عنوان الموضوع : ساعدوني الله يخليكم وادعولي لسلامتك
مقدم من طرف منتديات الضمير العربي

السلام عليكم ورحمة الله وبركاته


بنات انا متزوجة بكمل الست سنوات وربي ما كتب لي الحمل والحمد لله على كل حال
طبعا سرت عند وايد دكاترة وكلهم يبون يسون لي منظار لانه عندي تكيس بس سبحان الله مول ما ارتحت ووكلت امري لله وقلت بسوي حقن مجهري آخر هالسنه ان شاء الله لأني قاعده انزل وزني
انا دورتي مول مب منتظمة يعني عادي تتأخر اربع شهور
الموهيم آخر دوره انتهت بتاريخ 3 مايو
وفي نفس اليوم حصل اللي يحصل بين الأزواج وأنا آسفه جداً لذكر هذا الشي ومستحيه والله منكم بس علشان أوضح لكم استفساري
بعدها ب عشر أيام تقريبا نزل علي دم قليل جداً قطرات وما استمرت وبعدها بساعه شيكت ما كان فيه شي إلا بقايا دم بني خفيف وخلاص
انا توقعت أنها دوره واستغربت لانها اول مره تصير معاي

ولاحظت انه نومي صاير متقطع حيل وما أحس براحه في النوم وألم اسفل البطن مشابه لألم الدوره
اشتريت اختبار منزلي وحللت طلع سلبي
ورجعت بعدها بيومين حللت وطلع سلبي وخليت الاختبار لمدة يمكن ست ساعات ورجعت لقيته فيه خط خفيف موجب
واستبشرت وسرت اليوم المستشفى وسويت فحص دم وطلع سلبي وصراحه شكل الدكتوره جيه حاسه انه ما فيه حمل لانها ضغطت شوي على بطني وعقب قالت روحي سوي الفحص ويوم سألتها قالت م اقدر أقول شي لين تظهر النتيجة بس قالت لي في حالة مافي حمل لننتظر الدوره ويعطيج كلوميد ويوم ظهرت النتيجة الممرضة قالت لي ارجعي راجعي مع الدكتوره بعد ثلاث أيام مادري ليش !!! أو أنها تقصد أني ارجع أسوي الفحص بعد ثلاث أيام ما فهمتها والله

وأنا اليوم كله لايعه جبدي وارجع وأحس مراره في فمي ما أحس بطعم الأكل انا قلت يمكن من الدوا اللي أخذه لانه عندي نزلة برد وأخذ مضاد حيوي من امس وبندول
وأحس تنفسي صائر صعب شوي ونفس الشي الم اسفل البطن
ورجعت اليوم اشتريت تحليل منزلي وبعد طلع سلبي
بنات انا وايد محتاره مادري انا حامل ولا هذا كله وهم
أحس عمري بصيح
اللي عندها أي معلومه تقدر تفيدني فيها الله يخليكم لا تبخل علي واللي ما عندها تكفون تدعيلي وتدعي لكل محرومة بالذريه الصالحه
الله يرزقكم أكثر من اللي تتمنونه
رب لا تذرني فردا وانت خير الوارثين

ربي يسعدكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يااااارب الله يرزقج الذريه عاجل غير اجل
اختي مادري ما احبطج بس الفحوصات الي سويتيهن وايد وكلهن سلبي معناتها مب حمل
الي تحسين فيه يمكن يكون تخيلات واوهام
اسال الله ان يرزقج ويرزق كل محرومه

__________________________________________________ __________

>>>> الرد الثاني :
الله يرزقج يآرب عاجلا غير اجلا حبيبتي ..

__________________________________________________ __________

>>>> الرد الثالث :
الله يرزقك الذرية الصالحة ويفرح قلبك عاجلا غير اجل اختي انشاء الله تكوني حامل انا اعملت اربع مرات فحص حمل وكانت النتيجة سلبية بس بالآخر اطلعت حامل انتي هلا لا توخذي أدوية لحتى تتاكدي وربي يفرحك

__________________________________________________ __________

>>>> الرد الرابع :
الله يرزقج الذريه عاجل غير اجل
أختي معروف عن الأناناس هو افضل علاج للتكيس
مع رياضة المشي

__________________________________________________ __________

>>>> الرد الخامس :
تسلمون حبايبي الله لا يحرمني منكم
مالي غير الدعاء وان شاء الله خير
ينتظر ثلاث أيام مثل ماقالت الممرضة وبعيد الفحص وان شاء الله بخبرهم بالنتيجة