عنوان الموضوع : وين تجمع اطفال الأنابيب للحمل و الولادة
مقدم من طرف منتديات الضمير العربي

السلام عليكم
شخباركم بغيت اعرف وين التجمع الله



يخليكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ابدي بالتجمع

والله يوفقكم

انا ناويه بس قلت انزل وزني اول

وعقب ان شاء نبدا رحلة حلوة

ونصيحه اذا ماحد بدى

كتبي رحلتج باسلوبج وبكل التفاصيل

ولك منا المتابعه والدعاء والدعم المعنوي

موفقه

__________________________________________________ __________

>>>> الرد الثاني :
السلام عليكم ورحمة الله وبركاته ،،،،،،، ياليت خواتي كل وحدة تكتب لنا تجربتها سواء كانت ناجحة ولا فاشلة ووووين سوت العملية وشو الأشياء اللي تحس انه كانت السبب في النجاح أو فشل العملية (طبعا الحمد لله كل شئ بيد رب العالمين)ونوعية الأكل اللي كانت تأكله والفيتامينات والأدوية يعني بمعنى الجدول اللي كانت ماشيه عليه من بداية العلاج لين الفحص ،،،،،،، والله محتاجين تجربتكم في هذا لموضوع ،،،

__________________________________________________ __________

>>>> الرد الثالث :
أنا هالشهر سويت العمليه عند دكتور وليد والحمدالله التبويض كان ممتاز ولله الحمد ..
و سحبو مني البويضات وكانت ممتازه .. و اتلقحو ..
و عقب السحب و كان عندي وايد الم و انتفاخ .. قال الدكتور عادي بيروح .. و عقبها ب 3 ايام كان الترجيع .. الحمدالله اتلقحو و رجعولي بس 2 .. و الم و النتفاخ كان مستمر .. الي بسببه الترجيع اخذ ساعه و شيء .. المهم عقب الترجيع كنت كله نايمه ع ظهري هذا من توصيات الدكتور .. عقبها دقيت العياده و كلمتهم انه عندي العوار مش طبيعي وما اتحمل .. قالو اروح لهم ظروري .. المهم ثاني يوم على طول .. رحت و جفت الدكتور و ع طول حطولي مغذي كبير .. كنت وايد تعبانه .. ورد جفت الدكتور مره ثانيه قال لازم كل يومين اقل شيء اي و يحطون لي مغذي لانه عندي المبايض وايد كبيره .. وقال إذا حسيت بالم فالليل اروح مستشفى .. وعقبها كل يومين تقريبا اروح ويحطون لي مغذي .. لانه ما كنت اقدر اكل شيء بسبب الانتفاخ و الم و صار عندي ضيق تنفس ..

ادعولي باجر بروح اسوي الفحص خلصت 14 يوم .. و هاي اول مره اسوي فيها العمليه .. وانا الحمدالله مافيني شيء وحتى زوجي .. وقبل حملت طبيعي بس الله ماكتب و نزل ..
الله يرزقنا بالذريه الصالحه ياہ?بّ ..

اسفه إذا في اخطاء املائيه ..

__________________________________________________ __________

>>>> الرد الرابع :
أختي فديت قلبه يا ريت يكون في تجمع عشان تستفيد من الأخوات اللي سبقونا. وعندهم خبرة

__________________________________________________ __________

>>>> الرد الخامس :
أختي ملاك طاهر إن شاء الله تيين باجر تبشرينا بالحمل
ان شاء الله بسوي العملية خلال هالاسبوع