عنوان الموضوع : عملية شد ورفع الصدر بعد الرجيم .. للحم الصحي
مقدم من طرف منتديات الضمير العربي

خواتي بخبركم تجربتي الشخصية مع عملية رفع وشد الصدر ..كان وزني 84 كيلو ونزلت لين 53 ..بعد عناء وجهد اكيد .
ويعد كم وﻻدة ورضاعة صدري صار مجرد قطعة جلد مترهلة وشكله سوى لي حالة نفسية وبعد قرار وبحث وتفكير ...تلاقيت مع وحدة من صديقاتي القديمات اللي خبرتني انها خضعت لعملية شد وتكبير صدرها وكم هي مرتاحة نفسيا لهالشي .
وبعدها اخذت القرار بعمل العملية ولكن لﻷسف كان اختياري للدكتورة سحر القاضي في مركز اوباجي ابوظبي من أسواء قرارات حياتي .
الدكتورة ما وضحت لي العملية الﻻزمة لوضعي او القياس المضبوط لي ..حتى اوراق العملية كانت تقول بس وقعي ﻻن اوراق روتينيه ما تقدم وﻻ تأخر ..سألتها في عملية على شكل T قالت ﻻ ﻻ ما يحتاج اقص هالكثر.

المهم اجريت العملية وطلعت نفس اليوم وبعد اسبوع راجعتها ..وشلت الشاش والمشد بس انصدمت كان صدري محتقن ومنتفخ بشكل بشع وكل لونة أزرق خاصة الصدر اليسار ..وألم غير طبيعي والاهم انها ادخلت السيلكون من فتحة صغيرة تحت الصدر ولكن لم ترفع الصدر .فقط ترست الحجم بكتلة وكان كبير وطايح ..ما قالت اي شي غير تعالي عقب باجر للعيادة في بوظبي بما اني كنت اتابع معاها في امارة اخرى.

رحت لها بوظبي وقالت باجر بدخلج العملية مرة ثانية عشان اتأكد شو مستوي ..وحاولت تحط الغلط علي وتتهمني اني انا اللي ضربت صدري بشي او شليت شي ثقيل وحلفت لها اني بروحي اخاف وهالمكان حساس مستحيل اخاطر بعمري وما صار لي اسبوع مسوية عملية ..المهم دخلت للمرة الثانية العملية خلال اسبوعين وهذا ممنوع طبيا . خرجت بنفس اليوم والحمدلله بحيث انها نظفت المد الذي حدث و فتحت صدري من الحلمة وقصت على شكل T من تحت الصدر ونصفه المهم كله كان غرز ...يعني عملية من اول وجديد ومختلفة كليا عن الاولى.

بعد مرور 6شهور بدء الحجم يختلف بحيث راجعت الطبيبة في فرع الشارقة وكان ردها علي ﻻ يمت لﻷخلاق بصلة وقالت والله اذا موب عاجبك شغلي سيري اعرضي صدرك على دكاترة رجال .. وانت بالاساس عندك تشوة بالصدر وانا بالغصب حاولت اعدله لج واحريت لج العملية الثانية ببلاش بدون ما ادفعج ...وﻻ تخلي طموحاتك واحلامك تفوق الواقع .
تميت اصيح من كلامها الجارح لي . وقلت لها انت دخلتيني عملية ﻻن كان غلطج بالعملية الاولى والممرضة خبرتني انج طلعتي مد ودم بسبب غلط طبي منج مش مني .وانا دافعه 22ألف للعملية موب صدقة منج.

حسبت ربي عليها وبعد فترة من كبر حجم السيلكون طاح صدري وحجم الحلمة كبير واليمين اكبر عن اليسار بشكل ملحوظ غير اثار الغرز اللي للحين ما اخافت . قدمت شكوى ضدها وضد مركز اوباجي في هيئة الصحة بابوظبي وخضعت بعدها لكشف من لجنة طبيبة وجدوا فرق في حجم الكتل الموضوعة في الصدر اليمين 225 واليسار 285 والحلمات قياساتها مختلفه بقياس 2 سم واثار الغرز والخياطة سيئة ..
طلبت اللجنة من اوباجي ملفي الطبي والصور اللتي التقطت لي قبل وبعد ولكن حسبي الله عليها دكتورة سحر القاضي ﻻنها خلتني اوقع على اورق منها اني رفضت التصوير قبل وبعد وهذا صحيح فعلا ولكنها صورت في العمليتين وبعد المطالبة بالصور اخفتها واظهرت الورقة التي وقعتها بعدم موافقتي على التصوير واستخدمتها ضدي .

بالنهاية الهيئة لم تستطع الحصول على الادلة التي وقعتني عليها الدكتورة وقالوا لي مافي فايدة بكل هالشئ ﻻن مافي ادلة ضد الطبيبة بسبب توقيعك على كل الاوراق .

خسرت حربي معاها بس كل يوم وانا ادعي عليها واحسب ربي على مركز اوباجي وكيف دكتورة مثل هذي تلعب بارواح الناس .
وهي شهادتها مجرد طبيبة جلدية ...كيف صارت جراحة تجميل في بلادنا وهذا الكلام موثوق من طبيبة كانت تدرس معاها في العراق..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
كسرتي خاطري
ليتج سالتي قبل لا تسوين العمليه هالدكتورة لا ذمه ولا ضمير حسبي الله عليها
ربيعة اختي سوت عملية عند الدكتور لؤي حداد فالنور طلب منها 50000 وعقب نزا لل40000
بس ماشاءالله صدرها واو الحين هيه سوت تكبير بس
اللي ابي اقوله انها سالت عن كذا دكتور بس الكل مدحه
بعدين شوفيها لو ريال سوا العمليه بالنهايه هذا دكتور ومب حرام !!!!
الفلوس تروح وترد لو تقدرين شوفي لج حل وعدلي الوضع
ربي يحفظج

__________________________________________________ __________

>>>> الرد الثاني :
اتوقع عمليه التكبير حرام ! ولا ؟؟ المهم ما بفتي وانا ماعرف
اتمنى من الادارة ما يحذفون اسم الدكتورة لانها انسانه ماتخاف ربها وخلي الكل يعرف عمايلها
صاحبة الموضوع اكتبي عنها برودكاست وانشريه عسب الكل يتحذر منها
والله يشفيج

__________________________________________________ __________

>>>> الرد الثالث :
أذا كانت الدكتورة سحر القاضي العراقية الي كانت بكوزمسيرج فهاي مدمرة اجسام
اعرف وحدة سوت لها شفط حق البطن والظهر دفعت 32 الف وما بين بالبداية كنها شافطة وتقول لها هذا عشان متورم لين ما يخف التورم بيبين وبالنهاية ولا كنها شفطت وغير هذا سوت مثل الفجوة في بطنها مستوي مطبات واضحة وعلامات الغرز استوت مثل النتوء صار لها اكثر عن سنتين بس الله فوق

__________________________________________________ __________

>>>> الرد الرابع :
الحمدلله على سلامتك احسن شي

والله يجازي هالدكتورة والله وجعتيلي قلبي عليكي

__________________________________________________ __________

>>>> الرد الخامس :
بسئلج يستوي اسوي عملية تكبير حق الارداف ؟