تجربتي المريرة مع السوفت لااايت :"( >> استفيدوا من نصايح الدكتور لعلاج السمنة و النحافة

[مريم]

عنوان الموضوع : تجربتي المريرة مع السوفت لااايت :"( >> استفيدوا من نصايح الدكتور لعلاج السمنة و النحافة
مقدم من طرف منتديات الضمير العربي

السلام عليكم ورحمة الله وبركاته ...


بنااات انا جربت السوفت لااايت اللي يشقر الشعرة وتطيييح بعد 10 ايييام في مركز ف جمييراا ..

مدحولي ايااه وااايد .. بس سبحان الله كل شخص بشرته تختلف ..

أول شي حطتلي مااسك لونه اسود وعقب بالجهااز ..

الشعر تشقر وصاااار ماايبين بالمره .. حتى الشعر الغلييظ .. !!
واستانست اول يوم احس بشرتي لونهاا توحد ..

بس يوم نشيت اليووم الثااني بشرتي كلهااااااااااااااااااا حبوووب صغااار حمر وبيض

انا كانت بشرتي صافيه الحمدلله ,, كنت بمووت يوم شفت الحبووب ..

قلت ماعليه بتخوز مابحط بالي ويااها ..

اليوم الثاني زاادت وسرت عياده ف بوظبي وعطاني جل احطه ..


الحمدلله 80% من الحبوب خفن من أول استخدام ..

قالي يا بنتي لا تسوين السوفت لايت ولا الليزر ..

كل هالاجهزة تضر البشرة ولها تأثير سلبي ..

قال انا انصحج بس تسوين IPL >> هذا النوع الوحيد اللي ماله ضرر ولا يسبب حروق ..

الصرااحة انا سويت جلسة ليزر اسمه Soft Laserجسمي كامل قبل شهرين والنتيجه حلوة مع اني عاانيت لمده اسبوع من الحكه والجفاف !! .. وبشرتي لين اليوم تغيرت طبيعتهاا صاارت جافه بشكل فضيييع بس للشعر اوكي .. !


بعد نصايح الدكتوور قررت اني مااستخدم الا IPL >>

اللي خلاني اوثق منه اكثر انه كبير فالسن .. فأكيد عنده خبره ..
ثاانياا : الجل اللي وصف لي ايااه فادني واااااااااايد الحمدلله ارتحت نفسياا ..



بنااات ادعوولي تخووز الحبووب كلهاا وترد بشرتي شراات قبل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ان شاءاالله ترد بشرتج نفس قبل واحسن

بس ممممممم شو اسم الجل ..؟؟

__________________________________________________ __________

>>>> الرد الثاني :

السوفت لايت >.<

سويته في عيادة سميحه الله يسامحهم سوولي ليزر مب سوفت لايت قلتلها هذا ليزر قالتلي لا سوفت لايت قلت زين سويلي وحرقني ويهي واايد ويعور بعد ..

عقب يومين ظهر الشعر انصدمت .. كيف !! .. انا مخسره فلوسي على الفاضي اتصلت للعياده وخبرتهم قالولي تعالي في جلسه ثانيه قلت اوكي وسوولي الثانيه .. والحمدالله ما طلع بس شوو حرقني .. يعوووور ولا تشقر الشعر اول شي سوتلي شيفنق بعدين بالجهاز


المره الثانيه سويت ليزر تصدقون انه اخف وابرد عن الزفت اللي اسمه سوفت لايت

وتووووبه ماسويه مره ثاااانيه ...

__________________________________________________ __________

>>>> الرد الثالث :

انا عندي نفس المشكلة ، صار لي 4 شهور اسوي سوفت لايت وطلعت لي حبوب مثل اللي اتقولين عنها وكل ما أسألهم يقولولي هذا من الميك أب ،
ممكن عزيزتي اسم الجل اللي استخدمتيه ، لأنه انا عرسي عقب اسبوعين ان شا الله وابا هالحبوب الصغار اتخف لانه بصراحة ويهي صار فظيع من عقب هالجلسات

__________________________________________________ __________

>>>> الرد الرابع :

مع احترامي لكلام الدكتور بس الجهاز اللي ذكره مجرد ليت وهذا خسارة فلوس ما يعطيج نتايج فعلية

انتي تحسستي من الماسك موب من السوفت لايت


لأن السوفت لايت ابدا ما اييب الحبوب وهالاشياء ..


عموما افضل انواع الليزر هو ليزر اندياج

__________________________________________________ __________

>>>> الرد الخامس :

المشاركة الأصلية كتبت بواسطة ماباكو
السوفت لايت >.<

سويته في عيادة سميحه الله يسامحهم سوولي ليزر مب سوفت لايت قلتلها هذا ليزر قالتلي لا سوفت لايت قلت زين سويلي وحرقني ويهي واايد ويعور بعد ..

عقب يومين ظهر الشعر انصدمت .. كيف !! .. انا مخسره فلوسي على الفاضي اتصلت للعياده وخبرتهم قالولي تعالي في جلسه ثانيه قلت اوكي وسوولي الثانيه .. والحمدالله ما طلع بس شوو حرقني .. يعوووور ولا تشقر الشعر اول شي سوتلي شيفنق بعدين بالجهاز


المره الثانيه سويت ليزر تصدقون انه اخف وابرد عن الزفت اللي اسمه سوفت لايت

وتووووبه ماسويه مره ثاااانيه ...




حبوبة السوفت لايت اللي ترمسين عنه غير عن اللي ترمس عنه الاخت .. انتي ترمسين عن الليزر سوفت لايت .. وهي ترمس عن البليشنق سوفت لايت اللي هو مشقر كهربائي موب ليزر وما فيه اي ذرة ألم .. لأنه مثل المكنسة اللي تبخ هوا بس