عنوان الموضوع : يوميات كحيلة العينين وطريقها للرشاقه بالصور الجزء الثاني لسلامتك
مقدم من طرف منتديات الضمير العربي
السلام عليكم ورحمة الله وبركاته
هالموضوع تكملة لموضوعي الجزء الأول وإن شاء الله في هالموضوع
أكون شاده حيلي أكثر عن الموضوع اللي قبله
بقولكم إجمالي الكيلوات اللي نزلتها بالفتره اللي كنت فاتحه فيها الموضوع اللي قبل
طبعا كله كااااان تخبيص ونفسيه موب حلوة وماشي انتظام
اجمالي الكيلوات اللي خسرتهم = 6.5 كيلو
وإن شاء الله إنطلاقا من هالموضوع راح يكون كله قمة ونشاط وإصرار
واتريوني يوميا بنزل لكم يومياتي بالصور وأبي تشجيعكم وأدري ما بتقصرون
ختكم في الله : كحيلة العينين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مررررحبا خواتي في الله
تقريري لليوم كالتالي :
السحور :
5 حبات نقانق مشوي + شوية كاتشب + عصير تانج برتقال بدون سكر
الفطور :
3 تمرات + لبن المراعي قليل الدسم + قطعه صغيرة سمج مشوي بالفرن
+ شوية هريس + سلطة + خبزة رقاق
الساعه 12 :
أكلت 4 بف باستري قليلة الدسم بالنقانق المشوي
شربت 3 دبات ماي
مشيت مشي سريع 25 دقيقه
سويت رياضه خصر وكرشه وأرداف وأذرع 35 دقيقه
كل وحده فيهم سويتها 130 مره مع حمل الدامبل
وبسسسسسسسس
__________________________________________________ __________
>>>> الرد الثاني :
هلا كحوووله
ماشاء الله عليج شدي الهمه في ها الجزء والتزمي اكثر وان شاء الله توصلين هدفج
هني وعافيه ع تقريرج بس بقولج مب كأنه 4 حبات نقانق وايد احس سعراتها وايد تأكدي وحاولي سحورج يكون خفيف يعني كورن فليكس ولا سلطه ولا شابوره ولا توست اسمر احسن
وربي يوفقج في ها الجزء
__________________________________________________ __________
>>>> الرد الثالث :
ما شاء لله عليج شدي حيلج دام وصلتي الجزء الثاني
ربي يوفقج يارب ويسهل عليج درب الرشاقه
__________________________________________________ __________
>>>> الرد الرابع :
هلا والله
شحااالج ؟ مبروك عليج الموضوع اليديد والله وفرحت لج يوم نزلتي انا عيل مالت علي مول مب مهتمه
والكل يهزبني يبوني اضعف اونه لو ضعفت بيوني الخطاطيب ومادري اشو وبيكون جسمي حلو وكل مره اقول برد حق ارجيم ولا ارد شو اسوي والله نفسيتي ضعيفه جدام الاكل بس ماعلي بحاول اني اخفف شراتج يوم اجوف يومياتج اتشجع بس انا انسانه مول ماحب شي اسمه مشي مول ماحبه بالمره مع انه امي عيزة وياي وحليلها حطتلي المشايه جدام اتلفزيون وانا مول مب مهتمه ماداني المشي بالمره
بس بحاول اني اوقف على جهاز كريزي فت وبحاول اني اخفف اكلي انتو ساعدوني
ويالله اسموحه منكم طولت عليكم
__________________________________________________ __________
>>>> الرد الخامس :
السلام عليكم
اليوم فطوري كان :ملاس هريس+حبة بيتزا+قطعه صغيره دياي مع ربع خبزايراني وبس
وعلى اساعه 10 كلت 1جبس بابي سناك خخ
ومادري شو سحوري بيكون
رد مع اقتباس
