عنوان الموضوع : مستشفى توام ضروري بنات للحمل و الولادة
مقدم من طرف منتديات الضمير العربي

مرحبا بنات شخباركم

يوم الاحد الي طاف سرنا انا وريلي مستشفى توام عسب نحجز موعد للاخصاب
ريلي عنده مشكله وانا الحمدلله سليمه ونحن من بوظبي دكتور من بوظبي دل ريلي على مستشفى توام قاله علاجك هناك في مستشفى توام

المهم سرنا عسب نحجز اول مادخلنا للرسيبشن كانن بنتين في الريسبشين وحده زلمه والثانيه مواطنه
قلنالهم نبي موعد الزلمه قالت عندكم تحويله قلنالها لا قالت مايصير لازم تحويله من مستشفى سيرو سوو فحص ومادري شو بس نحن عندنا تقرير يعني ماتشوفين التقرير شطوله وشعرضه صج قهرتني وكنا بنروح عاد نحن شدرانا قلنا يمكن تبي تحويله تخيلوا عاد نضرب خط للعين مره ثانيه الا المواطنه يزاها الله خير قالت موشرط تحويله اي شي تقرير حتى قلنالها هيه عندنا تقرير قالت قعدوا وبعد شوي بناديكم

عقب يت المواطنه وكتبت الموعد بسمي انا
الحين يا بنات ابا اسال شدخلني انا ليش كتبت الموعد بسمي هل يمكن تتحراني انا المريضه ولا عادي ولا المفروض تكتبه بسم ريلي ولاسالتنا عن التقرير ولا اي شي بس الاسم والرقم وعطتنا الموعد

ممكن تجاوبون للتعرف

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ليش ماتجربون مركز دبي للاخصاب وهذا رقمهم ***

والله يرزقكم يارب في هذا الشهر الكريم

__________________________________________________ __________

>>>> الرد الثاني :
للرفع

__________________________________________________ __________

>>>> الرد الثالث :
لازم تدخلون انتي وريلج على الدكتورة مع بعض وتسوون فحوصات وعقب بيحددون علاجكم ربي ييسر امرح ويرزقكم الذرية الصالحة

__________________________________________________ __________

>>>> الرد الرابع :
صباح الأنوار
بنات هل صدج الحين مستشفى تؤام ما يعالجون غير المواطنين.؟؟؟؟؟؟!!!!!!!!!!!!

__________________________________________________ __________

>>>> الرد الخامس :

المشاركة الأصلية كتبت بواسطة متى أحضن ضناي
صباح الأنوار
بنات هل صدج الحين مستشفى تؤام ما يعالجون غير المواطنين.؟؟؟؟؟؟!!!!!!!!!!!!



لا عادي مب شرط مواطنين ..

حرمة اخوي يوم كانت تعالج هناك كانت تشوف خليجيين ووافدين

من جنسيات مختلفه .. بس عاد المواطنين علاجهم تغطيه ثقه

عكس إللي مب مواطن يدفع تكاليف العلاج