عنوان الموضوع : أخذت بالأسباب للمرة الأولى،،، لسلامتك
مقدم من طرف منتديات الضمير العربي

هلا خواتي،،،،،

قررت أخيرا أني أروح أراجع واسوي فحوصات يعني أخذ بالأسباب علشان احمل مرة ثانية بإذن الله،،،،

رحت للدكتورة ما سوت لي فحوصات لكنها فحصتني بالسونار وقالت البويضات عندي صغار،،،،
هالكلام من رمضان بعدها ما راجعت،،،
هالمرة كنت رائحة لها اول يوم دورة عطتني كلوميد أخذه من ثاني يوم دورة لين خامس يوم حبتين فاليوم،،، بالإضافة لحبوب تنشيف الحليب،،، وقالت لي راجعيني فاليوم 12 للدورة واللي هو كان البارحة،،،،
بس بصراحة حبوب الكلوميد سببت لي آلام فظيييييعة فخواصري وظهري للحين الآلام موجودة،،

المهم البارحةفحصتني بالسونار على البطن،،، وشافت انه عندي بويضتين ما شالله على المبيض اليمين وحدة وعاليسار ثانية،،،، وقالت انه حجمهم ما شالله 25 و27 ،،،، لكنها مب شايفة البويضة يعني قاست الكيس اللي بداخله البويضة لكن البويضات ما شأفتهم،،،

بعد شافت انه بطانة الرحم عندي متجهزة للحمل ،،، وطلبت مني امشي ساعة عشان البويضات تنزل ،،،، طبعا أنا مب فاهمة شو السالفة وين راحت البويضات؟؟؟؟

اللي عندها خلفية أو مرت فها لموقف تعطينا معلومة الله يجزيها الجنة يا رب،،،

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا حبيبتي انا خذت كلوميد هالشهر
وعندي بويضه حجمها مناسب بس ماقالتلي كم حجمها ... عطتني ابرة تفجيرية ويتني الالام بسيطه وبس
الحين اكل ديفاستون وفي انتظار النتيجة ويارب اكون حامل ....
على فكرة انا في كل حمل لي اخذ كلوميد وابر مرة تنجح ومرة لا .....اللهم هب لي واختي طموح دبا ذرية طيبة انك سميع الدعاء

__________________________________________________ __________

>>>> الرد الثاني :
هلا أختي الله يوفقج ويرزقج الذريه الصالحه ' اتوقع الدكتوره تقصد البويضه تنزل من المبيض قصدها يمكن ماعطتج ابره تفجيريه عشان تنزل بروحها .

__________________________________________________ __________

>>>> الرد الثالث :
اتوقع قصدها تنزل من المبيض للانبوب حتى تصير جاهزه للاخصاب



كل من تريد الذريه تكثر من الاستغفار

__________________________________________________ __________

>>>> الرد الرابع :

المشاركة الأصلية كتبت بواسطة ليمونة حلوة
هلا حبيبتي انا خذت كلوميد هالشهر
وعندي بويضه حجمها مناسب بس ماقالتلي كم حجمها ... عطتني ابرة تفجيرية ويتني الالام بسيطه وبس
الحين اكل ديفاستون وفي انتظار النتيجة ويارب اكون حامل ....
على فكرة انا في كل حمل لي اخذ كلوميد وابر مرة تنجح ومرة لا .....اللهم هب لي واختي طموح دبا ذرية طيبة انك سميع الدعاء



آآمين أختي الله يسمع منج ،،،لكن شو الفحوصات اللي سويتها لج الدكتورة ؟ عني بس فحص سنورا عقب كتبت لي الدواء

__________________________________________________ __________

>>>> الرد الخامس :

المشاركة الأصلية كتبت بواسطة الأمل موجود@
هلا أختي الله يوفقج ويرزقج الذريه الصالحه ' اتوقع الدكتوره تقصد البويضه تنزل من المبيض قصدها يمكن ماعطتج ابره تفجيريه عشان تنزل بروحها .



هي رمست عن الإبرة التفجيرية بس مب هالشهر وانه البويضات مب موجودات خلاص نزلن وين راحن !!!! بروحي ما دري