صباح الخير حبيباتي
بدش فالموضوع على طول والكل يعرف بوضعي اني متزوجة من فترة طويلة ولحد الحين ما حملت و جربت التلقيح الصناعي و ما نفع و من بعده صارلي تكيسات اكثر عن قبل لدرجة ان الدورة بالشهرين و ثلاثة اشهر ما اشوفها ولله الحمد الحين أعالج عن دكتورة الصراحة فنانه قالتلي كان عندي تكيسات بسبب الأبر مال التلقيح وعندي وسخ فالرحم كأنه حمل قديم و تراكم
شكلي وايد طولت عليكم
المهم عطتني استخدم الجلوكوفاج ( دواء السكري) اول شي مرتين فاليوم حبة حبة و عطتني استخدم دواء الكورتيزون حبة بعد الفطور لمدة 5 أيام و استخدم تحاميل البيتادين.
واستخدم كل اللي قالتلي اياه و قالتلي ابتعد نهائيا عن القهوة وشاي الحليب
والنسكافية و الزيوت بكل انواعه واكثر من الفواكه والخضروات بس قالتلي لان نجاح التبويض من الاكل اللي تاكليه و سويت اللي هيه تبيه وقالتلي يوم تنزل الدورة تعالي .
الحمد الله
نزلت الدورة لكن كأنها اول مرة فحياتها اتتيني نزلت قطع كبيرة مني و مرضت وصارت حالتلي الله اعلم فيها ومن بعدها راجعتها فثالث يوم قالتلي الحمد الله كل الوسخ راح و التكيسات راحت
المهم قالتلي استخدم دواء الجلوكوفاج 3 مرات فاليوم و ردت عطتني الكورتيزون والتحاميل البيتادين بعد الدورة واستخدم clomid التنشيط بس خفيف .
والحمد الله من بعدها في فترة التبويض كان عندي موعد وقالتلي عند بويضة حجمها اوكي و منفجرة وشكلها ممتازة خلاص قالتلي احتمال انتي حامل من يومين وموعد الدورة ان شاء الله يوم الخميس 9/6/2016 وان شاء الله ما تييني.
سؤالي كالأتي انا من يوم فترة التبويض لين الحين ظهري يعورني و بطني لدرجة ما اقدر انام ولا اقعد و مرات امساك ومرات اسهال فهل هذا طبيعي ؟
سؤالي الثاني هل الواحد يعرف اني حامل من يومين يعني بعد موعد التوبيض بيومين تقريبا؟
سؤالي هل حد مر بنفس التجربة و حملت؟
وشو نصايحكم و خبراتكم؟
وهل اقدر اسوي رياضة لاني كنت ماشيه على نظام رياضي وقفت فهل اكمل او لا؟
وسؤال اريد اعرف شو الاعراض اللي لازم احس فيها الحين قبل الدروة بيوم او بعده؟
ارجوكم ساعدوني و دعولي بالذرية هالشهر لاني مشتاقه حق اليهال من 7 سنين و انا فخاطري فيهم !!!!
ربي لا تذرني فرداً وانت خير الوارثين