عنوان الموضوع : للحين أعاني من آثار الحبوب ؟؟ ساعدوني هنا الحل
مقدم من طرف منتديات الضمير العربي

السلام عليكم

بالبداية أنا عضوة يديدة ... و من العين ... و هذا أول موضوع لي في هالمنتدى الراقي ... مشكلتي اني أعاني من مشكلة آثار الحبوب في ويهي و على صدري و في كتفي و ظهري ؟؟؟

لانها بشرتي دهنية ؟؟؟ فالحب راح ؟؟ و بقيت الآثار ؟؟؟ يا ليت حد يساعدني في طريقة لازالة آثار الحب و بالذات اللي بالويه ؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
استعملي طين بركاني مع ماي الورد ...

طين بركاني بتحصلينه عند العطار.

والسموحة

__________________________________________________ __________

>>>> الرد الثاني :
غاليتي أولا مرحبا فيج في منتدانا واتمنى لج أحلى الوقات معانا

أما عن سؤالج فشوفي هذي الطريقة

أولا عصير ليمون أفركيه في ويهج في البداية بتحسين ويهج بيحرقج بس بعدين عادي أستعمليه في اليوم مرتين وخليه لين ما ينشف وبعد ما تغسلين ويهج دهنيه بماي الورد >>> هذي الوصفة انا جربتها جفت عندي كل الحبوب وطارت علاماتها
واستخدمي صابون لاف بوي الأحمر

وتحيتي لج

__________________________________________________ __________

>>>> الرد الثالث :
تسلمين فديتج ... و الله لا اجربها من اليوم ؟؟ و خاصة عرس أخوية جرب

__________________________________________________ __________

>>>> الرد الرابع :

مرحبا الغلا
انا قبل سنة كنت شراتج اعاني من اثار الحبوب شوي فويهي وفظهري وايد
جربت خلطات صح ان الخلطات طبيعيه وتعالج بس مشكلتي ماعندي صبر يعني العلاج الطبيعي يباله صبر
بعد فتره لاحظت شوي شوي تسير الاثار
ومرة ثانيه ظهرت لي حبوب فظهري واختفت وتمت الاثار تعقدت ها كله لأنه بشرتي دهنيه :*_*:
قلت شو اسوي سرت حق الدكتورة متخصصه في الجلديه وهالشغلات خبرتها عن مشكلتي قالت لي اول شي لازم تغيرين الصابون ها اهم شي عسبت يوم تتعالجين لا تظهر الحبوب مرة ثانيه وعطتني مرهم كريم اثنين واحد احطه بالليل وواحد بالنهار وغيرت الصابون والحمدلله صدقيني استخدمت اللي عطتني طاف اقل عن اسبوع والاثار اختفت جان استانس والصابون كان له دور كبير بمشكلة ويهي لأن دهني اللحينه بشرت ويهي مب دهنيه ولا جافه عاديه وماتظهرلي حبوب ان شالله تجربتي فادتج سمحيلي هالاطاله .. :22 (8):

__________________________________________________ __________

>>>> الرد الخامس :
غموض

عزيزتي لو تقولين لنا شو اسم الدكتورة اللي رحتيلها