عنوان الموضوع : Fitness & Diet Diary ~ كُوني كَ الغيمة ☁ مشاكل الحمل
مقدم من طرف منتديات الضمير العربي

.
.

السَلام عليكم ورحمة الله وبركاته


قررت أبطل هـ المدونة بعد ما تشجعت
من جفت مدونة الجميلة سيس ،

شرايكم ف العنوان . . ؟؟
لا تسألون ليش غيمة مب غزالة مثلاً ،
هـ اللي يا فـ بالي حزتها هههه

يومياً إن شا الله بنزل بوست مرفق بـ :
- وزني كل صبح
- وجباتي الثلاث + كم سعرة فيها ؟
- تماريني


طولي : 164 cm

وزني قبل الدايت : 79
وزني اللي علقت عليه شهور : 75
وزني بعد الدايت : 72 (آخر مرة وزنت قبل كم يوم ،
يارب ماكون زدت لاني كلت عراحتي هالفترة )


هدفي الحالي أوصل لـ : 68
الوزن المثالي اللي اتمناه : 60



لي لقاء معاكم باجر ❤
بإذن الله .

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ياحلاة الغيمة الجميلة ّ

استمري غناتي وانا كل يوم بمر عليج وبنراقب يوميات بعض سوى وبنشجع بعض ان شاء الله وعقبالي يارب مااطلق الثمانين والسبعين دفعة وحدة
لازم نشد حيلنا ومانكون بطات طول العمر
لانه شيْ يقهر ويرفع الضغط الكل من حولج يلبس ويتلبس ونحن طايحين الا بها الغوامج
عشان نخش البلاوي المتلتله تحت الثياب
اترياج يومياتج اليوم بفارغ الصبر

__________________________________________________ __________

>>>> الرد الثاني :
تسلم لي المنورة بطلتها
افا عليييج ان شا الله خلال شهرين نتحول ارشق الرشيقات

__________________________________________________ __________

>>>> الرد الثالث :
.
.

مساء الخيير


وزنت الصبح بملابس : 72.4
بدون ملابس وزني : 71.2 > فرق وايد صح

كان ودي وااايد اصور اليوم وجباتي بس للأسف انشغلت فالجامعة
لدرجة اني نسيت سالفة المدونة >>

المهم الصبح رحت ستاربكس قبل كلاسي وشربت كوب موكا بحليب خالي من الدسم،
وشربت اقل عن نصه اتوقع، يعني بحدود 170 كالوري ، وهذا كان ريوقي .
ماقدرت استغني عن الكافيين الصباحي لانه صدق اييني رقاااد بس بحاول اخف منه

عالعصر كلت سلطة من الكافيه،
الشي الصحي اللي فيها انها مكونة من المشروم والبروكلي والجزر والخيار
الشي اللي هب صحي انه فيها شوية سوس وزيت زيتون .
(ماعندي فكرة كم كالوري فيها)

اليوم ماسرت الجيم لانه ماعندي بريكات،
لكن باجر انا وربيعتي بنسير لمدة ساعة .

__________________________________________________ __________

>>>> الرد الرابع :
بالعافيه عليج

اممم لا تنسين البروتينات فيومج مثل الدياي ولحم وسمج وبيض

ربي يوفجج

__________________________________________________ __________

>>>> الرد الخامس :

المشاركة الأصلية كتبت بواسطة جداً جميلة
.
.

مساء الخيير


وزنت الصبح بملابس : 72.4
بدون ملابس وزني : 71.2 > فرق وايد صح

كان ودي وااايد اصور اليوم وجباتي بس للأسف انشغلت فالجامعة
لدرجة اني نسيت سالفة المدونة >>

المهم الصبح رحت ستاربكس قبل كلاسي وشربت كوب موكا بحليب خالي من الدسم،
وشربت اقل عن نصه اتوقع، يعني بحدود 170 كالوري ، وهذا كان ريوقي .
ماقدرت استغني عن الكافيين الصباحي لانه صدق اييني رقاااد بس بحاول اخف منه

عالعصر كلت سلطة من الكافيه،
الشي الصحي اللي فيها انها مكونة من المشروم والبروكلي والجزر والخيار
الشي اللي هب صحي انه فيها شوية سوس وزيت زيتون .
(ماعندي فكرة كم كالوري فيها)

اليوم ماسرت الجيم لانه ماعندي بريكات،
لكن باجر انا وربيعتي بنسير لمدة ساعة .




اممم اكلج قليل فديتج وفيه كالوري لو قسمتي وجباتج ل5 وجبات 3 رئيسيات و2 وجبتين خفيفة احسن
بس ان شاء الله تعوضين باجر بالوجبات وبالرياضة وبالماي
ادري انه جامعة عليج وضغط دراسة وتمر علينا ايام فيها ضغط بس ان شاء الله نعديها
واتريا يومياتج باجر بفارغ الصبر ان شاء الله
وانا بعد اليوم صورت بس الصور مب راضية تنزل عندي
بس بحاول انزلها ان شاء الله