عنوان الموضوع : أنا أنثى:اثق بجمالي و جاذبيتي و سحري .. حل المشكلة
مقدم من طرف منتديات الضمير العربي

ظهور جمال الانثى واناقتها وفتنتها شي فطري
ولكن افضل انثى هي التي تستر جمالها وفتنتها
من عيون الرجال للرجل الذي يستحقها ♥

مرحبا بالغوالي وحبه حبه حدرت الموضوع
شحالكم ومبارك عليكم الشهر..
خواتي بطلت هالموضوع عشان كل يوم اخبركن بكل شي اسويه ف بشرتي وبصراحه كنت اباه موضوع عام يشمل كل شي بس عشان شروط منتدانا قلت بتكلم عن البشره وبس
الزبدده!
بقولكن شغله جيه صغنونه انا بنيه ثاني سنه جامعه وعندي مبدأ ف حياتي مب كل شي تسوينه يوم بيقولون لج ي فلانه يلا خطبوج ابدي بسوالفج لا يختي حق شوه تراكمين على روحج وانا ضد كل وحده تييني وتقول "تراج لاحقه ع هالسوالف شو بقيتي لعرسج" ليش ما اكشخ حق روحي؟
ترا ببيض وبعدل لين ربي يكتب النصيب وعقب بنشغل بأشياء ثانيه
صحح ي صبااااايا؟
عموما انا انسانه بسيطه احب احافظ ع جسمي واهتم فيه تقريبا كل يوم بشغلات البنوتات الطبيعيه من صغري ف حبيت اسدحلكن كل يوم شو سويت وارحب بكن وبنصايحكن واللي تبى تسأل عن شي حياها مني تاخذون تجارب ومنكن اللي عندها شغله سوتها تعطينا رايها وتخبرنا ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماشاءالله عليج وانا اشجع كل وحده تهتم بعمرها اول باول
اهم شي النظافه والنعومه

__________________________________________________ __________

>>>> الرد الثاني :
السلام عليكم خواتي انا اضم صوتي لصوتج المفروض الوحدة تهتم بنفسها لنفسها ، وبعدين في شغله إذا بتلاحظون ان الإهتمام بالجسم محتاجة فترة طويلة لحد ما تطلع النتيجة المرضية عكس الإهمال على طول يبين على الوحدة

انا عن نفسي الخلطة الي مستحيل اتخلى عنها ومستمرة عليها ودايما النتيجة ملحوظة من قبل الجميع

بالنسبة للجسم ( صابونةالغار + ماي الورد ) النتيجة تبين بسرعة ولله الحمد

بالنسبة للشعر ( ما استغنى عن زيت النارجيل القديم ابو علبة خضرة القديم ) يعني مستحيل اغسل شعري قبل ما ادهنه

بنات فازلين مال جونسون يخلى كعب القدم زبدة طرية

لاني لاحظت وايد بنات يقولون ( لحقوا علي اخطبت او عرسي قرب ومتوهقة ) لان مثل ما قلتي اختي يأجلون كل شي ومن ايي المعرس تستوي حالة طوارئ وتضطر البنت تستعمل الكيماويات واغالبا النتيجة مؤقتة أو عكسية

__________________________________________________ __________

>>>> الرد الثالث :
تكملة على الموضوع

بالنسبة لإهتمام الوحدة بنفسها لا تنسون خواتي الجوانب الثانية مثلا :

السلوكيات ، واسلوب التعامل مع الغير ، واخلاقيات الوحدة مع الغير

انا احب اقرأ الكتب الي تنمي الشخصية وطرق تطوير الذات وتهذبها واحب اقرأ كتب الايتيكيت وبهذي الطريقة تكتمل انوثه المرأة

ما اعرف الخوات شو رايهم

__________________________________________________ __________

>>>> الرد الرابع :
مرحبا بكل وحده نورت وطرحت رايها ومثل ما قلتي النتيجه يبالها وقت ف ليش تراكمين ع روحج وكل شيء له حل أول بأول .
وانا الشي اللي مإقدر اتخلى عنه السسسسددر أنا بالنسبه لي أسميها عشبة الجمال ..
البارحه خلطتها مع الدلكه السودانيه وشوي ترمس وماي ورد وفركتهن على جسمي كامل واسوي مساج بهن وخليته 20 دقيقه وعقب خوزته بماي بس وربج الشاهد نعومه ونظافه وتبييض مع الوقت.

__________________________________________________ __________

>>>> الرد الخامس :
انا اهم شي عندي الحمام المغربي عالاقل مره فالشهر
وترطيب الجسم بزبده الكاكاو
تنظيف البشره بشكل موسمي كل اربع شهور