عنوان الموضوع : موضوع محرج .
مقدم من طرف منتديات الضمير العربي

السلام عليكم خواتي.


بنات كيف تعاملتوا مع اسمرار المنطقة الحساسة وانتوا عرااايس.

احس بكنسل العرس ومابعرس ابدا والسبب هالشيء انا وااااااايد منحرجة ماتخيل نفسي بصراحة بليز خبرووني كيف تعاملتوا مع الموضوع يعني كان عااادي عرستوا من دون ماتستخدمون شيء ولا استخدمتوا شيء.


بليز سااااعدوني .

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ان شاء الله البنات اسااعدونج
بما انهم اصحااب الخبره
بس اجوف البنات واايد وااايد احاتون عمارهم بزيااده وطول فتره الملجه يفركون
ف عمارهم و اخر شيء هي تنصدم فالحبيب .. هي كل ها اتسوي عسب تطلع
حلوه و نظييفه و هو ولا شيء

__________________________________________________ __________

>>>> الرد الثاني :
لو تميتن ادققن على كل شي بتعيزن

اول شي حبوب ف ويهي وعقب كروشه وعقب ركبه سوده وعقب شعري خفيف ومب ناعم وعقب جسمي كل مكان لون وعقب اسناني وعقب مادري شو ..... إلخ والحينه المنطقه الحساسه

حبيبتي نصيحه لوجه الله سووي اللي عليج بس لاتفكرين وتذبحين عمرج ترا مب بس انا وانتي وهي وهم عندهم اسمرار ف المنطقه الحساسه اغلب الخليجيات او نقدر انقول العرب اهم شي (النظافه)

على فكره انا مقبله على الزواج شراتج وعرسي بإذن الله عقب 12 يوم مابقولج مافكرت ف اشيا فكرت .. فكرت كيف اهتم ف نظافه المنطقه اما عن الاسمرار ترا هم اخستين -.-" وهاي خلقة ربي لو شو مانسوي بنكون جي ><

الله يوفقج ويسعدج حبيبتي

السموحه وايد اتفلسفت

__________________________________________________ __________

>>>> الرد الثالث :
حبيبتي لا تكنسلين العرس ولاشي ..

الله يخلي الكريمات والمغربي .. سوي مغربي وتفري عدل .. دايما نشفي المنطقه

وان شاء الله الخوات بيفيدنج اكثر

__________________________________________________ __________

>>>> الرد الرابع :
انتي احين تفكرين ف هالشي وتحاتينه لكن يوم بتعرسين بتحسين انه شي عادي ..

اهم شي النظأفة حبيبتي

والله يوفقج

__________________________________________________ __________

>>>> الرد الخامس :
اعرف وحدة تستخدم كريمات العناية الي هي اصلا لمنطقة تحت العينين
تستخدمها للمنطقة الي ذكرتيها ... صراحة ما اعرف نتائج هذا الاستخدام ، لكن فكرتها منطقية

بس ترى هي تستخدم كريمات طبية ما تنباع الا في العيادات ما موجودة في صيدلية عادية