عنوان الموضوع : تجربتي مع دكتور الجلدية والتقشير ،،،، حل المشكلة
مقدم من طرف منتديات الضمير العربي



مرحبا خوااتي ،،،

حبيت اشاركم ،،، تجربتي مع التقشير ،،، ووتابعوا معاي النتايج ،،، اللي عساها تكون مبهرة ،،،

الصراحة انا الحمد الله ويهي ما فيه حب شباب ذاك الزود ، بس اثار مبقع ،، ولون بشرتي باهت ياي على اصفر رغم الحمد الله ، ما فيني فقر دم او شي ،،، وصحتي اوكي ،،،

دورت في النت عن دكتور جلدية يكون اوكي ومضمون ،،، لين ماليت الدكتورة اليسار خوري في بوظبي رحت لها ،،، وقلت اجرب ،،، على قد ما يمدحونها الخلق ،، حليلها زينة عطتني علاج لبشرتي لانه كان محبب شوي من الخيط ، ويبت لها فحوص دم ، وقال ما فيج شي الحمد الله ،، خذيت العلاج وتغير ويهي شوي ،،، لكن من خلصت العلاج ،،، للاسف رد كل شي مثل قبل

والحين في الصيف كل من شافني قالي شوي اسمريت رغم اني يالسه في البيت ما اطلع حتى سفر ما سافرت ،، قلت خلني اشوف مركز هيلث اند بيوتي اللي في العين ،،، وحجزت موعد عند دكتور الجلديه

وكان موعدي امس 8\8 \2017 الظهر تقريبا توكلت على الله ورحت ، قلت له اني اعاني من الهالات وبشرتي الباهته ، قالي الحل التقشير كنت في البدايه خايفة ، لكنه طمني وقالي عادي تقشير بسيط باحماض الفواكه ، واول مرة يكون التقشير شوي قوي ، بس بعدين اخف ،، وتروح الهالات وفتح البشرة وعلى كلامه توكلت على الله ،،،

وبدات عملية التقشير ،، كان الدكتور يحط الدوة على ويهي وكان يحرق ،، خله شوي وشله ،،، وحط دوا ثاني الله لا يوريكم حار ناااار شوي واصيح ويقولي دقايق وشله والممرضه من ورى راسي تهف الهوا عسب تخفف علي الحريقه وآخر شي حطت كريم وقالي لا تنصدمين من شكلج ،،، لانه يبدى يسود مكان الهالاات والبقع وبعدين يتقشر بعد اربع ايام وعطاني موعد بعد اربع ايام يوم الخميس ،، وكتبلي فيتامينات تفتح البشرة وتصفيها ، وقالي حطي مرطب كل شوي ،،،

والفيتامينات هي






والثالث
فيتامين سي


طبعا جلسه التقشير ب 600 درهم فتح الملف والاستشارة مجانا ،،، الأدويه كلفتي 300درهم وفي معاهم كريم قالي استخدميه بعد اربع ايام


سعره 135درهم ،، ما اعرف حق شو بالضبط بسال الدكتور في موعدي الياي ،،، ان شا الله

اما عن حال ويهي الحين الحمد الله ما يحرق لاني احط من المرطب كل شوي ، لكن في اماكن على خدي وجنب عيني كانه محروق بالكوايه ،، بس ان شا الله يروح مع التقشير ،،

وتراه قالي يبالي تقريبا من ثلاث لأربع جلسات مرة كل شهر ،،، والجلسات اليايه بتكلف 400 درهم لكل جلسه ،،،،

واطلع بنيو لوك ،،،،

اشوفكم على خير وتابعوا معاااي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يحقق مرادج...........

__________________________________________________ __________

>>>> الرد الثاني :
متابعة وياج ..

وان شاء الله النتيجة تكون مثل ما تبين
وتطلعين بنيولوك حق عيد الفطر ان شاء الله ..

__________________________________________________ __________

>>>> الرد الثالث :
الله يحقق مرادج الغالية

وتطلعين بأحلــــــى لوك ^.^

__________________________________________________ __________

>>>> الرد الرابع :
بنة أمنة
زيبانشو
سلامة عيونكم

شكرا حبيباتي على المرور
ولتعليقات الحلوة

__________________________________________________ __________

>>>> الرد الخامس :
بالتوفيق