عنوان الموضوع : سويت عملية شد بطن تجربتي بكل تفاصيلها ههه مشاكل الحمل
مقدم من طرف منتديات الضمير العربي

السلام عليكم ورحمة الله


هلا بنات شخباركم .. حبيت اخبركم عن تجربتي بعد العملية لاني قبل العملي وايد بحثت عن تجارب واقعيه مالقيت حسيت ناس تبالغ عسب جي قلت بخبركن عن تجربتي اول شي انا طولي 167 ووزني 79 يوم سويت العمليه وعندي ارتخاء في عضلات البطن من الحمل وسويت عمليت قيصرية ثنتين قبل وقالت الدكتوره عادي بعدين تحملين وتربين بعد سنه
قررت اسويها في كوزمسيرج ورحت للدكتوره وشافتني قالت وزنج حلو مب وايد دبه بس تبين شد للبطن وهذ بيكلفج 28 الف وراح تنامين ليله وحده بس
انا استانست قلت بسرعه برد البيت هههههه المهم ييتها بعد اسبوع بعد ما رتبت اموري لكن ما خبرت احد من اهلي عسب ما يخافون ورحت مع ولدي والخدامه معاي ههههههه رحت اول يوم دفعت الفلوس وفحص دم ومثل باكر رحت الهم قالت بنسويلج تخدير نص بس وشافت بطني وسوت علامات عليه بالقلم ودخلوني غرفة العمليات وكنت وايد خايفه خاصة ان ماحد عندي بروحي وتميت افكر ويد هههههههههه تخيلت اني يمكن اموت ههههه فلم هندي والمسكين ولدي من بيوديه البيت ههههههههههههههههه صديقتي خبرتها قبل اخر لحظه وييت صوبي حليلها ما قصرت المهم قلت الهم في غرفة العمليات ماريد اشوف شي رقدوني وعطوني منوم ورقدت ولا قمت الا بعد ما حسيت انهم يلبسوني الشورت ودخلوني الغرفه ولقيت ربيعتي وولدي قدامي وكنت ما اشوف من النعاس اريد ارقد وبس وبعد ساعه قمت عى ويع وطالعت عمري واشوف فوزات تصريف في بطني والم فظيييييييع ما تتخيلون كيف كنت ابا ابكي من الويع ومسكع عمري صدق وانادي المرضت هاتولي دواء يوقف الوي بموت ههههههههههههه يابولي مسكنات بس عمرها توقف الويع تخليك تهلوس شوي لانها قويه اتم اتخيل اشياء ههههه اشوف وايد خوفتكن المهم قوموني بسرعه لازم مشي عسب ما يضربني تجلط في السيقان ومثل باجر خلاص شلو عني فوزات التصريف وقمت صراحه امشي بصعوبه وايد وظهري منحني مقدر اوقف عدل الممرضه كانت تساعدني لين وصلت السياره وركبت رحت عند ربيعتي كم يوم اهيه كانت تساعدني فديتا ما قصرت لكن صعب وااااايد الالام اول اسبوع ما تقدرين تتحملينها حتى اني كنت اقول ياليتني ما سويتها ههههههه ندمت وايد اول اسبوع ولا همتني النتيجه بس اريد الويع يروح مني وعقب 10 ايام صرت احسن وطبعا المشد ما تعقينه ليل نهار لابستنه قالت الدكتوره شهرين اتم لابستنه ولازم اخفف وزني وعطوني برنامج تغذيه مع الدكتوره كل شهر اراجع معاها وجلسات تدليك بمشين للبطن عسب يصغر اقولكن عن النتيجه بطني فيه نفخه شوي واحس مكان العمليه صار منمل يعني مافيه احساس ويحكني والمشد يلعوزني وااااايد ويسبب حكه للجسم بس بعد شهرين خليت المشد وارتحت وايد وصرت امشي عدل وسويت رجيم وضعفت والحمد الله وصار شكل بطني حلو الصراحه هنيه حسيت بالتغيير وقدرت البس اللي في خاطري كله استرجات وفساتين بدون مشد وقمصان نوم حلوه عجبتني النتيجه وبس احس طولت وااايد هههههه
بس حبيت اخبركن كل التفاصيل عشان تعرفون كيف اذا وحده خاطرها تسويها تكون عندها فكره وقالت الدكتوره بعد سنه بتكون التيجه حسن بعد هههههه بعد سنه بخبركن شو استوى هع

الحين يوم كتبت الكن صارلي 4 شهور على العمليه وحاضر لاي استفسار

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الحمد الله على السلامة , شجعتيني اسويها لان بطني ترهلت بعد الولادة وحتى رياضة وريجيم مانفعو.

__________________________________________________ __________

>>>> الرد الثاني :
ماشاء الله ., بس من وصفك ما اعتقد حد بيجرب ولو ان النتيجه حلوة هههههه
حمدا لله على السلامه وتتهنيني بجسمك يارب ^_^

__________________________________________________ __________

>>>> الرد الثالث :
صراحه اختي نتيجتها وايد حلوه بس تعب اول شهرين عقب ما بتحسين باي ويع
الله يوفقج

__________________________________________________ __________

>>>> الرد الرابع :
رعب

__________________________________________________ __________

>>>> الرد الخامس :
انتي اخترتي اقصر الحلول
وبالرياضه النتيجه اضمن واصح والله يعينج كيف صبرتي وريلج ماعترض ولارمس ؟!

الحمدللله
انا شفت نفسي بالؤيجيم واارياضه عاااال ولله الحمد غير انه ينشد جسمج كامل والنفسيه احلى