عنوان الموضوع : جهاز التبويض له علاقه بالحمل ؟؟ لصحة الحمل
مقدم من طرف منتديات الضمير العربي

مرحبا بنات

بقولكم عن مشكلتي وي تاخر الدوره

الدوره تاخرت واااااااايد

سويت تحليل الحمل و البول كذا مره مايطلع شي

ويوم سرت للدكتوره بالصوره جافت شي شبه كيس جنين وقالت عسب تتاكد
رديت اسوي تحليل الحمل وماطلع شي وبعدين قالت بعطيج حبوب تنزل الدوره استمر بالحبوب لمده خمس ايام وثاني يوم للدوره اروح اسوي جميع الفحوصات اللي هي طلبتها مني للعلم خلصت الحبوب وخلصن الخمس ايام واليوم موعد عسب التحاليل بس كيف اروح وانا ماياتني الدوره !!؟؟!!


المهم صدري وايد مستوي ثجيل سويت تحليل منزلي يطلع سالب
قلت بجرب اسوي تحليل الاباضه والمفروض جهاز الاباضه استخدمه بعد الدوره بس انا جربته الحين وطلع لي سمايل غريبه سمايل وانا الدوره ماياتني شهرين ويوم طلعت الشريحه خطين
استغربت تتوقعون حمل ولا صجججج اباضه ولا يبين لي هرمون الحليب مرتفع ؟؟؟؟؟؟!!!!!!!؟؟؟؟؟؟!!!!!!

شووو الموضوع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
شو هالدكتوره شاكه انج حامل وشافت كيس جنين وبع تسير تعطيج حبوب تنزل الدوره
وانتي من صدقج خذتيها ??? الله يهديج اذا شلكه بالحمل لا تاخذين هالاشياء وبعدين لاتستعيلين اتريي بعد مب كل مره يظهر بسرعه

وجهاز التبويض مايخصه لانه يحسبلج بس هرمونات مخصصه للاباضه
والله يرزقج بالذريه الصالحه

__________________________________________________ __________

>>>> الرد الثاني :
يمكن عندج اباضه استغلي هالشي ويمكن تكوني حامل ان شاء الله احسن شي سوي تحليل دم في ناس مايبين عندهم الحمل بالبول تكرمين

__________________________________________________ __________

>>>> الرد الثالث :
حبيبتي الحبوب اللي تنزل الدوره ما تأثر اذا كان في حمل لانها تثبت الجنين اذا في حمل .. تريي 10 ايام و اذا ما نزلت ردي سوي تحليل مره ثانيه ..

عادي شي بنات شهور تغيب عنهم و يكون سبحان الله في اباضه و يصير حمل ..

__________________________________________________ __________

>>>> الرد الرابع :
الأخت دبي كلامها صح

حبوب الي تنزل الدوره اغلبها تثبت الحمل

__________________________________________________ __________

>>>> الرد الخامس :
الله يفرحنا
بشرينا اختي شو صار معاج