عنوان الموضوع : أبا أسوي سلييييف!! لصحة الحمل
مقدم من طرف منتديات الضمير العربي

السلام عليكم ورحمة الله ،،،

خواتي ،، فيني احباط و فيني فرحه و فيني كل شي متجمع في نفس الوقت !!
أبا أسوي قص معدة اللي اسمها تكميم واللي تنعرف باسم سليف ، منو يعرف عنها؟ منو سواها وبيفيدني؟ أتمنى تعطوني معنويه .. خلاص تعبت
أول موعد لي بيكون الخميس الياي بإذن الله ،، بعدددني ما بديت ولا شي والموعد الي اقصده بيكون موعد تغذيه لا اكثر،، علمني عن التفاصيل الله يخليكن ،،
عندي أسئلة للي سونها ..
أولا ،، بالنسبة لمستشفى توام، شو الاجراءات؟ كيف قبلوج؟ كم كتلة جسمج؟ كم خذتي من وقت الين ما حددو لج وقت العملية؟ و كم تميتي في المستشفى بعد العملية؟
ثانيا،، مستشفى النور سواء في العين أو بوظبي، شو الاجراءات؟ كيف قبلوج؟ كم كتلة جسمج؟ كم خذتي من وقت الين ما حددو لج وقت العملية؟ و كم تميتي في المستشفى بعد العملية؟ كم دفعتي؟ و هل ضمان تغطي العملية أو لا؟



الحالة الله بها عليم .. دعواتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اختي .. العمليه بسيطه مافيها شي لا اتحاتين وايدين سووها .. شي منهم بطاقه ثقه ما اتغطي بسبت كتله الجسم اقل من المسموح لتغطيتها عن طريق ثقه ..

بس نصيحه .. ان كان وزنج ايد ادفعي وبيسوون لج ف اقل من اسبوع .. الدكتور عبدالسلام شاطر وما عليه كلام كلها يومين وبتكونين بخير ان شاء الله ..

قيمه العمليه جريب 45 الف .. مب خساره علشان صحتج ..

تحديد العمليه . يعتمد ( اذا بتدفعين كاش يومين بالكثير .. اذا ثقه وكنتي ضمن الشروط المقبوله لتغطيه يمكن جريب السنه لانه وايدين يتريون الشروط اللي اقصدها كتله الجسم والمستشفى ادرى بالشروط اترومين تسالين )

مده العمليه ( ساعه ونص او ساعتين بالكثير ) ما فيها خطوره ان شاء الله وايدين امسوينها وبخير الحمدالله يشقحون لا تسمعين الباجيين اللي يخوفونج الا ما ادري منو مات ما ادري يتهم جلطه كله جذب وتخاريف الموت بييج لين شبريتج اذا الله كاتب لج ف هاليوم اتموتين فلا تنسين هالشي وقوي قبلج ..



لكن اذا بتتريين يبالج وقت طويل يمكن يتعدى نص سنه .. فليش تتريين اذا انتي مضايجه وممكن ف خلال هالانتظار تضعفين 30 كيلو او اكثر..

__________________________________________________ __________

>>>> الرد الثاني :
شو صار؟؟؟

يا كثركن الي مسوياتنها .. فيدنا الله يبارك لكن في ضعفكن

__________________________________________________ __________

>>>> الرد الثالث :
الله يرزقج الرشاقه بصحة و عافيه

__________________________________________________ __________

>>>> الرد الرابع :
ان شاء الله البنات يفيدوج

__________________________________________________ __________

>>>> الرد الخامس :
الله يرزقج الرشاقة بالوزن الي تبينه