عنوان الموضوع : مب متزوجة و عندي تكيس المبايض لصحة الحمل
مقدم من طرف منتديات الضمير العربي

السلام عليكم و رحمة الله و بركاته
ماعرف اذا موضوعي في مكانه الصحيح او لا

لكني ما لقيت موضوع او قسم يناقش مشاكل البنات النسائية

من فترة شخصوني بتكيس لان الدوره صارلها فتره مخربطة..
وعندي تساقط شعر فضيع خصوصا مقدمة الراس،،
وطبعا حب شباب و زيادة وزن

الدكتوره كتبت لي على علاج اللي هي اقراص منع الحمل
و دواء يساعد على تنزيل الوزن
وبودرة تتضمن الفولك اسد و فيتامين "دال"

وقالت لي حبوب منع الحمل اخذها لين ما اعرس
وحبوب تنزيل الوزن و البودرة لمدة 6 شهور

انا بديت بحبوب المنع من الشهر اللي فات بعد خامس يوم
لكن من اخذتها يا بنات عندي الم ف الصدر مثل النغزات
والمبايض
وبعد احس بكآبة و صرت مزاجيه وكله كسلانه

انا خايفه من حبوب المانع تاثر علي مستقبلا

وعمري 29 وماعرست وجريب راح ادش ال30 واعرف خصوبة المراة تقل بال30
شو تنصحوني يا بنات؟؟
استمر عالعلاج وهل هالتكيس بيستمر مدى الحياة
ولا اخذ الجلوكوفاج طبعا بعد استشارة الدكتوور

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
و نسيت اقول عندي خمول الغدة الدرقية
لكن النتيجة كانت طبيعيه اخر مره فالفحص

__________________________________________________ __________

>>>> الرد الثاني :
هلا حبيبتي ..

سلامتج يالغاليه ما تشوفين شر ان شاء الله .. و الله يرزقج بالزوج الصالح

انا عندي نفس حالتج .. خمول في الغذه اللي زيد وزني وايد و كنت هاملتنها .. و تكيسات في المبايض .. و هرموناتي متخربطه و المزاج استغفر الله

الحمدلله سرت الهند و ما كان شي حل غير العمليه ..

عطتني ادويه عشان الغده و الوزن الزايد و ادويه ما ترجع التكيسات مره ثانيه .. فأنا انصحج اتسيرين لحد متخصص بالمبايض و الغده عشان يشرحلج حالتج بالضبط .. و ما اتمين في حيره ..

و الله يعافيج يا رب

__________________________________________________ __________

>>>> الرد الثالث :
ليش منع الحمل حرام تاخذين لانه رح يأثر عليج مستقبلا ورح يتأخر حملج واايد
أصلا منع الحمل رح يزيد وزنج وايد ويمكن يتلخبط دورتج بعد

__________________________________________________ __________

>>>> الرد الرابع :
صحيح اخت زهرمار في شهر واحد بعد استخدامي للمانع زدت كيلو ونص
واصلا يسوي احتباس سوائل

عشان جي ابغي اعرف شو الخيارات المتاحة جدامي عسب اعالج التكيس اللي عندي

__________________________________________________ __________

>>>> الرد الخامس :
الغالية عن تجربة لا تاخذين مانع حمل والله بتتعبين

انا خذت و طلع غلط اخذ مانع حمل دام مب معرسة !!

سرت دكتور غدد صماء و تميت ماشي على كورس علاجي من شهر واحد لين أحين وماشي تكيـس الحمدلله والدورة منتظمة ماشاء الله

لا تروحين دكتورة نسائية ، روحي أخصائي او استشاري غدد صماء

عانيت من دكاترة النساء لأن تشخيصهم غلط و الأدوية ما تناسب الآنسات (:

اذا ف بوظبي بدليج على غدد صماء او دوري على هالإختصاص في أمارتج