السلام عليكم ورحمة الله وبركاته
الصراحة عندي خلفية كبيرة عن وايد امور طبيعية ومثل ما الاغلبية تعرفني ماحط شي عن جهل او ماستخدمته
وأنا تقريبا ماخليت شي ماستخدمته , طبعا الامور الطبيعية الي يفيد برمس عنه والي مايفيد ترى بقول مافاد
زمان نشدني وايد بنات عن سبب بياض اسناني وكنت حاطه رد مب موضوع فـ يتني من وراه رسايل
وكنت اراويهم صورة اكبر عن جي بس تجنباً لزحمة الرسايل لان عندي موضوع اهم ’ بحط جزء من الصورة مصغرة فالعام
السر فديتكن
ها بياض اسناني
بتقولون شو هالكائن ها خخخخخخ شسوي كل ماقصيت من الصورة جزء تطلع خسفة قلت اوووف خل نمشيها وخلاص
السر هو الفحم طبعا لاااااازم يكون نباتي وارجع اقول نباااااااتي يعني الحطب عقب ماينحرق مب مال الدخون ولا مال الشوي
هاتيه واطحنيه واطحني معاه ( اختياري هالشي بس افضل اضافته بقول ليش عقب ماخلص المكونات ) قرنفل والحبه السوداء وجرفة ومسواج
الفحم يبيض وباجي المكونات تقضي ع رايحة الفحم
بقولكم معلومة / ايام شوابنا كانوا يسوون هالشي وفالبلدان الفقيرة مثل الهند وبنقلادش وجي ينظفون اسنانهم بالفحم
حتى بشكارتنا من سنييييييين كنت اجوفها تسوي جي وكانت تخبرني ان هناك ماعندهم معاجين وفراشي
ونتوا تدرون عاد بشرتهم سمرا واسنانهم بيضاااااااااااا ,, عموماً ماعرف متى يبدا مفعوله بس طريقة استخدامه
اغسل اسناني بالمعجون اول عقب اغسل الفرشاة واغمسها في بودرة الفحم وارد افرج اسناني ومرات بايدي
انا ابلعه عادي استسيغ طعم الفحم <== خبله هاه , 3 مرات فاليوم وقبل النوم حتى ريحة الفم والله ماشي وزيدوها وتمضمضوا بغسول انا لما اسويه اروح لاخواني اونه الله يقرررررررررفج لان الحلج امررررررة يستوي اسود هع
وعلى فكرة في كوريا مسوين معجون الفحم حاليا لكثرة فوااايده للاسنان دوروه ف جوجل وبتعرفون عنه
سوووري يعني اذ اسنانج فيها جير وتقولين ماجفت نتيجة ولا استوى شي سيري شلي الجير فأي عيادة بـ 50 درهم
عقب استخدمي هالطريقة لان الجير بروحه سالفة وكل 6 شهور سووا تنظيف
الحين الحبوب !!!
ذكرت اول شي مجرد اضافة وتمهيد للشطر الثاني
مرآت يطلع لنا حبوب فالمؤخرة صح !! انا تطلعلي اذ ماتسبحت يوم تتخيلون ! يعني لو ماتسبحت وتفرجت وسويت اسكينول ودهنت المكان بكريم
بتطلع , المكان عندي واااايد حساس لدرجة ماستخدم المراحيض الفرنجي إلتهااااااااب ع طول سواء فبيتنا ولا بررا ’ كله عربي
واكره حيااااااتي لما يطلعن يكونن حمرر ومرات يعورن لما اقعد ويزيدن بعد ع كثرة القعدة .. واذ مافرجته بصنفرة يطلع فيهن وصخ
واذ جربتي تظهرين الي فيها بتعلم الحبه مكانها وتعالي عااااد بالاسابيع شلي الأثر
هاليومين كنت محمومة شوي راسي بينفجر ومتعااااااايزة اتسبح والدنيا براد يعني تحسين امورج طيبه خخخخخخخ
وظهرن لي
المكونات :
الماسك + بودرة الفحم + صابونة الغار الاصلية
الماسك هذا ماسك الفحم يايبنه من دايسو صنع كوري ( معروف الكوريات يستخدمنه الماسك الاسود يسمونه )
طبعا ها للويه ينحط ثلث ساعه تقريبا وينشل شل وتحسين يمجع شعر الويه لو فيج خخخخ بس من تجربه مفيد وسعره رخييص
خلوه ع ينب ( مجرد اضافة لا اكثر )
انيي للبودرة والصابونه
سرت اتسبح وشليتهم معاي كالعادة طبعا اشل البودرة لاسناني
تسبحت بماي حار وخذتلي ليفة الكسال المغربية هذا شكلها
سيروا هدايا العين بتحصلونها ع 15 اظن والله ثم والله ماخليت ليفة مغربية الا واستخدمتها مافي احسن عن ليفة الكسال هذي
لا السودا ولا غيرها خذوا العنابية والله اطلع الوصخ من قلب جفتوا لما تمسحون بمحاية القلم كتابة الرصاص ؟ جي يطلع , تؤكدوا ان مكتوب عليها ليفة الكسال ولونها عنابي .. حتى الصابونه من هناك بـ 5 دراهم وبتحصلون درزن 5 حبات بـ 20
والله ان في مكان اجنبي يسوون مثل هالليفة بس بيضا وتنباع بـ 150 وجفت تاجرة تبيعها بعد
المهم , مادري وانا اسوي البودرة لاسناني طرى ع بالي اسويه لذاك المكان قلت يابنية جربي شو خسرانه كل شي طبيعي لو مافادج ترى مابيضرج
تسبحت بماي حار لين احس جلدي لان شوي وعلى طول اتفرك بالليفة مرة مرتين ع نفس المكان يطلع الوصخ خصوصا ايدي وصدري
وظاهر ريلي من تحت من وين الاصابع
وهالمكانين ابيض مكانين في جسمي بشكل ملحوظ
عقب ارد اتسبح بماي حار بس اخف عن الي قبل لان الجسم تقشر ومانبا نحرقه اغمس اصابع ايدي فبودرة الفحم وافرك بدواير ع المؤخرة
مثل ماتسوين صنفرة وقبل لا يصكن مسامات جلدي
افرك جسمي بصابون الغارر واخليه ليييييين ينشف وارجع للمؤخرة وافرك بايدي بشكل دائري واحط فوق الفحم صابون الغار بعد
ومن ينشف ارجع ابلل ايدي وارد افركه مرة ومرتين وجسمي نفس الحال من اجوف عمري خلاص يبست اتسبح بماي مابين الدافي والبارد
ادري برد بس تحملن عشان المسامات تصك وعشان تنشطن الدورة الدموية وعشان بعد الجلد مايترهل من سخونة الماي
وكالعادة نظفتها بسكينول وعقبها بوقت ساعه جي ادهن المكان بفازلين الكاكاو وقبل النوم هاتي قطنه وغمسيها في ماي ورد
ومرريها ع المنطقة من تنشف حطي ليمون وجليسرين السائل
السكينول ينظف , وفازلين الكاكاو يرطب والجلسرين والليمون للتفتيح وشل الاثار
والله ثم والله اني جربت كذا شي قبل بس مثل هالنتيجة والسريعه ماحصللللت
ثاني يوم والله ولا حبــــــــــــــــــــــــه , ولازلت ع هالشي ولازالت النتيجة نفسها لين الحين ماصارلي الا ايام فقط
كل ماتذكر السالفه اسير اجيك <-- وقسم ماننعطى ويه لما يصير الي نباه
قلت مابسوي الفحم الا 3 مرات في الأسبوع اما صابون الغار يومي مع السبوح لاني اعتبرته صنفرة ومابي اطمع
ومرة هو ومرة الصنفرة العادية ومرة ملح الحليب ومرة سكر وزيت زيتون .. يعني جدول
ربيعتيه جربت اولة البارحة وتقولي حسيته خف بس الاثار وايد هناك , قلتلها مع السكينول والباجي بيخفون بس يباله وقت
ومن عيازتها طلبت بودرة الفحم مني وقلتلها المرة اليايه تعني لنفسج , اما ختيه حليلها سوت كل شي بروحها ولدها مسكين يطحن لها الفحم خخخخخخ
بس هي جربت ع اسنانها وقالت انها تسوي ف اليوم مرتين عسل مرتين فحم بالفرشاة بس تلوع جبدها منه واللعاب وااايد فحلجها ف كل شوي اتفه وترد تفرج وتقول تحس فيه نتيجة لو بسيطة , لانها مؤمنه بهالشي وتجوفه فيني منعكس من داخلها لخارجها
ف خلو عندكم عزيمة وايمان ولا تمون تقولون ماستوى وماستوى لاني من ايام 2017 استخدم الفحم لاسناني وخليته روتين لين اليوم حتى دكاترة الاسنان لما اسيير انظف عندهم كل 6 شهور يسألوني مسوية شي
صح ’ انا مالبس اندر وير ابدا الا وقت الدورة ويكون قطني , واذ لبست شي بيكون شورت قطني لين قبل ركبتي
فـ للي يلبسن طول الوقت ياليت تقللن من لبسه وياليت بعد يكون قطني 100% وماتلبسون حزة النوم تخيلوا طول الوقت احتكاك مع البشرة !!
إن شاء الله اكون افدتكم لو بشوي وجربن وخبروني
أبريئ ذمتيه من استخدام اي حامل او مربية للفحم لأسنانها وتبلعه
مابي غير دعواتكم يرد شعري مثل زمان واحسن , واسمحولي اطمع بعد وتدعون لي بالزوج الصالح والوظيفة في سجودكم وفي قيام الليل والسمووووووحة ع الاطالة =)
رد مع اقتباس
