عنوان الموضوع : قصةة حمــلي بعد صبريْ~
مقدم من طرف منتديات الضمير العربي

السلام عليكم ورحمة الله وبركاته







موضوع فحواه هدية من:




صابرات توج صبرهن بعد طول انتظار وشوق ب(ذرية ) صالحة باذن الله ...






الى :






صابرات متمسكآت بامل لا ينقطع باذن الله ... نسال الله لهن الثبات في الاختبار والابتلاء .. وان يختمها بختام من مسك .... وذرية طيبة مباركة من لدنه ...







الى كل من ترغب في نشر قصة حملها بعد معاناة سنين وشهور من الانتظار لتبعث وتحيي الامل في قلب اختها الصبورة ... فلتتفضل في سرده بوقائعه واحاسيسه ها هنا...




مررنا بالم الصبر ومره ووحشته ... نعم انثى انا اتمنى طفلا ... ولكن الله يقدر ما يشاء يحسن التدبير ومن سواه يدبر هذا الكون ويسيره بامره ...



فاعطاني واجزل لي العطاء ....


فاسمعي اخيتي بقصتي ...



اتمنى المشآركة الفعاله ...


ملاحظة: ما اريد في الموضوع اي كلمة شكرا او للرفع وما الى ذلك مجرد مشاركات لا معنى لها ارجو عدم طرحها ... موضوع يهدف الى غرس نبتة الامل في قلب احبه رغم عدم معرفتي به .... هي اختي فالله اتمنى لها التوفيق ...


دمتم بود

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بنت جيرانا تاخرت فالانجاب تقريبا لمدة 8 سنوات

والحمدلله الحين عندها بنوتة صغيرة


حملت عن طريق اطفال الانابيب



وللحين 2 من اخوانهم بعدهم مارزقوا باطفال بالرغم من مورو سنوات عديدة




لكن الامل يبقى بالله وحده



انما امره اذا اردا شيئا ان يقول له كن فيكون )


عليكن بالاستغفار

والصدقة

وقيام الليل

__________________________________________________ __________

>>>> الرد الثاني :
‎موفقه ان شاء الله

" أسأل ربي الذي قال وقوله الحق:
{ ادعوني أستجب لكم }
أن ينظر إليكم نظرة رضا لايعقبها سخط أبدا ويلبسكم ثياب العافية لاينزعها عنكم مددا آمين "

__________________________________________________ __________

>>>> الرد الثالث :
وحده من اهلي صبرت 10 سنوات ..
والله رزقها بعد العلاج
وعندها بنتين الحين

__________________________________________________ __________

>>>> الرد الرابع :
امي يوم سارت المستشفي قالو لها انتى مابتيبين عيلب بل عن طريق الانابيب سارت وقالت لى ابوي
وابوي قال لها اذا الله بيرزقنا عيال بيرزقنه من غير لا نسوى انابيب
عقبها امى حملت ويابت اخوى وعقبها بسنه يابتنى والحين انا 4 بنات وولدين
وامى يوم يابت اختى اخر وحده عمرها الحين 4 ونص
الدكتوره قالت لها كيف حملتى وانتى اصلن ما تيبيت عيال

__________________________________________________ __________

>>>> الرد الخامس :
السلام عليكم

موضوع جميل

أعرف وحده من اهلنا من تزوجت كملت 17 سنة

ومن وين ماتروح يقولولها أنتي عقيم ماتيبين عيال

ماخلت مستشفى في الدولة ولا خارجها إلا وراحته لكن

الجواب نفسه .. ريلها بسبت كلام الناس وضغط الأهل حاول

يتزوج عليها اكثر من مرة .. لكن في كل مرة يكنسل لأنه زوجته

مب هاينه عليه ولا يبى يشعرها بنقص .. وصبروا وعقب وقفوا من العلاج

وعاشوا حياتهم طبيعي ..

من سنتين كان عرس أخو هالحرمه وتمت تشتغل وايد فالعرس

يا مقبله شرق يا مقبله غرب بالذات هي اختهم الكبيرة .. فتحس بالمسوؤلية

قبل نهاية العرس بساعة طاحت عليهم فالعرس .. وعلى طول شلوها العيادة

سولها فحوصات وماأعرف شوه .. عقب الدكتور قال لها شكلج وايد باذله

مجهود ومتعبه عمرج .. قالت له هيه عندنا عرس.. قال المفروض تراعين إللي

في بطنج .. عقب لو ياه شيء بتمي تتلومي .. طبعا فالبداية ماأستوعبت شوه يقول

الدكتور ..!! بس ريلها كان مصدوم لانه فاهم السالفة .. هههههه يوم أستوعبت

أغمى عليها مرة ثانية من الصدمه .. وماشاء الله يابت بنت شرات القمر .. ومن خلصت

الأربعين حملت مرة ثانية وقريب والده ببنت ثانية الانسان أهم شيء مافقد الأمل

ويعيش حياته طبيعي ويخلي امله برب العباد .. والصبر والصلاة والدعاء والاستغفار