عنوان الموضوع : $بنات ابي مساعدتكم ونصيحتكم بليز$ لصحة الحمل
مقدم من طرف منتديات الضمير العربي


السلام عليكم ورحمه الله وبركاته
حبيباتي اريد نصايحكم ومساعدتكم وآدائكم في المشكلة اللي أنا فيها
أولا انا دورتي اتم معي من 5 إلى 6 أيام وعلى تاريخ 29 من كل شهر
وآخر دورة لي كانت تاريخ 2017/12/29 ولكن استمر معي لمدة 12 يوم وهذي أول مرة ف حياتي يصيرلي جذي وروحت المستشفى وسويت فحص حمل وطلع ما في حمل وسويت كل الفحوصات الضرورية وكانت طبيعية وقامت الدكتورة وسوتلي الترساوند قالت يمكن يكون حمل خارج الرحم وشافت مثل كيس الجنين ولكن فاضي بس نتيجة الفحص كانت صفر يعني ما في حمل
شكلي وايد طولت بس استحملوني شوي فديتكن
المهم عطتني حبوب الصفر علشان يتوقف الدم عندي ، وتوقف الدم الحمد لله لكن الم بطني لين اليوم فظيع وأحس كأن شي بينزل واحس بثقل من تحت السرة كأن شي قابض على مثانتي حتى الله يعزكم يوم أروح الحمام اتعب منه واااااايد
والحين مضى أسبوعين تقريبا من بعد 12 يوم دورة واليوم 2016/01/24 نزلي شوية بس شي بني يعني مثل المسحة بس فما عارفه هل راح تنزلي الدورة أو لا او شو اللي صارلي خلال هالشهر

لاني ناويه هالشهر يوم تيني الدورة أسوي تلقيح صناعي فمستشفى توام
والله مب عارفه شو فيني وشو أسوي تعبت ومليت

اريد مساعدتكم بليز
واللي يدخل على موضوعي اتمنى ترفعولي اياه مع دعوة إني أحمل هالشهر لاني من 4 سنين وانا انتظر هذا اليوم بليز




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بليز اريد ردود ضروري لاني ما اعرف شو اسوي

__________________________________________________ __________

>>>> الرد الثاني :
الله يرزقج ويرزقني ويرزق كل محرومه يارب .

__________________________________________________ __________

>>>> الرد الثالث :
تسلمين يا مينونة باباتي
الله يعطيج على قد نيتج إن شاء الله

__________________________________________________ __________

>>>> الرد الرابع :
الله يرزقج ويشافيج
وتقر عينج بضناج ..

الله يطمن قلبج

__________________________________________________ __________

>>>> الرد الخامس :

المشاركة الأصلية كتبت بواسطة Mall.08
الله يرزقج ويشافيج
وتقر عينج بضناج ..

الله يطمن قلبج



آمين ومشكورة الغالية