عنوان الموضوع : الي عندها تكيس فالمبايض وتبا تتعالج باذن الله تتفضل
مقدم من طرف منتديات الضمير العربي

السلام عليكم ورحمة الله وبركاته
شحالكم بنات انا يبت لكم علاج بالاعشاب وهالعلاج مجرب جارتنا مجربتنه وفادها هي كان عندها كيس فالكبد وسارت للمستشفى قالها الدكتور لازم عمليه عندج كيس كبير فالكبد طلعت من عند الدكتور تصيح شافتها حرمه قالتلها سلامات شو عندج تصيحين خبرتها قالتلها انا بعطيش العلاج هو خاص بالتكيس بالمبايض بس انت جربيه وشوفي كل شي بيد رب العالمين سوت العلاج بعد اسبوعين طاح الكيس سبحان الله حتى راواته لدكتور ماصدق يوم شيك عليها قالها سبحان الله الكبد مافيه اي شي......؟
العلاج هو: الحبة السودا+الحبة الحمرا+الحلبة+الكامون مب الكمون الي نعرفه هذا خاص بالعلاج ،اتنقينهم عدل وتطحنيهم وتخلطينهم ويا العسل وتاخدين ملعقه الصبح ويا الشاي او الحليب الحار وبتشوفين النتيجه انشاءالله .
انا يبت الاعشاب من محل كواشي في بوظبي والي بتسيرله تقوله الكمون مال العلاج هو عارفنه انا سويت الخلطه عندي تكيس فالمبايض الحين صارلي 3ايام اخد العلاج والله العظيم قطع تنزل مني (اكرمكم الله)امنى اني اكون افدتكم الله يشفيني ويشفي الجميع يارب
ادعولي بالذريه الصالحه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يشفيج الغاليه ..وان شاء الله تلاقين النتيجه اللي تبينها

__________________________________________________ __________

>>>> الرد الثاني :
امين يارب مشكوره الغلا

__________________________________________________ __________

>>>> الرد الثالث :
167 مشاهده ماشي ولا دعوه حلوه

__________________________________________________ __________

>>>> الرد الرابع :
الله يشفي جميع مرضانا ومرضى المسلمين
ويعافي مبتلانا

ويزاج الله خير ع النصيحة ^^

__________________________________________________ __________

>>>> الرد الخامس :

المشاركة الأصلية كتبت بواسطة حرم سعو
الله يشفي جميع مرضانا ومرضى المسلمين
ويعافي مبتلانا

ويزاج الله خير ع النصيحة ^^



امين يارب العالمين
مشكوره الغلا