السلام عليكم ورحمة الله وبركاتة
ربـي يجعل ايامكم سعاده وفرح ..
اممم أخبركم شوي عني : لا تطالعون النك نيم لان امي لما سجلت كتبته جذي من كثر ما تحب اختي رغــد الله يخليهم ان شاء الله :
المهم انا طولي 170 ووزني زاد من دخلت الثانوية واستوا كل شي عذااب حتى ما صرت البس اللي اباه البس كل شي واسع .. المهم
ربيعتي انوش من شهرين ما شفتها : وهي توامي كل شي فيها مثلي .. نفس الطول ونفس الوزن .. كانت تقول لي بتسوي ريجيم ولما شفتها اخر مره انصدمممت منها وقهرتني ههه
كانت طوييلة وجسمها منحوت ويجنن .. عاد انا الغييره وشو تسوي
رحت اسالها وقالت لي بتتصل فيني وبتخبرني .. المهم
انا ببدا ف هذا الريجيم وطبعا ما بخليه مثل ما هو كل يوم لازم بغير وكذا علشان ما امل
الريجيم يعتمد اكثر شي على الماي والاكلات الخفيفة
يعني كل ساعتين بتاكلين خفايف .. وما دام نحن ف اجازه ف بستغل الوقت
بس ف المدارس شوي بيتغير ..
اعرض لكم تفاصيل الريجيم *
My special diet ❤'*
الصباح الساعة 10 :*
كوبين ماء - توست اسمر - بيضة مسلوقة وخس
الساعة 12 الظهر :
كوبين ماء - موزة مقطعة وتفاح*
الساعة 2 الظهر :*
كوب ماء - كوب لبن او روب*
الساعة 4 العصر :*
كوبين ماء - قطع دجاج مسلوق بالملح والفلفل / تونه بدون زيت / خضار مسلوقة بالملح والفلفل - روب او كوب لبن*
الساعة 6 المغرب :*
كوب ماء - سلطة فواكة ( رمان - تفاح - موزة - بدون عصير )*
الساعة 8 المسا :*
كوبين ماء - توست اسمر - جبن قليل الدسم / او لبنة قليلة الدسم - خس*
الساعة 10 المسا - او قبل النوم :
كوبين ماء - وتسوون شاي اخضر ولا تكثرون من السكر
ان شاء الله ببدا من باجر / وبحط لكم التطبيق والصور وطريقة كل شي
واما بخصص لي وقت الساعة 7 لحد الساعة 8 مشي سريع ويا الوالده
لاني ما احب اسوي ف الغرفة وايد كتمه ..
باجر ان شاء الله الساعة 10 ونص بنزل اول يوم لي ف الريجيم
وان شاء الله بكمل لحتى ما اوصل الوزن اللي اباه
وزني الحين 76
وزني المثالي 56 ❤
الله يوفقني واللي بتشارك وياي تخبرني علشان اسوي لها كل التفاصيل وكككذا
لي عودهه ♡
مشككورهه
رد مع اقتباس
