عنوان الموضوع : الحجــامة للحمــل
مقدم من طرف منتديات الضمير العربي
السلام عليكم و رحمة الله و بركاته
شحالكم خواتي ؟
امممم
أولا ، انا عزبا بس سمعت عن هالمعلومة ف حبيت أفيدكم
صديقتي قالت لي مرة ان اختها تأخرت فالحمل ، و اتوقع تمت سنة او سنتين ما حملت ..
و الدورة احيانا كانت تتأخر عندها ، ف يوم تسوي اختبار الحمل المنزلي تطلع لها النتيجه ايجابيه ..
بس يوم تسوي فحص الدم فالمستشفى يطلع سلبي يعني مب حامل و النتيجه الايجابيه كان سببها ارتفاع هرمون الحليب عندها او شي من هالقبيل ..
تمت على هالحال فترة .. و عقب الحمدلله حملت بس سقطت .. ماذكر السبب بالضبط ..
المهم
عقب حد شار عليها تسوي حجامه
ف سوت عند حرمة عندها خبرة فالحجامة .. سوت لها فمنطقة تحت السره اللي هو الرحم ..
و عقبها مادري بشهر او اكثر الحمدلله حملت و يابت بنوته
و في كذا وحده سمعت عن تأخرها في الحمل سنين بس مجرد سوت الحجامه الله سهل لهم و احملوا الحمدلله ..
سووا حجامة يا بنات شو بتخسرون .. الرسول وصى بالحجامه ك معالجه ..
سبحان الله يمكن تفيدكم
* انا ما اقول ان الحجامه سحر أو أأكد لكم انها تنفع او لا ، بس مجرد شي سمعته و شفته و قلت افيدكم فيه
والشي اللي لازم كل وحده تحطه ف بالها ، أول شي و اهم شي الثقه بالله تعالى
مب تلجؤون للأطباء والادوية و تعتمدون عليهم اعتماد كلي !
الاطباء و الادوية و الحجامه ووووالخ ، كلها مجرد ( أسباب ) الله كتبها لكم عشان تساعدكم فاللي تبونه ..
و الله هو الوحيد اللي بيلبي أمنيتكم فالظنى او غيره .. ف أحسنوا صدق التوكل عليه ، و حافظوا على صلواتكم و العبادات و قيام الليل و المواظبة على قراءة القرآن و الاذكار والاستغفار و الصدقه ..
والله اذا كتب لج تحملين بتحملين حتى لو دخلتي ال 50 .. بس خلي ثقتج بالله موجوده و أحسني الظن بالله سبحانه وتعالى ..
و كل تأخيرة فيها خيره إن شاء الله
وبالختام
أسأل الله بإنه يرزق كل وحده بالظنى اللي تتمناه عاجلا غير آجل يا رب العالمين
و عقب تعالن اتشكن ولدي وولدي
الله يرزكم ياااا رب
و صح ملاحظة :
أتمنى محد يسألني عن الحرمة اللي سوت حجامة للبنت لأني جد ماعرفها ، و السالفه صار لها سنييين الحين
المغزى : انكم تروحون لناس خبرة فسوالف الحجامة ، والحين شي عيادات فالدولة بس تخصص حجامة .. ان شاء الله أكون فدتكم لو بشي بسيط
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
روعة
هذي النصيحة الي ظاهرة من القلب توصل للقلب
قولي امين
يارب تعرسين وتاخذين واحد شيخ المعاني ويحفظكم من العين ويرزقكم الاموال والبنين
امين
__________________________________________________ __________
>>>> الرد الثاني :
روعة
هذي النصيحة الي ظاهرة من القلب توصل للقلب
قولي امين
يارب تعرسين وتاخذين واحد شيخ المعاني ويحفظكم من العين ويرزقكم الاموال والبنين
امين
__________________________________________________ __________
>>>> الرد الثالث :
__________________________________________________ __________
>>>> الرد الرابع :
سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .
__________________________________________________ __________
>>>> الرد الخامس :
والله أنا أريد أسوي بس خايفة أحس يعور