بسم الله الرحمن الرحيم ..
طبعا من بعد ولادتين .. البطن حدث ولا حرج .. ما اتشاهد ..
خص ان انا من النوع اللي ما يربط .. ماروم اعذب عمري
في ولادتي بسلطان خذيت وقلت بسوي وبسوي ومناك خريط ما سويت اي شي
المهم من فتره بسيطه وقفت على حبيب الملايين .. الميزان .. وستويت جذا
فآن شاء الله هالسنه سنه خير بآذن الله لي .. سويت كذا شي .. لحد الآن لكن .. حلجي الوحيد اللي ما سكرته
زط في زط .. آحس يبالي وقت شوي من هالناحيه .. المهم آني زدت حركه ..
قبل .. كنت طول الصبح راقده .. ومعروف ان هالفتره ينزل فيها الوزن اكثر " سوالف الايض انا اكبر من اني افهمها
"..
اللي حاب بنزل وزنه يقوم من صبح الله خير
مع زقزقة العصافير
مب ..... الشيطان على ذنيكم .. وانتن بكرامه
وكنت خالعه الدري .. لكن الحمدلله من آسبوع رجعنا احباب
❤❤❤
وطبعا انا ما آكل وايد لكن اذا اكلت آكلي كله مش صحي .. سويت حلويات و دهون وهيك .. او الجنك فود يعني ابد ابد مب هيلثي
ف آن شاء الله راح اهتم من هالناحيه والله يقدرني وطلق الاحباب ..
الشي اللي سويته ..
اشتركت في فيتنس فيرست مع مدربه خاصه 3 مرات في الاسبوع ..
شفت اهلي مشتركات في vlcc ... وطبعا معاج يا رحمه ..
وطبعا خذت فيتامينات + مع دكتوره جلديه لفيشل وهالسوالف لان تعرفون كيف الويه يتعب مع الرجيم
فصار وقت الصباح من 6 طول الاسبوع ما عدا الجمعه .. اهتم فيه بنفسي .. وباقي الوقت للعائله ..
واذا قعدت مع نفسي او سلطان احاول اسوي تمارين البطن 30 مره ..
وطبعا انا حاطه في بالي شهر 1 السنه اليايه اكون انسانه ثانيه .. من جهة القالب
وزني اليوم الصبح كان
92.5
وطموحي انزل 26 كيلو ..
الحمدلله طولي شال متني
اتمنى هالفتره بس اوصل للوزن المطلوب
ومن بعدها ابا اركز على بطني خاطري بتقسيم
والارداف خاطري جي جاك جذي
..
دعواتكم الطيبه لي ..
❤
رد مع اقتباس
