عنوان الموضوع : تخيلوا يوم حد يقولج انتي درام ؟؟؟ تأخر الحمل
مقدم من طرف منتديات الضمير العربي

السلام عليكم
اتمنى اني اضعف و ابغي تشجيع
و سامحوني ع الفضفضة




تخيلوا وحدة قالت لي انتي درام بها المعنى يعني هي رشيقة
يمكن ها الكلمة عورت قلبي و شجعتني للرجيم و بديت الحمد الله





المهم كان وزني 55 بس لاني حملت صار وزني 71



اسوي رياضة و اخفف اكل بس وزني ما ينزل الا كيلو كل شهر و مرات يزيد شوي
و اذبح عمري ما اكل لا سويتات الا شي بسيط في المناسبات شي بسيط و الحمد الله ما احب البرجر و البطاط و الفاست فود بشكل عام
يمكن طبيعة جسمي جي و لازم اغير جهازي الهضمي



تعبت من التجارب و فلوسي اللي تروح ع الجم و الكريمات و المساج و اروح و امشي برى البيت
غير ما اقدر البس شي شرات قبل !
قبل اتشخلع في البيت الحين مستحيل من المطبات اللي عندي
حتى لبسي صار ارف

و المشكلة يوم عندج ريل رشيق و بطنه مسطح شو بتسوين <<


تعبت ساعدوووني انصحوووني


اللي ضعفت و نزلت تعطيني الوصفات اللي تساعدني في تنزيل الوزن
و اللي بعدها شراتي ع قولة البنت درام تساعدني
و الرشيقة تساعدني بكلمة حلوة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هيه وااايد صعبه لي انها أتقول دراااام

اممم انتي خففي نشويات واكليها بس الصبح

والظهر كلي سلطات مع بروتينات

والعصر كلي فواكهه

والعشا خليه بسيط يعني بيض مسلوق ،سلطه،شوربات

والماي لترين ونص

والرياضه غيري كل اسبوع سوي شيء عسب تصدمين جسمج

موفجه

__________________________________________________ __________

>>>> الرد الثاني :
كم كوب ماء تشربين باليوم؟
يا جماعه شرب الماء وحده احسن من اي رجيم , هذا غير الفوائد الأخرى
جربتي قبل اي وجبة بنص ساعه تشربين كوب ماء , رح تلاحظي انك تاكلين نص كمية الاكل الي كنتي تاكلينها قبل , وهذا وحده رجيم

__________________________________________________ __________

>>>> الرد الثالث :
مشكلة الجسم من يثبت على وزن معين يصعب كسره لكن بالاصرار والعزيمة باذن الله بتحققي هدفك

__________________________________________________ __________

>>>> الرد الرابع :
أنا مثلج أحرم نفسي من الأكل وأسوي رياضة وبالموت ينزل حبه حبه يعني الحين من ثلاث شهور رجيم ورياضه نزل تسعة ، ورجيم قاسي حتى مافيه حيل أسوي شي تشوفيني دوم ذبلانه وتعبانه ، ريلي يخبرني في اسبوع ربيعه نزل مثل ما انا نزلت في ثلاث شهور ، بس هو يقول التكوين العضلي له دور يعني كل ماكانت عضلاتج زياده وتمرنينها كل ما نزل وزنج ، بس لاتملين واستمري ، وحاولي كل اسبوعين تغيرين رجيمج عشان الجسم إذا تعود على نظام ما بينزل وزنج ، وجربي رجيم البروتينات

__________________________________________________ __________

>>>> الرد الخامس :
انا بعد مثلج وزني ماينزل بسهولة جربت كل شي حبوب وكوفي لرجيم وماشي فايدة اعتقد الموضوع يعتد علي تغير نظام حياتج كامل يعني لازم نشيل كلمة رجيم ونحط نظام صحي ورياضة وشرب ماي

الله ايعينا