عنوان الموضوع : ممكن معلومات للي تعالجت في مركز دبي للاخصاب سلامة الحمل
مقدم من طرف منتديات الضمير العربي
السلام عليكم ورحمة الله وبركاته
شحالكم خواتي عساكم بخير
الله يسلمكم بغيت شوي معلومات خاصه اللي ريلها يشتغل في الدفاع (الجيش) المهم شو الاوراق المطلوبه يوم تفتحوا الملف وهل علاجكم على حساب الجيش والا كيف وهل يطلبوا منكم اوراق تجارب قبل سويتوها بعيادات والا لا وهل يدخلوكم نفس الوقت اللي يعطوكم له والا يعني المواعيد تكون بالساعه والا بس بالتاريخ واسمحولي طولت عليكم واللي عندها رقمهم ممكن على الخاص والله يعطيكم العافيه ما تقصرون
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبوبه ماعندي معلومات غير ان هالمركز وايد موثوق فيه ونسبة النجاح عاليه والتوفيق من الله وماهم الا أسباب نستعين بها
المهم ليش ماتسألين في مستشفى زايد العسكري يمكن لهم اجراءات خاصه للعسكرين او اسألي فالمركز نفسه كيف يكون العلاج على حساب الجيش وهم اكيد بيدلوكم
والله يوفقج وييسراموركم وربي يرزقكم الذريه الصالحه قره عين ياحي ياقيوم
__________________________________________________ __________
>>>> الرد الثاني :
تسلمين حبيبتي على الرد والله يعوضج بتووم حلوين يااااااااااااااارب
__________________________________________________ __________
>>>> الرد الثالث :
معقوووووووووووووووله ولا وحده تعالجة عندهم الله يعين بس
__________________________________________________ __________
>>>> الرد الرابع :
ان شاء الله البنات يفيدونج
للرفع
__________________________________________________ __________
>>>> الرد الخامس :
اول شي لازم تروحين مستشفى زايد العسكرية هم بيحولوج على مركز دبي
علاجهم وايد اوك نسبة النجاح ممتازة عندهم
وبالتوفيق حبوبة
رد مع اقتباس
