عنوان الموضوع : الدلكة السودانية
مقدم من طرف منتديات الضمير العربي
بنات قبل شهر عزمتني ربيعتي على عرسها وهي سودانية وهي قبل العرس كانت تقولي انا اسوي دلكة سودانية انا ماهتميت للموضوع ولا سئلتها شو هالدلكة والله يابنات والله يشهد على الي اقولة يوم رحت عرسها وجفت جسمها انصدمت قلت مستحيل ها جسم ربيعتي الي اعرفها جسمها كان هب متوحد وسواد حوالين فمها وايدينها وريولها سود لانها تسوق وفي بقع سودة ف باطها من الحف وجسمها كان عبارة عن الوان بني فاتح وبني غامق ومكان اسود هههه تدرجات اللون البني , بس يوم جفتها ف العرس صدممممممتني صدق صدمتني بمعنى الكلمة والله يابنات والله يشهد انة جسمها تحسن بنسبة 100% اول شي صار ابيض وسمارها صار يجنن وكف ايدينها وايدينها نفس اللون والكوع نفس لون ايدينها وماشالله تبارك الرحمن جسمها فيه اشراقة مش طبيعية ومن غير البياض واللون المتوحد , اول مارجعت من شهر العسل يابنات كانت تراويني ملمس ايدينها نعووووومة وريحة مش طبيعية قالتلي هالدلكة من عاداتهم وتقاليدهم وكانت تشتريها من وحدة اسمها مريم , وقالتلي انة الدلكة انواع في الي بريحة وبدون ريحة وهي كانت تسويها بدون ريحة وتقولي انها من اول تجربة تبين النتيجة واطهر الجسم من كل الوصاخة وتزيل الجلد الميت ومن غير انها تبيض .
حبيت اسئلكم اذا في وحدة بشرتها حساسة وطلبت من عند مريم صارلها شي ولا , لانة انا بشرتي حساسة وتحسس من اقل شي ف الي جربت وبشرتها حساسة تفيدني وتقولي شصار وياها .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختيه انا شخصيا جربت الدلكة السودانية قبل زواجي وعقب ما ربيت ... وكانت حرمة سودانية اتييني في بوظبي وهي اللي اتسويها لي .. وصدق كان فيه فرق شاسع وبشرتي حساسة وانا ما اتحمل اي نوع من الكريمات ... والدلكة اصلا مسوايه من خلطات طبيعية والحمدالله ماصار فيني شي .. بس ما جربت اللي من عند مريم بصراحة واحس ان فيه انواع من الدلكة حسب ما سمعت ... وان شاء الله اكون فدتج
__________________________________________________ __________
>>>> الرد الثاني :
اعرف مريم اللي تسويها. هي عباره عن كووور تتكون من اشيا طبيعيه عيش وجزر وحمص. ماعرف اشيا وايد. بس ما فكرت اجربها.
__________________________________________________ __________
>>>> الرد الثالث :
__________________________________________________ __________
>>>> الرد الرابع :
المشاركة الأصلية كتبت بواسطة مريم9999
اختيه انا شخصيا جربت الدلكة السودانية قبل زواجي وعقب ما ربيت ... وكانت حرمة سودانية اتييني في بوظبي وهي اللي اتسويها لي .. وصدق كان فيه فرق شاسع وبشرتي حساسة وانا ما اتحمل اي نوع من الكريمات ... والدلكة اصلا مسوايه من خلطات طبيعية والحمدالله ماصار فيني شي .. بس ما جربت اللي من عند مريم بصراحة واحس ان فيه انواع من الدلكة حسب ما سمعت ... وان شاء الله اكون فدتج
خلاص عيل طمنتيني الله يطمنج بجربها وبنزل موضوع تجربتي مع الدلكة
__________________________________________________ __________
>>>> الرد الخامس :
المشاركة الأصلية كتبت بواسطة ام براق
اعرف مريم اللي تسويها. هي عباره عن كووور تتكون من اشيا طبيعيه عيش وجزر وحمص. ماعرف اشيا وايد. بس ما فكرت اجربها.
انا الي جفتها كانت سائلة هب مكورة
رد مع اقتباس
