عنوان الموضوع : عملية تحويل المعده سلامة الحمل
مقدم من طرف منتديات الضمير العربي

بسم الله الرحمن الرحيم

و به نستعين

بنات حبيت اشاوركم بموضوع قاعده من مده افكر فيه و لا لقيت له حل غير تحويل مسار المعده

بإعتبارها أنجح و أضمن و عملية آمنه قياسا" لغيرها

و سريعه النتايج

بغيت منكن اللي جربت هالعمليه تقولي المكان اللي يوفرها و بكم سوتها و هل نجحت وياها وإلا لا

و اسم الدكتور الله لا هانكم لأني صدق تعبت من المتن و الكرش

لا تقولون ريجيم و لاغيره جربت صدق ضعفت

بس جسمي بدا يترهل وايد

سويت رياضه بس وقفت لأن دوامي اجبرني ( أخلص دوام الساعه 6 و نص المغرب )

يعني ارجغ هلكانه و ما فيني حيل رياضه

او على الأقل دلوني لطريقة لنحت الجسم و ابا شس فعال و مجرب

بليز لا تبخلن علي و اللي ما تعرف تدعيلي و ترفع الموضوع

و عسى كل من قرا كلماتي يتوفق و تتسهل اموره و الله يفتح عليه باب رزقه

و يكتب له الجنه يا رب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أنا شفت الأسبوع اللي طاف حلقة التفاح الأخضر وكانوا يايبيين واحد كان امسوي عملية تحويل معدة كان وزنه فوق ال200 ونقص فوق ال60 خلال 6 شهور ... بس جسمه كله ترهلات والله اني اتروعت يوم شفت ترهلاته.. الله ايعينه ..قاله الدكتور ماشي حل إلا العملية التجميلية ... يمكن لانه ما كان ايمارس رياضة ..ما اعرف

بس انا بتكلم عن تجربة أخوي شخصيا واللي كلنا منصدميييييييييييييييييييييييييين من شكله الحين

اخوي وزنه 100 وشي والسبب الأكل والهجوم الفضييييييع عنده عالعيش والحم والغوزي والمندي والسويتات وكل شي ... بس مرة ارتفع عنده الضغط وصار ياخذ حبوب للضغط وقاله الدكتور انه من المتن وكان واااااااااااايد مضايج فحياته من شكل جسمه والكل حتى اهلي ايعلقوا ع جسمه ... لين ما سار المستشفى العسكري فبوظبي وسوى عملية ربط معدة ... ما تتخيلون كيف فبداية العملية كان ... كان من ياكل كستر ايحس نفسه خلاص شبع وإذا كل زيادة يرجع عطوووووول .... بس الحين طاف ع عمليته تقريبا 5 شهور والله والله صاااااااااااااير هيكل جسمه واو الله ايثبته ...وأكله ما صار همجي ...ياكل شرات أكل اليهال وصحته تمام ووالله صحته أحسن من صحتنا كلنا فالبيت ...

أدري طولت فالرمسة بس حبيت احطلج تجربته وشي شفته بعيني اليوم بعد

__________________________________________________ __________

>>>> الرد الثاني :
الله يوفقج الغلا ... و يحقق لج اللي فبالج حبوووبة

__________________________________________________ __________

>>>> الرد الثالث :
لاتسوينهااا

في بنت توفت عقب العمليه واضاراها وااايد روحي دكتوره تغذيه

يعني عيشي حياة صحيه سوي رياضه اتبعي الرجيم صح ومب لازم كل اسبوع تشوفين وزنج لان احيانا في البدايه ما ينزل يتم ثابت وهالشي اييب الاحباط

اعتمدي على روحج وخففي العبي رياضه

اتمنى لج التوفيق

__________________________________________________ __________

>>>> الرد الرابع :
انا اعرف ناااس واايدين سووا هالعملية في مستشفى تواام عند الدكتور فواز
و هي عملية نااااجحه و انا انصحج اتسوينها و الله بتغير لج حيااتج
و بالتوفيق

__________________________________________________ __________

>>>> الرد الخامس :
أختي يتيمة ابوها أحيي اخوج على تجربته الطيبه والله يثبته و يوفقه

كمن واحد قالت لي عن مستشفى زايد

بس ما عليج امر اسم الدكتور

عسى الله يرضى عليج

أختي كيوت بارك الله فيج


أختي كشيخه يمكن لأنج ما جربتي هالمرحله و ان شاء الله ما تجربينها تقولين هالكلام

بس نحن صدق نعاني وما فكرت ألجأ لها الحل إلا لأني أستنفذت كل الحلول الثانيه


أختي المستحيل و الله لو انا من العين لأسير توام بس للأسف انا مب من العين

بعد سمعت كمن وحده سوت في توام