السلام عليكم والرحمه
مرحبا فديتكم انا متابعة بصمت في هذا المنتدى الأكثر من رائع
فحبيت افيدكم بعنايتي مثل مافدتوني بوايد اشياء
هالغسولين استخدمهم الصبح مب الاثنين ويه بعض مرات استخدم كلين آند كلير ومرات استخدم غسول العسل واحيانا استخدم الغسول بعد مامسح المكياج من ويهي وعقب الغسول اكيد الويه بيكون جاف فاحط هالمرطب من روسكين او تقدرين تحطين اي مرطب ثاني لكن انا احط هذا لان فيه فيتامين e وزين للبشرة الجافة
ويوم اسبح ماحط في ويهي ابدا صابون لان يوم اخلص سبوح احط في ويهي سكرابز ابريكوت واسوي مساج بويهي وعقب اغسله وعقب احط هالماسك من نيفيا او اي ماسك وعقب اغسل الماسك واحط المرطب
وعقب ادهن كل جسمي ببيبي جونسن والي مايحب الزيت يحط مرطب درموفيفا في كامل الجسم يربته وفعلا عجيب خاصة الازرق بما ان جسمي جاف فاستخدم الازرق لانه خاص للبشرة الجافة واحط منه بعد كل وضوء في ايدي وريلي
وعقب احط في المنطقة الحساسة هالكريم ديابر رش كريم مال اليهال وعقب احط البودرة مالت البيبي في الفخذين وارش رشة خفيفة ع جسمي
وآخر سر من أسراري يلي تحط الكريم الاساس في ويها ويتقشر ها بسبب انها ماتحط بيس قبل الفاونديشن فانا اول شي احط الواقي وفوقه البيس وعقب احط الفاونديشن وقبل ماكنت احط البيس فبيطلع الكريم اساس مب حلو
لكن ألحين يظهر حلو
وصورتلكم صورة البيس الي استخدمه
وادري رمست وايد
لكن ان شاءالله يعيبكم موضوعي وتستفيدون منه
رد مع اقتباس
