السلام عليكم و رحمة الله و بركاته ْ~
قررت اني اسوي قروب للي يبا ينقص وزنه ، وانا اولكم لاني تعبت خلاااص ابا انزل وزني ، و عندنا مناسبة عرس بعد 3 شهور ، و في خاطري البس فستان جاهز بدال التفصيل أو فستان حلو مب منفوش ، تعبت وانا اقول باجر ببدا و باجر ببدا ، و أخر شي الخبط و اكل اكثر ...
مشكلتي اني مرات ما أكل طول اليوم ، و اسوي لي عشا متأخر ، و مرات أكل كذا وجبه و اكنسل وجبة العشا ... يعني في الحالتين أكلي دسم ومب ملتزمه ، والتمارين هالايام ما العب و اتكاسل وايد .... ومن غير أكل الجامعة اللي كله دسم و سعرات حرارية عاليه ...
الحين بنسسى كل شي وببدا صفحة يديده مع نفسي ، و ابا تشجيع ونشترك مع بعض هنيه و نتحمس و جي بنتشجع و بنشوف كل اسبوع تتحسن نففسيتنا و نغير من نفسسنا و عادات أكلنا و بنلتزم بالرياضة لو ساعة في اليوم ...
اللي حاب يشارك يدخل و يسسجل بياناته ...
وزني : ..........
طولي : ..........
هدفي 1 بعد شهر : ........
هدفي 2 بعد شهرين : ......
هدفي 3 بعد ثلاث شهور : ......
الوزن اللي حابه توصلين له هو : .......
انا باجر من الصبح بوزن و بكتب لكم بياناتي .... و ان شاء الله القى تفااااعل ....
رد مع اقتباس
