عنوان الموضوع : الالتهاب سلامة الحمل
مقدم من طرف منتديات الضمير العربي

السلام عليكم ورحمه الله وبركاته

بنات بخبركم بالسالفتي وياريت اتلاقون لي حل ويا هالمشكله

الله يسلمكم انا متاخره عن حمل تقريبا سنتين ورحت تعالجت قالوا لي كل شي اوكيه مافيني شي يمنع الحمل عقب فتره نزلت لي افرازات صفراء مع حكه ورحت تعالجت قالت لي التهاب وعطتني دكتوره تحاميل ومن استخدمت التحاميل راح عني الالتهاب تقريبا صارلي 3 شهور والحين ردت لي افرازات صفراء ومب عارفه شو اسوي مع هالافرازات اللي عندها شي اعشاب او شي حق الالتهاب ياريت تفيدني لاني تعبت منها اللي صار لها شراتي ياريت تقول لنا كيف تخلصت من هالافرازات ...

السموحه طولت عليكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
فديتج لا تتساهلين ويا الالتهابات .. أنا شراتج يتني ألتهابات من عرست يمكن ثلاث مرات
فالبداية كنت اهملها لاني أستحي أروح عند دكتورة .. بس عقب رحت .. روحي وسوي
فحص .. التحاميل أنا بعد عطتني الدكتورة ..

__________________________________________________ __________

>>>> الرد الثاني :
انا رحت وتعالجت وعطتني تحاميل المشكله بعد فتره ترجع لي الالتهاب

__________________________________________________ __________

>>>> الرد الثالث :
انا اعاني من الالتهاب من فتره طويله اول الشي اهملته كنت استحي اروح عند الدكتورا
والحين كل مااتعالج يرد ماادري ليه اللي تعرف دكتورا زينه تعالج الالتهاب في العين ياريت تخبرنى عشان تفيدنى
احس ان وايد حريم يشتكين من هاالمرض وعلى فكره بعض الالتهاب يقتل الحيوانات المنويه لذلك يتاخر الحمل

__________________________________________________ __________

>>>> الرد الرابع :
إذا من بوظبي روحي للدكتوره عفاف في مركز صحه المرأة هلث بلس
او الدكتوره خلود زيدان في مركز ابن سينا

الله ييسر امورج

__________________________________________________ __________

>>>> الرد الخامس :
عندي لج حل


انا كنت اعاني مثلج بقوووه عقب صديقتي نصحتني بكذا شي

اول شي اني اشرب ماي قد ما اقدر ولا اكل الاشياء الي فيها بهارات وايد وتكون سبايسي
وبعد اني ابدل الملابس الداخليه 3 مرات باليوم والبس ملابس داخليه 100 % وطبيعيه ومب ضيقه واخلي المنطقه متهويه عشان ما تصيبها رطوبه واهتم بنظافتها اول بأول
و قبل خروجج من الحمام الله يكرمج
نظفي المنطقه بكلينكس نوعيته ما تتقطع بسرعه بس طبطبي ع المنطقه مب تمسحين مسح قوي
####
وطبعا انا رحت عند دكتورتي وعطتني غسول داخلي فيه انبوب طويل بالبدايه
عشان الافرازات الي تجمعت داخل المهيل تطيح كلها
ويوم استعملتها كانت قطع تنزل مني ويوم خبرت الدكتوره قالت لي هاي افرازات قديمه متجمعه عندج بالمهبل

وعقب ما خلصت من الغسول عطتني تحاميل احطيها قبل النوم يوم اجوف عندي افرازات


والحمد لله بعد العلاج على طول حملت بفضل الله ... ^^