عنوان الموضوع : حبوب الريكوتاين ..بشرة اطفال مخملية ولكن .... مشاكل السمنة
مقدم من طرف منتديات الضمير العربي

هلا بنووووووتات ،،،

الصراحة هالحبوب عجيبة في تصفية البشرة وتخلي بشرتج مثل بشرة اليهال ناااااااااااااااااااعمة وصافية لا حب شباب ولا آثار حب شباب كل هذا بيختفي من تستخدمينه بس طبعا فترة العلاج تعتمد على وزنج يعني الجرعة ما تنعطى الا بعد ما يحسب لج الدكتور كم لازم تاخذين كل يوم منها ...

وانا الحمدلله صار لي عليها قرب ال عشرة اشهر واليوم آخر يوم لي مع ان بشرتي مش محتايه نهائيا بس على كلام الدكتور كل ما خذتي الجرعة صغيرة ومددتي فترة العلاج كلما كانت النتيجة مضمونة بان الحب ما بيرجع ... فانصحكم فيه

بس اتمنى لو حد يرد علي بجواب شافي ، لاني الحمدلله ما عانيت من اي مشاكل مع هالحبوب الا من 3 اشياء
- شعري وايد قام يتساقط وخف بنسبة 40%
-الدورة ما قامت تيني نهائيا
- وعيني وايد صارت تورم علي تقولين كنت اصيح وصارت جفوني حساسة من الميك اب من احط مسكرة بس يظهر لي حبوب فيها تسبب لي حكة وعقبها تنجرح

ابا اعرف هل هالاعراض منها ولا من مشاكل عضوية ثانية ؟؟؟ في حد صابها نفس اللي صابني ؟؟
بليززززززززز بنات لا تهملوني موضوعي لاني تعبت لا خليت لا مسيحه ولا دكتورة نسائية بس لازالت الدورة ما تييني خير شر ... وشعري يتساقط وعيوني دوم منتفخة علي

على كل حال

اتريا ردودكم الغاليات

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حبييتي انا مثلج تماما" انقطعت عني الدورة وشعري كان يتساقط بشكل رهيب الحبوب نشفت خشمي واعيوني. بس ترى في احتمالية تظهرلج حبوب بعد ما اتخلصين الكورس مش كثيرة بس بين فترة وفترة

__________________________________________________ __________

>>>> الرد الثاني :
انا خذتهم من 3 سنين تقريبا والحمدلله ويهي صار صافي ومافيه حبوب وماطلعب الين الحيين
من الاعراض اللي عانيت منها
جفااف في الشفايف والويه وتقشرهم الداايم
وجفاااااف فظيع في الشعر مع العلم كان شعري دهني وايد قبل العلاج
وبعد ما خلصت العلاج رجع طبيعي جدا واحلى عن اول واستغربت ان صار نوعه نوورمال عادي بين الدهني والجاف يعني اللين الحين
وكان يتساقط في فترة العلاج بعد بس مو وااايد
اممم دورتي كانت طبيعية بس بشرتي حساسه وكنت احط عليها مرطب للشفايف والويه وواقي
يفضل واقي مرطب في نفس الوقت
مدة علاجي 6 شهور

اما صديقتي اعراضها مختلفه كانت
جفاف في شعرها وتساقط واااااايد تقول
لدرجة ان كان يطلع دم من شعرها وابويييه قلت بعمري جان زين ما نصحتها بالعلاج هههه
وجفاف طبعا بالبشرة

__________________________________________________ __________

>>>> الرد الثالث :
الاعراااض تختلف من شخص لاخر


انا استخدمته .. والحمدلله بس جفاف بشرة - شفايف - شعر ...

والدورة عادي ما تغيرت علي ما اذكر والله ..

والحمدلله قلت للحبوب باي باي .. بس الآثار مفكرة اسوي ليزر .. أو تقشير ماعرف .. عندي شوية آثار تبين عن قرب ..

وبس ^^

__________________________________________________ __________

>>>> الرد الرابع :
غرونوق رعبوبة ، فراشة وردية ، عيووون دبي سلمت يمناكم الغاليات ع الرد

والصراحة لا حظت ف ردودكم ختلاف الاعراض واختي غرنوق رعبوبة تقريبا نفس الاعراض اللي يتج يتني بس شخبار شعرج والدورة بعد العلاج ان شالله رد كل شي طبيعي ...

الصراحة انا خايفة على عمري خص اني بنت والدورة قطعت عني وف جسمي نفخة مب طبيعية ...

الله يكون ف العون ...

__________________________________________________ __________

>>>> الرد الخامس :
هالحبوب أصلا تسبب جفاف شدييييييد للجسم بشكل عام ,,,
حاولي تحطين مرطب خاص للجلد الي حوالين العين و طلبي الي يحتوي على نسبة من واقي الشمس ,,
أنا خذت هالحبوب حوالي شهر وتركتهن بطلب من أمي لانها خافت يكون لهن آثار جانبية ,,
ورحت للعيادة تبع منطقتنا وقلت للدكتوره ابا علاج لبشرتي بدون لا آخذ حبوب <<بعد بطلب من أمي
والحمد لله ,, استمريت هالمعصار الي عطتني اياه وراحن الحبوب والحين أعالج الآثار ,,
من فتره بسيطة بديت أحط من ماسك الطين المغربي و حاسه بتحسن 30 % وان الحبوب لونها يفتح عقبال ما يختفن يا رب
حبيت أقولج تجربتي يمكن تستفيدين منها ,,