عنوان الموضوع : %%% نزلتــــــــ 20 كيلــــــــو فــــــــي 4 شـــــــــهور %%% تأخر الحمل
مقدم من طرف منتديات الضمير العربي

بسم الله الرحمن الرحيم

هلا خواتي ..... ابا اعرض عليكم تجربتي مع الرجيم للافاده والتشجيع

انا نزلت 20 كيلو والحمدالله صامده
كان وزني 83
والحين 62 ولله الحمد
طولي 156
والهدف 55
العمر 32
متزوجه
عدد الاطفال: 5
كنت البس مقاص 18 وكان ضيق نوعا ما والحين البس مقاس 10

طبعا كل شي في البدايه صعب

واتاكدو يا بنات اللي عمرها تحت الثلاثين تقدر تنزل وزنها اسرع من اللي عمرها فوق الثلاثين
يعني كل ما كنتِ اصغر كل ما كان افضل واسهل

الاراده والعزيمه اكبر من كل شي
والله يا بنااات ماشي مثل العزيمة والاراده وعادي بتصادفين ناس وايده اللي يقول اي رجيم اي خرابيط حرام عليج تحرمين نفسج ليش مسويه بعمرج جي شوفيها لو كلتي مررره عطي نفسج فريييي اتاكدي ان هذيل الناس ما يبون مصلحتج ابدا ولا تهمهم صحتج

وصدقوني كنت مدمنه المشروبات الغازيه وكنت اكل في المره الوحده 8 كورسانات والشاهد الله وحلاوة كليجا اللي فيها مثل التوفي 30 حبه في 3 ايام من الحجم الكبير ونص كيلو باتشي في 3 ايام والماكدونالز حدث ولا حرج
وشدة خبز سلايس توستد بالجبن كامله..الخ
واخر شي كلته قبل الرجيم كان ايسكريم بقيمة 53 درهم من كثر الاشياء اللي طلبتها عليه

فجاة حسيت اني مب طبيعيه وان جسمي مجرد كتله من الدهون والسموم صار بطني كاني حامل في الشهر السابع
وموخرتي اعرضت واختفى الخصر نهائي وبدأ ريلي يعلق والاهل من يشوفوني حاطه شي في حلجي خييييبه بسج بسج بتندحقين عاد انا خلاص قلت لازم اثبت للجميع هاي اللي يعلقون عليها ويضحكون كيف راح ينبهرون فيها يوم من الايام واكون حديث الساعه
وفعلا .... الكل يسالني كيف ضعفتي شو سويتي ..الخ ومن الحسد يقولون بسج بسج بتنقرضين
لكن دام انا عندي هدف لازم اوصله وانشالله بوصله

انا الحين ما اميل للحلويات والمشروبات الغازيه احس انها ماي وسكر
ومن اشم ريحة ماكدونالز احس اني بستفرغ
خلاص اقتنعت ان كل هالاشياء سموووم ودهون وبشاااعه وقباحه ووزن زايد


المهم كيف بديت الرجيم
رحت عند اخصائيه شاطرررررره والحلووو انها كانت اتابعني اسبوعيا
حتى لو كانت عزيمتج قويه بعد تحتاجين الى متابعه وملاحظه
وتشجيع من اهل الخبره

اهم شي عندها انج ما تكونين يوعانه اتحسين ان كل ساعتين تاكلين
وتنسق معاج الاكل اللي انتي تتقبلينه تبعدج عن المقالي والدهون والمعجنات

النتايج واضحه اسبوعيا من نسبة كتلة الدهون في الجسم او وزنج او مقاساتج
فتفرحين وترتفع معنوياتج اكثر واكثر

اول اسبوعين تعب عشان تتاقلمين على الوضع اليديد وبعدين تبدا تقل شهيتج تدريجيا لان المعدة تبدا تصغر

وانا مب قصدي اسوي دعايه للاخصائيه حشى انا اهم شي عندي انها كانت اتابعني اسبوعينا وترفع من معنوياتي

واهم النقاط
كل يوم قبل الريوق بنص ساعه كوب دافي + نص ليمونه
والريوق غالبا 2 توست اسمر مع لبنه او جبنه لايت او بيضتين او حليب وكورن فلكس سبشل ك
والغدا مشاوي او صالونه دياي لحم سمج طبعا في ايام تحدد وايام بدون تحديد
وحتى العشا احيانا تحدد واحيانا ما تحدد والحلو انها تخيرج او او او او.. وانتي تختارين اللي تحبينه

ساعات يمر اسبوع كامل العشاء فقط شوربه او سلطه
بين الوجبات تعطيج الشابورة اوالفواكهه اوالخضره اوالعصير اوالروب واللبن والرايس كيك وبسكوت دايجستف بس مب اكثر من حبتين وسبشل ك او مكسرات وتمر..الخ

اهم الفواكهه الجريب فروت الاناناس الكيوي

قبل العشاء بساعة اناناس وروب

وهالاخصائيه قالت من توصلين للوزن اللي تبغينه بعطيج تثبيت لمدة اسبوعين وعقبها كلي اللي تبينه
وراوتني ملفات ناس عقب ما سوتلهم تثبيت ما تغير وزنهم ولا حتى 100 جرام

طبعا اللايف ستايل اتغير عندي

بدل ما كنت اشوف التلفزيون واكل طول الوقت
صرت اشرب كوفي او شاي واقرأ
اشتركت في سباحه وانا ولله الحمد مواضبه لليوم
اتعلمت تمارين تحت الماي تشد الجسم في نفس فترة الرجيم
صرت اقدر افتح ريولي مثل اصحاب الجمباز
ووايد بديت اهتم بشكلي
واسير السوق وانا واثقه من نفسي
واشتركت بجلسات ال بي جي لترتيب الجسم
والاهم من ها كله احس اني خفيييييييفه
وامشي في الهواء الطلق خصوصا اذا ما رحت المسبح اعوض بالمشي
حتى علاقتي مع زوجي تغيرت 180 درجه
والحياه حلوووه

اتمنى اني افدتكم ويالله يا رب توفق الجميييييييع

وسلامتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الف مبرررررررررررررررررررررررررروك حبيبتي .. الحمدلله صبرتي ونلتي
والله يرزقج الوزن المثالي يا رب ... ممكن اعرف منوه الاخصائية اللي تعاملتي معاها؟

__________________________________________________ __________

>>>> الرد الثاني :
ماشاااء الله تبااارك الرحمن ... ألف الف مبروووووووك تستاهلين والله ولكل مجتهد نصيب ^_^
بس هل فعلا استفدتي من جلسات ال بي جي؟
وممكن نعرف منو الاخصائية؟
ومشكوورة الغلا

__________________________________________________ __________

>>>> الرد الثالث :
مبروووووووووووووووك

__________________________________________________ __________

>>>> الرد الرابع :
تجربة مميزة ما شاء الله
الله يديم الصحة عليج اختي و يسعدج
الاهم الحين تعلمي كيف تحافظين على وزنج

__________________________________________________ __________

>>>> الرد الخامس :
مبروووووووووووووك6.^