عنوان الموضوع : رجيم الشوربة الحارقـة ( تجربتي الخاصـة ) بالصــور
مقدم من طرف منتديات الضمير العربي

الســلام عليكــم ورحمة الله ،،،

مســاء الخيـر خواتـي العزيزات

حبيت أشاركم تجربتي و تستفيدوا منهـا في إنزال الوزن خلال شهر من خلال إتباعـي
لـ رجيم الشوربة الحارقــة ( شوربة الملفوف )

وزنـي الطبيعــي ( 65) و زاد لين وصــل ( 74) لني كنت أتعالــج و آخذ حبوب "اوراتان " لمعالجـة حب الشباب

هالـدوا خلا البشرة صافيـة و أزال كل الحبوب من الوجه و الظهـر و الصدر،،
لكن من السيئــات تغيـير فـ الشهيـة ( إما زيـادة أو نقصـان )

للأسف تأثيره علـي كان فاتح للشهية بشكل مرعـب ( اكل و بعد ساعة ارد أكل ) لين وصلت 74 بفترة قصيرة جدا"

وزنـي من النوع اللي يوصل رقم و يثبت، لو اسوي رياضة او اموت من اليوع ما يتغيـر ،،
حاولت مشي + تخفيف اكل ما نفــع

الزيادة كانت من الويه لين اصبع ريولي

وما حصلت حل إلا إني اتبع رجيــم الشوربة الحارقة المتبـع فـ المستشفيــات
( اذا مريض يحتاج لعملية و وزنه زائـد يعطونه هالرجيم )

الشوربة الحارقة تنزل خلال أسبوع واحد من 4 إلى 7 كيلو حسب الجسم و تقبله
( عني ما نزلت إلا 3 كيلو ف اسبوع ) و هالشي صدمني و شجعنـي التزم اكثر و اكمل،،
الإسبوع الثاني و الثالث بينزل فقط كيلو او اثنين لأا اكثــر


تعتمد طريقته على الإكثار من الأطعمة التي تحرق السعرات الحرارية وبالأخص الشوربة الحارقة
أكثر مما تعطيه للجسم، ومدته أسبوع واحد، ويمكن أن يكرر أكثر من مرة،
ما يحتاج نسوي رياضة خلال فترة الرجيم.
أكبد يجب الامتناع خلال الرجيم عن شرب المشروبات الغازية وغيرها، ويجب شرب 10 أكواب من الماء يوميا.
كل ما شربتي أكثر بتستفيدين اكثـر

كنت اكل الظهـر و العصـر و المغرب و العشـا


النتيجة كانت : 74 نزلت لين 68 ما شاء الله
وجاري العمل على 2 كيلو بالمشي

بعرض لكم الجدول اللي التزمت فيه لمده أسبوع
و كل ما احتاج أرد أعيده


اليــوم الأول : الشوربة الحارقــة
+
عصيـر برتقال غير محلـى
+
فواكـه ماعدا الموز
+
10 أكواب



اليــوم الـثاني : الشوربة الحارقــة
+
جميـع أنواع الخضروات بدون إضافات ( ممنوع البقوليات، الفول، الذره )
+
بطاطا مشـوية
+
10 أكواب مـاء



اليــوم الـثالث : الشوربة الحارقــة
+
فواكه اليوم الأول + خضروات اليـوم الثاني
+
10 أكواب مـاء





اليــوم الـرابع : الشوربة الحارقــة
+
عدد (8) حبات موز مع حليب خالي من الدسـم
=
حبتين الصبح
حبتين الظهر
حبتين العصـر
حبتين العشاء
نخلطهم مع شويه حليب لو فـات










اليــوم الـخامس : الشوربة الحارقــة
+
دجـاج مسلوق أو سمك فيليه مسلوق أو لحم عجل
+
طماط
+
12 كوب من المـاء


هذا دياي مسلوق مع ملح و بهـار


اليــوم الـسادس : الشوربة الحارقــة
+
خضروات ماعدا البطاطا
+
لحــم عجل
+
12 كوب مـاء




اليــوم الـسابع : الشوربة الحارقــة
+
عصير فواكه و خضروات
+
12 كوب مـاء

تقدرون تشربون شاي وقهوة بدون سكـر
كنت أشرب شاي اخضر و زعتر بدون سكر



فـ نهايـة اليوم السابع بنكون خسرنا
4 - 7 كيلو
اذا نزلتـي 7 كيلو لازم توقفين 4 ايام راحة
عسب لا تتعبين او يأثر عليج
طبعا" بتاخذين وزنج قبل لا تبدأين و قياس خصرج
و بعد ما تخلصين 7 ايام تشيكين عالوزن

طبعا" كنت خايفة اذا وقفت يرد الوزن
بس الحمدالله الوزن تم مثل ما هو

وعسب لا يأثر على الحلوة الشهرية
تحسبين متى بتيج و توقفين قبلها بأسبوع
لأن فقدان الوزن يأثر عليها
انا بديت اسبوع و وقفت اسبوع راحه وبعد الحلوة اكمل
اذا حامل او مرضع ممنوع تسويتها
عندج أمراض لاقدر الله فقر دم ولا شي ثاني لأ تسوين
إلا بعد إستشارة طبيب
مب ناقصة دعاوي من حد
كل وحدة تتحمل مسؤولية نفسهـا

ممنوع الخبز بكل انواعه خلال هالرجيـم
ممنوع المشروبات الغازيـة
المـسموح فقط اللي ف الجدول
اذا تاخذين أدوية تقدرين تاخذينها عادي ( الأفضل إستشارة طبيب )


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
و الحين طريقة عمل الشوربة الحارقة للدهون

نقطع (6) حبات بصـل
و (6) حبات ثـوم
بقدونس
كزبرة
فلفل حلو
و طماط حسب الحاجة
و نحطهم ع النـار



و نقطع الملفوف
و نضيفه عالخليط


الطماط حسب تقديرج ( لازم تكون مثل الصالونه )



و النتيجة النهائيــة




اعصري ليمونة عليها و استمتعي ف الطعم


بعد إسبوع من الرجيــم يبت هدية حق عمري على صبري و إجتهادي


بس باقي اكل العلبة

الحمدالله وماشاء الله للحين الوزن ثابت
حتى كمية اكلـي إختلفت إختلاف كلي عن قبل
كمية قليلة واشبع
و شهيتي للحلويات و الشبس خفيفه
اكل فواكه كل يوم الحمدالله

هذي تجربتي البسيطة اللي اتمنى تفيدكم ^_^ و اي إستفسـار حاضريـــن

__________________________________________________ __________

>>>> الرد الثاني :
مبروووك النزول وممتاز 3 كيلو باسبوع ما شالله رح احفظ موضوعك
بس الشوربه كيف طعمها مقبوول والا تشربيها غصب

__________________________________________________ __________

>>>> الرد الثالث :
حلو 3 كيلو في اسبوع وعقبالي يااااااااااااااارب

__________________________________________________ __________

>>>> الرد الرابع :
جاري تطبيق الشوربة بس أنا قريت مرة فيها كرفس ومادري شو

أنا مشكلتي ماروم أودر البيبسي شو الحل ?

بحاول أطبقها ان شاءالله هال اسبوع وبشوف النتائج

ومشكورة فديتج

__________________________________________________ __________

>>>> الرد الخامس :
انزين شوربه لازم ناكل البصل والملفوف والا نكتفي بالمرقه مالها ؟؟؟؟ ولازم نحط طماط والا عادي نلغيه ؟؟ وما نحط معجون الصلصل + مكعب ماجي