله للعلاج معجزه ..

وغيره غيره الكثير .. !!

الــي حاب رقم الدكتوره أمل ع الخـــاص ..

×××××××××××

هالمركز مختص الطب النبوي والإسلامي

الشيخ خالد الكندي

اسمه مركز ابحاث الاعشاب الطبيعيه والطب النبوي في العين

ويعااالج وايد اشياء

السحر - العين - الحسد - سقوط الجنين - المس الشيطاني - الجنون - الحالات النفسيه -

الربط عند الرجال والنساء - الاكتئاب - الارق - الاطفال المشوهين -

وطبعا الكثير الكثير ..

إطلعي اكثر ..

https://forum.uaewomen.net/showthread.php?t=379737

وهو مركز مشهوور الي يبغي الرقم ع الخااااااااص ..

××××××××××××

أم محمد ( إتييج لين البيت ) .. ~

التجربه من وحده عطتني رقمها من المنتدى وسارت لها لييين دبي ..

وتقول انا طلبتها بس عشان شيء معين في جسمي ومادريت الا حامل سبحان الله

مع انها تقووول انا في بنااتي اتم بالاشهر ليين مااحمل ..

لو حبت تكشف عن هويتها تكتب لهم تجربتها خلال ردها ..

الي حاب ياخذ رقمها ع الخاااص

نكمــل في الصفحــة التــاليهـ .. ،،

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :


الإخــت " دانــة المزيوونه " ( أم سيــف ) .. ~

غنيـة عن التعـريف .. توجد مواضيع توضح علاجهـا عن طريق التمريـخ + كاسات هواء

حجــامه جــافة .. ويشهد الكثير على حسن خلقها .. وكثير منهم حملوا عن طريقها بأمر الله

طرق علاج الاخت دانة المزيونه ..

https://forum.uaewomen.net/showthread.php?t=401260

https://forum.uaewomen.net/showthread.php?t=397978

التجــارب ..


المشاركة الأصلية كتبت بواسطة العفيفة**
عزيزاتي انشا الله تكونن بخير وعافية...بدش في الموضوع وما بطول عليكن رد على الحريم الي سألوا عن الي تعالجت عند الاخت دانة المزيونة الي ويانا في المنتدى ....؟!
بخبركن قصتي !!!
،،،قبل 9 سنوات سرت عند حرمة وعالجتني عن تأخر الحمل لاني ما حملت 6 سنوات ورزقت بتوائم بنات،وعقب ثلاث سنوات سافرت مرة ثانية عند نفس الحرمة انا وبنت خالتي والله عطانا اولاد انا وهي الحمد لله...وبعدين حاولت ادور عن نفس الحرمة ابي اتعالج عنده انا وربيعتي وما عرفت !!لانه رقمها كان متغير!! وكانت قبل في بوظبي وبعدين تحولت العين ؟؟!!
انا مشتركة وياكم يمكن من شهر في المنتدى وأحب اقرا فقط واستفيد من ردود الحريم ..وقريت مواضيع دانة المزيونة,,,وخذيت رقمها ولمن اتصلت فيها لقيته انها هي نفس الحرمة الي عالجتني وعالجت بنت اختي من سنوات.........وانها حاليا في البريمى!!والله اني كنت بطير من الفرح لمن عرفت انه دانة المزيونة هي نفسها ام سيف الي عالجتني من سنوات..
ام سيف حرمة فناااانة في التعامل والعلاج وتتكلم عن علم ومعرفة ..ثقافتها عالية ...وتحب كل الناس .. ايدينها بركةلاني اعرف الي دلوني عليها حملن كلهن على ايدينها..سبحان الله!
والله ودي يوم اروح الها ما اطلع من عندها من زينها!!بس استحي يوم اخلص العلاج هههههههه وما ارووم ايلس اكثر لاني اكون ياية من سفر لاني من الكويت واسير اتعالج عندها واحجز بالفندق مدة العلاج ثلاث ايام وارد بلادي الكويت...
والله ام سيف فناااانة يا حظ الي تتعالج عندها او تتعرف عليها حتى...هذي شهادة حق حبيت افيد الحريم الي مترددات وخايفات يسيرن للعلاج معاها وعموما هي بتسافر للاجازة قريب بس ما أعرف متى بالضبط .....
وحبيت اطمنكن وادعولي يابنات ..انا حجزت عندها موعد عقب اسبوعين وانشا الله ربي يرزقني ويرزق ربيعتي ...سامحني طولت عليكن...








المشاركة الأصلية كتبت بواسطة sarahbambi
بنات باركولي انا سويت فحص امس وطلعت حامل من بعد علاجي عند الاخت دانة المزيونة بكاسات الهواء مع المساج على البطن بطريقتها الخاصة ...اللحمد لله رب العالمين صراحة بطير من الفرحة من بعد انتظار خمس سنوات !!!ما خليت مستشفى ما سرتله!حد يقولي رحمك ما في شي وحد يقولي ما عندج تبويض وحد يقولي انبوبج مسكر والله أعلم بالباجي! ولمن لقيت وحدة دلتني على رقم ام سيف صرت مثل الغرقان الي يتعلق بقشة ! وكان طرقي لبابها أخر امالي! لكني لقيت في ويهها الخير والبشارة الطيبة والكلمة الحانية وزرعت فيني الامل !وذكرتني انه الله سبحانه قادر على كل شي...وعلينا بالاخذ بالاسباب وحسن التوكل على الله...ومسحت عني آثار اليأس واللحمد لله ربي عطاني وعطاها على نيتها في اسعاد الاخرين !!والحمدلله انا ماستفدت بس في الحمل ولكن راح عني الويع اللي عذبني في ظهري وانسحب منه كل ألم! وكان عندي هوا وايد في الرحم طلعت كله واستغربت لاني عبالي فيني كرشة وطلعت السالفة كلها هوا في الرحم متروس!!ويوم قمت من عندهها والله حسيت اني اول مرة اتنفس من خاطري حسيت براحة عجيبة....يعني والله لو حتى ما حملت كان علاجها عن سبة مشاكلي الثاني كفااااية اني اشكرها كل الشكر...اذا كنتي مكتئبة وحاسة بضيج يكفيج تيلسين مع هالانسانة لو بدون علاج!حبيت افيدكن بالمعلومة وأشهد شهدة حق تجاه انسانة فعلا امينه ومخلصة !




الي يبغي الرقــم ع الخــااااص ..


××××××××××

أم صقـــر ،، ( الشوامخ ) .. إمارة أبوظبي

سمعت عنها الكثـــــــــــير .. وماشاء الله انسانه فعلا رااائعه ..

ومايهما أبــدا الفلــوس .. تقولج لوماعندج مب مشكله .. الله يعطيها ع قد نيتها ..

تعالج بالاعشاب للتكيس ولتكرار الاجهااض ..

وتمرخ ( تمسح ) + كاسات .. ~

وايد ماشاء الله حملوا بأمر الله ..

التجــارب ..


المشاركة الأصلية كتبت بواسطة um 3abadi
وايد ما شاء الله حملو بيدها وهي وايد اوكي
مسكينة تاخذ الي اي منج ماتقول كم ابي




المشاركة الأصلية كتبت بواسطة Bent_Salem
ربيعتي جربتها وايد تمدحها




المشاركة الأصلية كتبت بواسطة um 3abadi
رحت عند ام صقر ماشاء الله طيبة وحبوبة
وعلاجة وايد اوكي لكل شي
ماشاء الله الي تروح عندها تحمل بسرعة وبنفس الشهر الو ثاني شهر
تعطيج اعشاب عشان تنظف الرحم وتنشط المبايض وتفتح الانابيب
يعني ماشاء الله مافي وحدة ذمتها اووحدة راحت عندها وماحملت
عندي امل ان رب العالمين برزقيني يعني عندها مافي شي صعب
والله الي ماحملو 7و8و10سنوات حملو بيدها ايونها من السعودية واليمن وقطر
لبوظبي عشانها شوتبين غير هذة كلة
بيتهم في الشوامخ




المشاركة الأصلية كتبت بواسطة شيخه الغيــد
انا جربتها وكان عندي تكيسات و شربت الأعشاب و مسحتني ثلاث ايام ونفس الشهر الحمدلله حملت وعن الفلوس كم بتعطيها ما تقول لا ولا تتشرط




المشاركة الأصلية كتبت بواسطة متلثمه بشعري
حبيبتي أنا بعد اعرفها وهي وااااااااااااااااايد زينه بس أهم شي الثقه في الله والاخذ بالاسباب

وبصراااحه ما عمري سمعت أحد ذمها اما الفلوس فهي مسكينه شو ما عطيتيها عاادي عندها ولاتتشرط

وعقبال ما تفرحين بالذريه الصالحه لج ولي بأذن الله




موزه المزروعي ( الشهامه ) إمارة أبوظبي ..~

تجربهـ ..

كنت في مركز الامير الطبي .. عند الدكتوره ماريااان .. كنت يالسه روحي

عقب يلست وحده وقعدنا نسولف وانها تسقط وجي .. عقب قالت لي تسبب لي

تكيسات دم في الرحم .. قالت لها مريان لازم عمليه وجي .. تقول عطوني رقم الحرمه هاي ..

سرت لها تقول في البدايه كنت واايد متردده .. عقب توكلت على الله ..

عطتها تحاميل ومن هالسوالف .. تقول كانت فيني التهابات سارت بأمر الله .. ويوم سارت

تفحص عند الدكتوره قالت لها شو سويتي رحمج صاار نضييف .. تعالجت عند موزه ..


×××

شيء ثاني تسويه موزه المزروعي ..

بعد تمرخ ( تمسح المربيات ) ..

يوم كنا بناخذ موعد قالت لازم اتيني 20 يوم وعقب شهر بعد ترجع اتيني ..


الي يبغي رقمها ع الخــاص .. ~

__________________________________________________ __________

>>>> الرد الثاني :
صــلوا على النبـــي ،، واكثروا منها ..





يتبــع .. خواتي كل من تخــتار ( الحجــامه ) .. تتبع الآتــي .. !!

مــاذا يفعــل المحــجوم ..؟

يجب على المحجوم أن يراعـي الأمـور التالية فيمـا قبـل وبعد عملية الحجامة ، وذلك لكي يأخذ

من الحجامة الفائدة القصوى :

- يمتنع المحجوم عن الجماع قبل وبعد الحجامة ليوم ، وذلك ليبقى على قوته الجسديه وليتحمل

جسمه فقدان الدم .


- يمتنع عن شرب السوائل الباردة في يوم الحجامة ، لمدة يوم كامل .

- أن لا يعرض موضع الحجامة للهواء مباشرة ، أو الشمس وأن لا يسبح في ذلك اليوم خوفاً

على الجرح من التلوث .

- عـدم أكل البهارات أو أي شيء حار المذاق مباشرة بعد الحجامة ، بل يصبر 4 - 6 ساعات ،

بعد ذلك يستطيع أن يتناول وجبـات خفيفة ( بدون لحوم أو بيض ) .

- إن إستطاع أن يرتاح بعد الحجامة لمدة 3 - 6 ساعات ، أو أن لا يجهد نفسه بعد ذلك فليفعل .

- ترك التدخين والمنبهات في ذلك اليوم .

- أكل شيء خفيف بعد الحجامه بساعة ، مثل سلطة خضراء أو فواكة .

ولكن مريض السكري وضغط الدم ينصح بتناول وجبة إفطـار خفيفة قبل الحجامة ..

- يفضل تسوين الحجامه على الريق .. ولو كلتي انتظري ساعتين او 3 عقب تسوينها .

م \ن كتاب معجزات التداوي بالحجامة لمن أراد السلامة .

إطلعي ..

https://forum.uaewomen.net/showthread.php?t=388164

وأخـــيراً ...


طبعا اولا التوكل على الله ونعلق قلبنا بالله سبحانه وحده هو الشافي المعافي

ماانا والمركز الا سبب ربي سخره لنا .. وربنا هو مسبب الاسباب

فتوكلي عليه بالاستخاره ..

وربي يرزق كل محرووومه بالحمل ياااارب العالمين واكثروا من الاستغفار والدعاااء

إهــداء ..


https://alqaree.com/index.htm



دعواتكم خواتي .. ربي يرزقني الحمل بالولد ..

إختكم فــي الله .. أنا مسلمة ..


همســـة :

__________________________________________________ __________

>>>> الرد الثالث :
بنااات ياليت كل وحده تعاملت مع وحده من الي ذكرتهم او اشيء تكتب لنا تجربتها ..

عشان الكل يستفييد من الموضوع

__________________________________________________ __________

>>>> الرد الرابع :
للرفع

__________________________________________________ __________

>>>> الرد الخامس :
رفع .. تسلمين الغاليه .. ~