عنوان الموضوع : منع الحمل .. افيدوني لسلامتك
مقدم من طرف منتديات الضمير العربي
السلام عليكم ورحمة الله و بركاته
بدش فالموضوع على طول
عرسي جريب ان شاء الله
وبصراحه مابا احمل من اول سنه خصوصا اني ادرس
وماعرف منو اسال ، افيدوني، شو موانع الحمل المضمونه
وهل الحبوب صدق يسون عقم ؟
ياليت الي ترد تكون عندها خبره
والي تعرف دكتوره نساء في دبي ياليت اطرش لي رقمها عالخاص
والسموحه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
كل البنات الي ما يبون يحملون اعرفهم معرفه خاصه قالولي لولب هرموني ..
له سلبيات ممكن بس انسب و امن طريقه لانج تمنعين الحمل ..
بس في لولب لمده 3 او 5 سنوات يمكن ؟؟ ماعرف ..
استشيري دكتوره نسائيه و هي بتسويلج التحاليل اللازمه ع رايه بتعطيج الافضل ..
اتمنالج عرس سعيد وطله مميزه
__________________________________________________ __________
>>>> الرد الثاني :
اختي الدكتورة بتقولج ما انصح بالموانع بالاول الزواج اللولب اذا اول بيبي عندج احتمال الدكتورة ما تركبه لانه ما ينصحون باول بيبي ما عندج غير المنع الطبيعي
__________________________________________________ __________
>>>> الرد الثالث :
حبيبتي اتووقع اللولب ابدااا ما ينفع لهااا لان الاخت توها معرسه
وما اظني يركبون اللولب لو اول مره
اصلا بعد اول طفل ويلله يلله ترضى الدكتوره تركبه
اختي في حبوب منع الحمل ابسط شي بس لازم تنتظمين فيها وتلتزمييين فيهـا
بس انا لو مكانج بخلي كل اموري على الله ماتعرفين متي ربج يبا يرزقج بيرزقج ولاتتحملين
انا ما استخدمت شي مع اني كنت اخر كورس وكنت ماريد احمل اول شهور عشان اخلص
وسبحان الله الله ما اراد اني احمل الا عقب 10 شهوور والحمد الله كلها كانت تسااهيييل من الله
__________________________________________________ __________
>>>> الرد الرابع :
السلام عليكم ورحمة الله
عزيزتي مافي شي مضمون ........... أبداً ! سبحان الله
لولب نوووو
حب منع حمل ... بصراحة بالبداية يعمل مشاكل وخربطة دورة، وبينزل عندج دم ولا تعرفين هذا دم دورة ولا شو بالضبط .. وتأثر فالجسم
مالك غير المنع الطبيعي .......... أو استخدام الواقي !
لكن أول الزواج الواحد يبا يفرح براحته هههههه بدون ألم وبدون واقي وبدون منع ..........
بالتوفيق ومبروك
والسلام عليكم ورحمة الله
__________________________________________________ __________
>>>> الرد الخامس :
انا بعد انصحج اختي تخلينها على الله انتي اساسا ما تعرفين طبيعة جسمج وتبدين بهرمونات وعلى فكره اللولب الهرموني فمستشفى لطيفه ما يركبونه الا للي عندها مشاكل فالدوره والهرمونات العياده الخاصه بس فالحين يركبونه لكل حد استخدمي المنع الطبيعي او الواقي بس اتجنبي الحبوب واللولب والابر
رد مع اقتباس
