اسلاااام عليكم ورحمه الله وبركاته
يسعدلي صباحكم ومساكم
ان شاءالله تكونون بخير وصحه وسلامه
اليوم حبيت اكتبلكم وصفتين كل وصفه احلى عن الثانيه بس قبلها لازم اخبركم قصه الوصفتين
الله يسلمكم امس طرى على بالي اسوي خلطه المهم شوو سويت سرت ويبت
مقادير الخلطه الاولى :
حبتين ليمون << نحن الليمون اللي عندنا في البيت صغير بس اذا عندكم ليمونه الاصفر حطو وحده
حبه برتقاله
وفنيال زيت زيتون
وكيس دريم ويب او
الطريقه :
اتقصون البرتقال والليمون مع قشورهم الي اربع يعني تقصونهم من النص وعقب من الطول وتحطونهم في الخلاط وتضيفون عليها الزيت زيتون. وخليه يخلط لين مايصير شرات الكريم
عقب تسيرين تتسبحين بصابونه البابايا او اي صابونه تبونها وتنشفين جسمج من الماي عدل عدل
عقب اتحطين الخلطه لمده 15 دقيقه واذا قدرتي اتزيدين بيكون وااااااااايد زين عقب ال 15 دقيقه بتكون الخلطه جفت حركي الخلطه بحركه دائريه عقب اغسلي جسمج من الخلطه واتسبحي باي شور جل تحبينه
وعقبها بتحسين بالبياض والنظافه واللمعه والريحه الحلوه
الخلطه الثانيه اليوم سويتها
ملعقه روب
نص ملعقه نشاء
وملعقه عيش مطحون
الطريقه:
ينخلطون كل المقادير مع بعض وينحط على الويه لمده 15 دقيقه وعقب تنفرك الخلطه شوي شوي وينغسل بالماي العادي
الخلطتين للويه والجسم
نتايجهن او ماتغسلين الماسك بيبين
( بياض ونظافه ونعوووووووووووووووووووومه ولمعه )
وهذي الخلطات انا مجربتنهن عليا يعني لاتخافن
وربي على مااقول شهيد
رد مع اقتباس
