عنوان الموضوع : ريجيم المرضعات في مركز دكتور نيوترشن تأخر الحمل
مقدم من طرف منتديات الضمير العربي
منو كانت مربية وجربت ريجيم المرضعات من مركز دكتور نيوترشن ؟ انا اخترت هالمركز بالذات لانه جريب بيتي
حابه ابدأ دايت بنفس الوقت ما اريد حليبي يخف لانه اصلا خفيف وولدي ما يحب الصناعي وايد ... ولدي جريب يكمل 6 شهور وعندي مناسبة حلوة شهر 8 القادم ... وحابه اغير لووكي واستعيد رشاقتي ... انا حابة انزل 10 كيلو تقريبا .. هل بيمديني الوقت
فيدوني بتجاربكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ما بيمديج
انا من شهرين وامشي ع رجيم مرة قاسي ومرة تخفيف. مع اني ما ارضع .. ونزلت ٥ كيلو الحمد لله..
وانتي ترضعين.. يعني بتحتاجين تتغذين باغذية ادر الحليب..
كثري من الرياضة اللي تحرق الكالوريز.. والمشي..
بينشد جسمج وبتحرقين الاكل اللي تاكلينه والدهون المتراكمه
__________________________________________________ __________
>>>> الرد الثاني :
انا حاطة في بالي انقص 2 كيلو بالشهر الواحد عسب احافظ على الرضاعه من جي خليتلي وقت كافي 5 شهور جدام
معقوله ما بيمديني انقصهم
__________________________________________________ __________
>>>> الرد الثالث :
بيمدييييج ان شاء الله ، بسس لا تسسوين رجيم نيوترشن لانه وااايد قاسي وعادي يوقف عنج الحليب
وبعدين اصلا اللي ترضع وزنها بسسرعه ينزل لان كل رضعه تحرقين سعرات حرارية سبحان الله >> معلومة
فإذا حابه تنزلين وزنج و تحافظين ع حليبج ، نظمي اكلج و كثري سلطة و فواكه و عصاير فرش .. و امشي يوميا ساعه ع الاقل ..
و ان شاء الله بينقص وزنج تدريجي ...
__________________________________________________ __________
>>>> الرد الرابع :
السلام عليكم اختي. تبين حل سريع و فعال... اكل صحي مع رياضه وعن تجربه ما بيوقف الرضاعه. واذا متخوفه ممكن تاخذين حلبه (اتكون على شكل اقراص)
و النصيحه الثانيه اذا بتسوين رياضه اطلبي مدربه خاصه مش مع مجموعه و اذا قدرتي اطلبي مدربه اتي البيت 3 مرات بالاسبوع. و في انواع تمارين اتسوينها اترتب الجسم و اتنزل الوزن ..
انا رحت عند دكتور نيوتريشين و استفدت لكن كان قاسي شوي لكن مع الفيتامينات و التمارين النتيجه كانت مذهله...
اذا حبيتي رقم مدربه ممتازه ممكن تتواصلين معاي على الخاص
__________________________________________________ __________
>>>> الرد الخامس :
أنا ما ارضع بس مشتركه فالمركز ووايد ارتحت لهم نقصت فالشهر ٦ كيلو .. ع حسب الجسم طبعا أنا نزولي دائماً بطيء