عنوان الموضوع : حميتي بدون جلوتين Gluten Free Diet تأخر الحمل
مقدم من طرف منتديات الضمير العربي

السلام عليكم ورحمة الله وبركاته

شحالكم بنات ؟؟

بعد بحث طويل امبين انواع الحميات..قررت اتبع حمية خاليه من مادة الجلوتين او القلوتين
لان هالحمية حسيتها اكثر حمية مناسبه لي من ناحيه المنطقة اللي ابا اضعفها ..والنتيجة الاخيرة اللي ابا اوصلها..وطبيعه اكلي
يعني ماراح يكون فيه حرمان..والاكل المسموح فيه عادة متوفر فالبيت وهو اكثر شي اكله بالعادة..والاكل الغير مسموح فيه مب وايد اكله وسهل اني استغنى عنه

.....
انا ضعيفة وزني اقل من الوزن المثالي ..بس فيني شوييي كروشه صغيرة اباها تروح..وابا اضعف بعد اكثر نفس العارضات يعني

طولي :152
ووزني 47
ابا اوصل لاقل وزن من المعدل الطبيعي لطولي :42.75

واللي تحب تشاركني حياها
.....................


نظام الحمية

[SIZE=4]كل انواع الاكل مسموحة ماعدا الاطعمة اللي تحتوي على مادة الجلوتين
اللي تتوافر في القمح ومشتقاته والشعير ومشتقاتة عالاغلب..وهي حمية صحية لان مادة القلوتين عبارة عن بروتين نباتي ونقدر نأمن حاجة جسمنا من البروتين من البيض واللحوم..وتستخدم لمرضة التوحد وللي يعانون من انتفاخ في البطن..ويتبع هالحمية كثير من المشاهير واستفادو منها مثل "مايلي سايروس" و "جينيفير انيستون" و "غوينث بالترو"[/SIZE]

الاكل المسموح فيه


الحليب ومشتقاته
اللحوم والدجاج والاسماك
الذرة ودقيق الذرة والخبز المصنوع من دقيق الذرة مثل التورتيلا والتاكو
المعكرونة المصنوعة من دقيق الذرة
الخضراوات والفواكة
البيض والفول والفاصوليا والبازلاء
البودنق والزبادي والجيلي
الزيت النباتي
حبوب الافطار المصنعه من الذرة
المكسرات
السكر والكريمة
الرز ودقيق الرز والخبز المصنوع من دقيق الرز
الشاي والقهوة..

الاكل الممنوع



القمح والشعير
دقيق القمح المعجنات المصنوعه من دقيق القمح والشعير " خبز عادي او اسمر والصمون ...والخ"
الشوفان
الكاراميل والتوفي
الزبادي المظاف اليه فواكه محلاة
شحم الحيوانات
حبوب الافطار المصنعه من القمح
المعكرونة العادية..الباشاميل اذا يحتوي على دقيق "يمكن استبدال الدقيق بالنشا لعمل باشاميل بدون جلوتين"


ملاحظة: عند شراء اي منتجات يمكن التاكد من المكونات اذا يحتوي على الجلوتين
وهاذي علامة الخالي من الجلوتين



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
موووووووووووووفقه الغالية

__________________________________________________ __________

>>>> الرد الثاني :
مشكورة حبيبتي

__________________________________________________ __________

>>>> الرد الثالث :
الريوق اليوم

بطاطس مسلوقة مع رشه جبن موزاريلا + ماي


__________________________________________________ __________

>>>> الرد الرابع :
ان شاء الله توصلين لهدفج
موفقه ^_^

__________________________________________________ __________

>>>> الرد الخامس :
ليش تضعفين نفسج لهذا الحد؟ ترا غير صحي ومايلي سايرس بعد هذي الحميه اخترب جسمها استوت واااايد ضعيفه

كان أول جسمها أحلىى

بدل ما تشدين حيلج بتغيير الأكل اتبعي نظام مايلي سايرس الرياضي وهو ممارسة رياضة البلاتيس

ترااها تركز ع الكرش ويبيلج تشتدين عضلات بطنج عشان ما ينتفخ واايد

بعد الانتفاخ ممكن يكون من اعراض تكيس أو إنج من النوع القلق واايد فيسبب انتفاخ