عنوان الموضوع : برنامجي للحمل بإذن الله.. اللهم يسر و بارك سلامة الحمل
مقدم من طرف منتديات الضمير العربي

السلام عليكم خواتي ورحمة الله وبركاته

اللي تتابع مواضعي بتعرف إني ما أحمل طبيعي

الحمدلله، لله الحمد والمنة الله رزقني عن طريق اطفال الانابيب بولدين خمس سنين وثلاث سنين

العملية سويتها خمس مرات وجداً متعبة ومعاناة وطبعاً خطرة على الصحة
خاصة الهرمونات ممكن والعياذ بالله تسبب سرطانات والعياذ بالله ودماترتي نبهوني على هذا الموضوع
طبعاً غير البويضات الكثيرة اللي خسرتهن تسبب تقديم لسن اليأس
كل عملية اسويها تقريباً سنة او اكثر من شبابي
أعلى عدد من البويضات كان في العملية الأولى وكل عملية تقل عندي عدد البويضات اللي يسحبونها أقل وأقل وأقل....

اذا الله راد ناوية أحمل بشكل طبيعي ان شاء الله اذا كان في نصيب
الله ييسر ويسهل

الحمد لله العلم تقدم، ممكن من الاسبوع العاشر تقريباً للحمل يسوون فحص دم للحامل ويبين اذا في عيوب خلقية في الجنين.. فيعني محاتاة سلامة الجنين انحلت.. ولو ان امي تقولي تسوين تحليل عقب يطلع شي الله لا يقدره تشوه او منغولي عقب تنزلينه؟؟!!! ان شاء الله مايسير والله الرزاق يمكن بعد ارحم لي من العملية والآبار وخساير البويضات

طولت عليكم اسمحولي عذي مواضيعي وحتى ردودي تقارير خخخخ

المهم ني للبرنامج اللي سويته لنفسي و ممكن تستفيدون منه:

الحبوب


ابتديتهم من ثلاث اسابيع ومازلت مستمرة لين يسير حمل بوقف
على الريج غذاء ملكات النحل نفس اللي في الصورة وكله من الصيدلية

بعد الريوق فيتامينات pregnaplan هذي لقبل وأثناء الحمل ولفترة الرضاعة ممتازة جربتها بحملي الاول والثاني واحس جسمي يستفيد منها

فوليك اسيد عيار خمسة الطبي مب التجاري،، في نفس العلبة اللي انا حاطتنها وفي علبة صناعة سعودية تي العلبة كلها صفرا بس لاتاخذون اللي في علب بلاستيك

أسبرين الحماية 100
فيتامين E ضروري للخصوبة

فيتامينات B مادري اذا بتفيدكم للحمل بس لأني عصبية خذتهم لاتستغربون

وحبوب الميتفورمين (الجلوكوفاج) 500 بعد الغدا يساعد على الحمل خاصة اللي عندهم تكيسات مثلي (تكيساتي شنييييعة) مالها مثيل اطلع من الاربعين اسوي فحص موجودات مثل عقد اللولو على المبيضين


بالنسبة للتغذية أشرب عصير أناناس و جوز الهند آخذه معصور فريش من كانتين اللولو مب يومياً بس اليوم نزلت الدورة وزوجي بيرجع ان شاء الله من السفر الاسبوع الياي فاريد اشرب هالعصيرين يومياً


جهزت المريمية شاي ثلاث مرات باليوم ابتداءً من اليوم

طبعاً الاكل مركزة جرجير وخيار وطماطم وموز وبرتقال وبطاطا حلوة
أول خمسة أيام قرفة مطحونة مع ملعقة عسل، ان شاء الله ابتدي من باجر الصبح بعد غذاء ملكات النحل

صح بعد أهم شي
الماي ثلاث لترات يومياً والمشي لين أعرق عدل


القرآن سورة البقرة وسورة يوسف وسورة يس و سورة تبارك بنية الله يرزقني بس نزلت اليوم وقفت.. ان شاء الله بعد ما انيم اليهال اسمع نفس السور من المسجل
وطبعاً الاستغفار
والحمدلله دعيت ربي الله يستجيب اللهم آمين
والحمدلله على كل حال

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما شا الله اختي
الله يرزقك بالذرية الصالحه الي تسر العين والبال والخاطر , السعي والتوكل على الله والأخذ بالأسباب يريح النفس

__________________________________________________ __________

>>>> الرد الثاني :
موفقه حبيبتي برنامج روووعه بس بخصوص فيتامين بي كيف يعني تاخذينه لإنج عصبيه

__________________________________________________ __________

>>>> الرد الثالث :

المشاركة الأصلية كتبت بواسطة ناروتا
ما شا الله اختي
الله يرزقك بالذرية الصالحه الي تسر العين والبال والخاطر , السعي والتوكل على الله والأخذ بالأسباب يريح النفس



جزاج الله خير وايد ارتحت من كلامج الله يسعدج دنيا وآخرة ويرزقج اللي تتمنيه من الخير

__________________________________________________ __________

>>>> الرد الرابع :

المشاركة الأصلية كتبت بواسطة غرام عسكري
موفقه حبيبتي برنامج روووعه بس بخصوص فيتامين بي كيف يعني تاخذينه لإنج عصبيه




مجموعة فيتامين B جداً مفيدة للي عندهم توتر و عصبية وحتى اللي عندهم أمراض نفسية.. الحمدلله ماعندي اي مرض نفسي بس عصبية شوي عند المواقف اللي تنرفزني ومخي على طول شغال تفكير،، ماتلاحظون مشاركاتي تقارير ههههه

__________________________________________________ __________

>>>> الرد الخامس :
برنامجي للخمسة أيام إبتداءاً من اليوم:

على الريج غذاء ملكات النحل

بعد ساعة خذت جرفة وطحنتهم في مطحنة القهوة وخذت ملعقة وضفتها مع ملعقة قسط هندي وعليهم عسل وكلته.... حار وبعد مايذوب في الحلج "أرف" ريحة القسط نفس ريحة التيس بس ضاعت مع الجرفة والعسل بس ينحس بطعمها في الحلج
المهم شربت عليه ماي حوالي نص غرشة كبيرة وطولت لين ماخلصت اكل الخلطة
اللي تبا تسوي نفس برنامجي و وزنها خفيف تاخذ بس ملعقة صغيرة من الجرفة ومن القسط
انا وزني شوي زايد بالرغم ان شكلي وسط فخذت ملعقة كبيرة من الاثنين

الجرفة نصحتني فيها صيدلانية قالت لي خذي ملعقة جرفة مطحونة مع العسل جداً تقوي وتنضج البويضة! ان شاء الله.. وبعد مناسبة لأيام الدورة
بس خذوها اعواد وطحنوها بروحكم
والقسط الهندي بعد يساعد على ضبط الهرمونات وخاصة امراض الغدة الدرقية سواء ناقص او زايد وبعد مذكورة في الطب النبوي وطبيعته حار فمناسب لايام الدورة