عنوان الموضوع : بسكم يا بنات حرااام.. مشاكل الحمل
مقدم من طرف منتديات الضمير العربي

بنات فديتكم
بسكم حبوب وأعشاب وخرابيط
ترى أمسات أنا مودعة وحده من ربيعاتي
رايحه تتعالج برع على حساب الدولة
بسبه هالخرابيط..!
ني***شن وغيره..
البنت الله يبعد عندكم صابها فايروس في الدم
والدكتوره قالتها وقفي من هالسوالف

وأعرف وحده ثانية كل شوي مغمى عليها ودمها نازل

الله يخليكم
الصحة أهم من الوزن
وانتم ترومون تخسون من غير حبوب
صدقوني..!

عيبنا أن نحن مستعجلات
نبى نصير شرات المليكان في شهرين..!
وهاللحم والشحم مخزن في جسمنا صارله سنين
بالله عليج كيف تخسرين هالشئ في شهرين..!

أنا خسيت لين الحين 15 كيلو في عشر شهور
كل شهر كيلو ولا كيلو ونص
وما رحت لا عند دكتور ولا مشيت على نظام أكل معين
وآكل اللي في خاطري
بس قللت ولعب رياضة وماشي عشى

تتحرون هالدوى سحر يعني..!
أمسات شفت وحده مشت على الريجيم الكيماوي
وخست 30 كيلو في شهرين
وبعدها بسنة
رجعتهم دبل..!

تعرفون ليش جي يصير..؟
لأن معتمدين على نظام الريجيم
نظام الحرمان
فطبيعي الوحده تمتن دبل بعد ما حرمت نفسها شهرين
من الأشياء اللي تحبها


نصيحيتي يا حبيباتي
فكرو يوم بتنوون تخسون
أن هالشئ انتي تبينه مدى الحياة
مب فترة وتنتهي
عسب الريجيم فترة وتنتهي
لكن مدى الحياة
يعني حياة صحية للأبد
هنيه انتي لازم تتغيرين
ويكون نظامج صحي
تتريقين وتتغدين وتتعشين
تاكلين كاكاو كل يومين عن خاطرج

لا للحرمان
هذا شعاري بديته من 10 شهور
وإلتزمت به وخسيت
ووصلت نص الطريج

وانتي بعد اختي
حطي لج نظام بنفسج
انتي ادرى شو تحبين وشو في خاطرج
عقلنا يشتغل بطريقه عكسيه
يوم بتقولين حرمان
في عقلج يعني يوع ومجاعه
فيأمر جسمج بأن ينتج هرمونات عسب تيوعيين
دبل..! <<ما تلاحظون هالشئ يوم تقررون تسوون ريجيم
ويبتدي يحافظ على الدهون في الجسم
لأن يفهم انج بتحرمينه من أساسياته

فحرام عليكم تلعبون بأجسادكم
حراااااااااااااااااااااااااام
والله حراااام

أشوف البنات طاحيين هنيه وهناك
وحده تصارع الموت من هالسوالف
وحده تاخذ حبوب علاج لهموناتها اللي اختربن من الريجيم
بلاوي والله بلاوي

الله يهديكن
وارد واقول الصحة قبل كل الشئ
وبأيديج تخسين بطريقه صحية

والله المستعان

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
صباح الخير
هلا وغلا با سومي

شحالج الغاليه والله ان الكلم الي قلتي صح و100 صح بعد

انا كنت كل ماشفت رجيم نزلت عليه اي عضوه اقول حلو وروح اسويه وطبا الجسام تختلف وكان وزني ما ينزل وهيا كل سبوع تنزل

وبعد رجعت احرم نفسي من كل شيء
اليييين صار عندي ضعف في جميع الفتامينات الي في جسمي

وقالت لي اخصائيه انتى تحرمي نفسك وااااااااااايد وطلعتي بنتيجه انك اذا ستمريت على هذا الحال رح يصير عند سكر وكرسترول

وانا نصدمت بصراحه

والحين نعم لتتخفيف لالا رجيم

__________________________________________________ __________

>>>> الرد الثاني :
مشكوره اختي وكلامج كله صحيح يزاج الله خير وبارك الله فيج

__________________________________________________ __________

>>>> الرد الثالث :
صدقتي والله..ان شاءالله البنات يعتبرون

__________________________________________________ __________

>>>> الرد الرابع :
بــراءة
ما تشوفين شر ان شاء الله
مثل ماقلتي نعم لتخفيف والرياااضة
ولا للريجيم..!

يارب احفظني
جروح دمية
ربي يحفظكم
ومشكورين على المرور

__________________________________________________ __________

>>>> الرد الخامس :
اللي ربيعتج تسوي عنده ها بلووة !!!!
شي بعد يسوي في الكلى الله ياخذه !!!!!!