عنوان الموضوع : عمليت تكميم المعده ادخلوا وبتعرفون للحم الصحي
مقدم من طرف منتديات الضمير العربي
عزيزاتي المتكممات
عمليتي عقب اسبوعين انشالله قررت بعد تفكير دام فتره طويله بس قررت لان حياتي اهم
وانا مشكلتي زادت بعد كل ولاده لين زاد وزني وايد
وقابلت دكتور غابي الوز في مستشفى سليمان الحبيب الي في دبي وشرحلي العمليه و قالي في سنه بوصل الوزن المثالي انشالله
وابا اعرف منكم :
- معلومات عن الدكتور؟
- شو يصير للمتكمم من يدخل العمليه لين مده اسبوع؟
-و شو تكون نفسيت المتكمم؟
انتظـــــــــــر ردوووودكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ليش مافكرتي تسوين رياضه ورجيم احسن من العمليه
اللي اعرفه العمليه بتسبب لج ترهل وهل ترهل لازم يسون لج شد بعمليه إذا كان وزنج كبير ولازم بعد العمليه تمارسين الرياضه واللي سمعته اول اسبوع بينزل من وزنج وايد
ما اقول لج مافكرت اسوي عمليه خصوصا ان وزني زايد مع اول حمل وزني 110 وطولي 170. لكن الحمدلله سويت رجيم مع رياضه المشي يوميا الحين وزني 86 وعلى فكره بتمين تاكلين فيتامينات طول حياتج
__________________________________________________ __________
>>>> الرد الثاني :
ما عندي فكرة،، بس دامج بعدج ما سويتيها،، ليش ما تصلين استخارة و تتشاورين مرة ثانية،،،،، ليش ما تحاولين تسوين ريجيم،، إذا حاسة إنج سويتي كل شي و ما عندج الهمة إنج تستمرين و تتعودين عيل سوي العملية،، بس حاولي تعطين عمرج آخر فرصة،،، لأن في النهاية المبدأ هو لايف ستايل،، الهابيت،،،، عادات الأكل و الحياة،، لو أنتي من النوع الكسول اليالس اللي يحب الأكل ترى النزول بيكون بطيء و عقب فترة بترجع المعدة تكبر،،،، أهم شي أنج انتي ما تقبلين الأكل الزايد سوا مع العملية أو بدونها،،،، و بالتوفيق الغالية،،،،،،،،
__________________________________________________ __________
>>>> الرد الثالث :
برد عن العضوات اللي اتكلمن .. خاطري لو مره اتشجعون من دون ما حد يرمس ف شي هو مب متاكد منه ..
اولا الترهل يصير للكل ضعيف متين .. اذا فجاه نزل وزنه او فجاه زاد وزنه ما يخص انه بست العمليه والله بتترهل !! سوي رياضه بعد العمليه وان شاء الله ما بيصير الترهل .. وعن نفسي اسوي عمليه واضعف مع ترهل بسيط احسن من اني اكون متينه وايد وزني فوق 120 واونه مافيني ترهل ترى ف الاخير متينه !
وبخصوص انه اونه بينزل وزنج وايد عقب العمليه ع طول بعد هالشي مب صحيح .. يمكن الا 4 او 5 كيلو ف البدايه وهذا مب من هول العمليه وانه وااو شغل الدكتور عدل !! لا هذي سوائل الجسم اللي تنزل فقط لا اكثر !
بخصوص الفيتامينات اللي اونه الشخص اللي بيسويها بياخذها طول عمره !! منو قال هالكلام !! ابدا مش صحيح كلي عدل عقب العمليه واعتمدي ع الاغذيه اللي فيها بروتين وبتكونين بخير وصحه وسلامه .. بعدين وايدين مب امسوين عمليه قص معده ياخذون فيتامينات يوميا من كالسيوم وحديد ومجموعه فيتامين بي عادي بالله شو فيها !! الفيتامينات تراها مكملات غذائيه مب مخدرات عسب اتهولون من الموضوع تراكن يوم اتحملن تاخذن فيتامينات 9 شهور هل خذتنه لانكن فيكن مرض !!تاخذونه لانه زين ويعتبر فيتامين ومكمل غذائي .. يعني فيه وايدات اعتقد ياخذت فيتامينات علشان شعرهن لا يطيح واللي تاخذ علشان اظافرها شو يعني !!
عن نفسي اشجع هالعمليه لكل شخص متين .. واذكري شي واحد عمرج مكتوب متى بينتهي لو شو ما استوى اذا الله رايد لج الموت ف هاليوم بتموتين حتى لو ما سويتيها ولو كنتي منخشه ف بيتج عزيزتي .
اتوكلي ع الله وسويها وان شاء الله ما عليج شر .. اهم شي اسمعي كلام الناس اللي كلامها موثوق واتعرف هي شو اتقول مب بس تسمع انه وييه عمليه يعني خطر وبتموتين واشحقه وما ادري شو!! شو خليتي عيل حق اللي يسوون عمليات قلب مفتوح !
انا ما اقول لا تسالين عن الدكتور لا بالعكس اسالي عنه وشوفي كم عمليه امسوي وهل هو جراح مناظير او لا .. لانه مثل هالعمليات يفضل يكون جراح مناظير لانه العمليه يستخدم فيها المنظار وهالشي بسيط جدا بس ما يمنع انه الواحد يروح عند دكتور شاطر وثقه .. عن نفسي ما اعرفه والله ما سمعت عنه يمكن لانه اغلب اللي اعرفهم امسوينها عند الدكتور عبدالسلام الطائي ف مستشفى النور ف بوظبي ..
بخصوص حالج من بعد العمليه .. خذيها مني يومين وانتي ف البيت ولا كانه فيج شي اونج امسويه عمليه .. اسبوع ترتاحين مثل اي عمليه ثانيه وثاني اسبوع داومي عادي ..
نفسيتج شو يخص النفسيه ف موضوع العمليه !! يوم انج مضايجه من المتن قولي الحمدالله الف مره من عقب ما تطلعين من العمليه لانج بتتغيرين للافضل
__________________________________________________ __________
>>>> الرد الرابع :
المشاركة الأصلية كتبت بواسطة هنوده دبي
برد عن العضوات اللي اتكلمن .. خاطري لو مره اتشجعون من دون ما حد يرمس ف شي هو مب متاكد منه ..
اولا الترهل يصير للكل ضعيف متين .. اذا فجاه نزل وزنه او فجاه زاد وزنه ما يخص انه بست العمليه والله بتترهل !! سوي رياضه بعد العمليه وان شاء الله ما بيصير الترهل .. وعن نفسي اسوي عمليه واضعف مع ترهل بسيط احسن من اني اكون متينه وايد وزني فوق 120 واونه مافيني ترهل ترى ف الاخير متينه !
وبخصوص انه اونه بينزل وزنج وايد عقب العمليه ع طول بعد هالشي مب صحيح .. يمكن الا 4 او 5 كيلو ف البدايه وهذا مب من هول العمليه وانه وااو شغل الدكتور عدل !! لا هذي سوائل الجسم اللي تنزل فقط لا اكثر !
بخصوص الفيتامينات اللي اونه الشخص اللي بيسويها بياخذها طول عمره !! منو قال هالكلام !! ابدا مش صحيح كلي عدل عقب العمليه واعتمدي ع الاغذيه اللي فيها بروتين وبتكونين بخير وصحه وسلامه .. بعدين وايدين مب امسوين عمليه قص معده ياخذون فيتامينات يوميا من كالسيوم وحديد ومجموعه فيتامين بي عادي بالله شو فيها !! الفيتامينات تراها مكملات غذائيه مب مخدرات عسب اتهولون من الموضوع تراكن يوم اتحملن تاخذن فيتامينات 9 شهور هل خذتنه لانكن فيكن مرض !!تاخذونه لانه زين ويعتبر فيتامين ومكمل غذائي .. يعني فيه وايدات اعتقد ياخذت فيتامينات علشان شعرهن لا يطيح واللي تاخذ علشان اظافرها شو يعني !!
عن نفسي اشجع هالعمليه لكل شخص متين .. واذكري شي واحد عمرج مكتوب متى بينتهي لو شو ما استوى اذا الله رايد لج الموت ف هاليوم بتموتين حتى لو ما سويتيها ولو كنتي منخشه ف بيتج عزيزتي .
اتوكلي ع الله وسويها وان شاء الله ما عليج شر .. اهم شي اسمعي كلام الناس اللي كلامها موثوق واتعرف هي شو اتقول مب بس تسمع انه وييه عمليه يعني خطر وبتموتين واشحقه وما ادري شو!! شو خليتي عيل حق اللي يسوون عمليات قلب مفتوح !
انا ما اقول لا تسالين عن الدكتور لا بالعكس اسالي عنه وشوفي كم عمليه امسوي وهل هو جراح مناظير او لا .. لانه مثل هالعمليات يفضل يكون جراح مناظير لانه العمليه يستخدم فيها المنظار وهالشي بسيط جدا بس ما يمنع انه الواحد يروح عند دكتور شاطر وثقه .. عن نفسي ما اعرفه والله ما سمعت عنه يمكن لانه اغلب اللي اعرفهم امسوينها عند الدكتور عبدالسلام الطائي ف مستشفى النور ف بوظبي ..
بخصوص حالج من بعد العمليه .. خذيها مني يومين وانتي ف البيت ولا كانه فيج شي اونج امسويه عمليه .. اسبوع ترتاحين مثل اي عمليه ثانيه وثاني اسبوع داومي عادي ..
نفسيتج شو يخص النفسيه ف موضوع العمليه !! يوم انج مضايجه من المتن قولي الحمدالله الف مره من عقب ما تطلعين من العمليه لانج بتتغيرين للافضل
الله يطمنج مثل ما طمنتيي لاني واااااايد احاتي وصدقوني يا خواتي لو مب وزني ووااااايد و حاولت انزله ومافاد كان عمري ما فكرت في التدخل الجراحي
__________________________________________________ __________
>>>> الرد الخامس :
ما عندي فكرة،، بس دامج بعدج ما سويتيها،، ليش ما تصلين استخارة و تتشاورين مرة ثانية،،،،، ليش ما تحاولين تسوين ريجيم،، إذا حاسة إنج سويتي كل شي و ما عندج الهمة إنج تستمرين و تتعودين عيل سوي العملية،، بس حاولي تعطين عمرج آخر فرصة،،، لأن في النهاية المبدأ هو لايف ستايل،، الهابيت،،،، عادات الأكل و الحياة،، لو أنتي من النوع الكسول اليالس اللي يحب الأكل ترى النزول بيكون بطيء و عقب فترة بترجع المعدة تكبر،،،، أهم شي أنج انتي ما تقبلين الأكل الزايد سوا مع العملية أو بدونها،،،، و بالتوفيق الغالية،،،،،،،،
عطيت عمري فرص مب فرصه وحده بس للاسف ماكمل وانا عمري ٢٩ ومب متهنيه بحياتي و مابا اخسر ريلي وخليه يدور ضعيفه وصحتي بعد في تدهور عسب جي لازم اسويها بس ادعولي لاني وايد خاااااااايفه
رد مع اقتباس
