اشحالكم بنات؟ عساكم بخير حبيباتي...
بخبركم عن تجربتي مع الليزر vpl ..
أول شي.. ليزر vpl هو مب ليزر بمعنى الكلمة ولكنه تقنية ازالة الشعر بالضوء..
أنا بحثت عن معلومات بخصوص هذي التقنية.. في النت.. وحصلت وايد مقالات تمدح هذا النوع من العلاج.. وبعديت بديت جلسات vpl في نادي سيدات ..
في البداية المعالجة حلقت الشعر بالموس (الوجه والرقبة) بعدين مررت الجهاز على الوجه والرقبة.. كنت وايد مستانسة لأني حسيت ان بشرتي استوت احلى من اول اسبوع.. وقررت اني استمر على vpl على امل اني اتخلص من الشعر على الوجه.. مع اني ما كنت أعاني من شعر زاااائد الا اني كنت طماعة وما بغيت اظل كل اسبوع او اسبوعين اسير الصالون واشقر ويهي!!
من ثالث جلسة! حسيت بشي مو طبيعي.. حسيت ان الشعر اللي يطلع ما يطيح مثل ما خبروني!! وكان يالس يسود اكثر بعد ما كان مائل الى البني! مو بس جي!! كان الشعر يطلع طوييييييييل!! سرت عندهم على الجلسة الرابعة والخامسة.. وكل ما اقولهم عن المشكلة! قالوا ههذا عادي .. (نحن نبي الشعر كله يطلع عشان نقتل البصيلة).. !! هل هذا يعقل!
البارحة كنت متغصصة .. وقلت حق ربيعتي بمشكلتي.. جان انصدم انها كانت مسوية عندهم vpl من سنتين وصارت لها نفس المشكلة! ..
بنات اللي تسوي VPL في اي مكان.. سواء نادي صحي او صالون.. توقفي على طول... وسيري عند دكتور متخصص في هذي الأمور..
لا تغلطين نفس غلطتي..!
أنا الحين اتعالج من هذي المشكلة عند الكتورة سميحة لطفي.. وانا الحين مرتاحة... ويزاها الله الف خير..
.. واي سؤال.. انا حاضرة
رد مع اقتباس
