عنوان الموضوع : «©¨•. ¸¦» منتجات هالمحل تنافس بودي شوب .. عن تجربتي وبالصور »¸.••¨©»
مقدم من طرف منتديات الضمير العربي



السلااااااااام عليكم ^_^



طبعا هالموضوع كان خااااطري من زماااااان انزله هنيه في القسم بس الكسل ومايسوي خخخخ ,, المهم اليوم متفيجه وقلت خلني أفيد بنات المنتدى فدييييتكم تستاهلون كل خيييير .. اليوم بتكلم عن تجربتي لمحل .. اسمه " لش " " LUSH " هالمحل يبيع سوالف طبيعيه .. عندهم صوابين ريحتها رووووووووووووووووووووووعه ومجرد اتحطينه في الحمام " عزكم الله " يعطر الحمام بالريحه واااااااااااااو .. وانا انصحكم فيه وبكل قووووووووووه بعد خخخخ .. وبعد عندهم كريمات للجسم وديودرنت وبودره .. شامبو وبلسم .. فقاعات البانيو ومرطبات الجسم ,, يعني تقريبا نفس البودي شوب .. المهم انا صار لي فتره طويله ماسرت للمحل لاني ماخذه منه كميه اتكفي 3 شهور تقريبا خخخخ ... انا متأكده مليوووون في الميه انه المحل بيعجبكم وبتخمووونه خم خخخ .. بس لاتشترون وايد لانه المواد الطبيعيه بسرعه اتذوب .. يعني اشتري كميه اتكفيج شهر شهرين او بالكثير 3 شهور .. لانه الصوابين بالذات بسرعه اتذوب وتخرب عشان جيه خذي الكميه اللي اتكفيج مده بسيطه مافي داعي تاخذين حق سنه خخخخخخ .. انزين الحينه براويكم بالصور اللي اشترته من هالمحل .. الصراحه هذا اللي بقى في الكبت وقلت لازم اصوره قبل مايخلص خخخخ .. يالله خلنا نبدأ .. بسم الله ^_^


هذي صوره جماااااااعيه










هالمنتج عباره عن شاور جل بس على هيئه جيلي هههه ,, وفيه منه 4 أنواع .. انا اخترته هذا .. عيبتني ريحته ^_^ تقصين قطعه صغيره بحجم الدرهم واتحطينه بالليفه وتتفركين به .. طبعا هو مجرد شاور جل ريحته حلوه يعني لاتتوقعون انه بيحل مشاكل بشرتكم خخخ .. بس الفرق انه هذا المنتج المكونات اللي فيه طبيعيه .. والدليل انه لو كمل اكثر عن 6 شهور يخترب خخخ .. وهذي صوره أوضح له






اما هالمنتج عباره عن صابون خخخ .. اسمه Honey i washed the kids ريحته رهييييييييييييييييبه انصح به المعرسات ريحته عسل وتوفي وكراميل يمكن في البدايه مابتعيبكم الريحه بس يوم بتستخدمينه اففففف ريحته رهييييييييييييييييييييييبه ودج تاكلينه ^_____^ ماعليكم من الشكل لانه ذايب شويه






الحينه هالصابونه اسمها rock stars ريحتها علوج "لبان " ههههه يمي يمي اتذكرني بطعم شعر البنات ولونها وردي وريحته رووووعه بس اظني بتعجب المراهقات اكثر .. انا احب ريحتها بس ماشتريها دايما ..






هذي صابونه اسمها sultana of soap ريحتها حلوه .. وانا اشترتها لانه اللي هناك قالتلي انه هالصابونه اترطب الجسم .. الصراحه ابدا ماحسيت بترطيب ,, عاديه ,, بس ريحتها حلوووه ^____^





وهذي اخر صابونه عندي اسمها karma ريحتها مممم ماعرف اشرح بس ريحتها دافيه >>> كيف جيه ؟ خخخ .. لا صدق احس بدفا يوم اشم ريحتها .. تنفع للشتا ^_^






الحينه صوره اخر منتج عندي شو تتوقعون داخله ؟ اممممممم فكرووو !!






أكشن هههههه .. هذي الله يسلمكم زبده للجسم body butter ريحتها ليمون .. الصراحه ماعيبتني بس اشترتها لانه شكلها كيوووووت خخخ .. وع فكره ملمسها زيتي شويه نفس زبده بودي شوب .. الحلو انهم مسوينها على شكل صابونه



وبس ^_^ هذا اللي عندي بالصور .. طبعا المحل في انواع وايده .. ع فكره .. الصوابين والشاور جيلي تاخذونها بالغرام .. يعني يوم بتسيرون المحل الصابونه اتكون قاااالب كبير وهي اتقصه حقج بالحجم اللي تبينه .. وطبعا نصيحتي تاخذون احجام صغيره لانه الصابون يذوب بسرعه سواء استخدمتيه او لا .. واتمنى لكم تسوق ممتع خخخ المحل هذا موجود في سيتي سنتر دبي .. دورته في المولات الثانيه بس ماحصلت له افرع غير ستي سنتر .. هو حذال كليرز الطابق الثاني صوب السينما

ودعواتكم بنات للوالده .. الله يفرج همها ويسعدها ويطول عمرها ^__^ فديييتها

ملاحظه : اللي تبا تنقل الموضوع حلال عليها بدون ماتستأذن , بس تذكر اسمي في الموضوع ^_^


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
رووووعه امبين عليهن ..... تتهنين فيهن يا قلبي

__________________________________________________ __________

>>>> الرد الثاني :
الله يجزيج الجنة
وفديتج فد وفد
انا ادور هالمحل من سنين
كان الفرع الوحيد سنة 2001 في المنار مول في راس الخيمة
وما فتح غير سنة وبندوه
ومن يومها وانا انشد عنه وادور عليه
جد جد جد
هالمحل ابداع وله افرع في اوروبا
الله يجزاج كل الخير لا خلا ولا عدم

__________________________________________________ __________

>>>> الرد الثالث :
الدانه .. غاليه المري .. نورتو صفحتي ^_^

__________________________________________________ __________

>>>> الرد الرابع :
اظني فيه فرع ف ستي سنتر دبي احيد خذت نفس الاغراض ما ادري لو هو او لا ؟؟

__________________________________________________ __________

>>>> الرد الخامس :
المحل هذا انا مدمنه عليه بشكل كبير من زمان
كل صيف يوم أسافر اشتري عنهم كميات من كل شي ويوم ارجع امزر ثلاجتي الصغيره بهالاشيا فتطول وياي شهور خصوصا الصابون وايد حلو ومكوناته طبيعيه ...فعلا البودي شوب ينتحر جدام هالمنتجات
بس المشكله ما عندنا المحل هذا في أبوظبي (أحيد فتجوا من زمان في المارينا بس ما كملوا سكروا بسرعه ما أدري ليش)

الحين بعد عندهم صابون الفستق شو رهييييييييييب ينظف الجلد ويقشر الخلايا الميته اللي فيه أنصحكم اتجربونه