عنوان الموضوع : تجربتي مع منتج Chia Seed Water100 للهالات السودة تحت العين من The Face Shop هنا الحل
مقدم من طرف منتديات الضمير العربي

السلام عليكم ورحمة الله وبركاته
،


مرحبا خواتي حابة أفيدكم بـ هالمنتج الي فادني وااااايد
بسبة الدراسة والسهر صارت عندي هالات سودا وأنا
دايماً أثق بمنتجات ذا فيس شوب وايتود هاوس أو بشكل
عام البراندات الكورية ، أنصحكم فيييييه ومع إستمرار !!


طريقتي الي اتبعها:

قبل الرقاد > أغسل ويهي بغسولي الخاص واتأكد أن ماشي ذرة ميك أب أو بقايا من المسكرة عن طريق أستخدام أعواد القطن > أنا أسمييه قطن أذوون
عقب أحط السيروم تحت عيوني وبس أنتظر لين يجف شوي وبعدين أرقد

مابجذب عليكم خواتي والله شاهد أن الهالات خفن عني بشكل كبييير
حبييييت المنتج وما أستغني عنه الحينة هذا ثاني منتج أرتحت له من هالماركة
وقمت استغني عن الكونسيلر

داومو عليه يومياً قبل الرقاد مش أتي وحدة تقولي ماحصلت نتيجة وحضرتها تستخدمه مرتين فالاسبوع

ومن يخلص عني برد اشتريه

سعره إذا ماخاب ظني 125 درهم

،،

تصويري الشخصي




شوي وبيخلص



،،

صورته من النت




/


أتمنى تجربنه وإن شاء الله تبهركم النتايج


فمان الله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
تسلمين
من وين تشترينه؟؟
احس خبرتج حلوة بالمنتجات ... ابا اسم مرطب يكون زين وفعال للبسرة الجافه الحساسه

شاكره لج

__________________________________________________ __________

>>>> الرد الثاني :

المشاركة الأصلية كتبت بواسطة كتكوتة حبيبي
تسلمين
من وين تشترينه؟؟
احس خبرتج حلوة بالمنتجات ... ابا اسم مرطب يكون زين وفعال للبسرة الجافه الحساسه

شاكره لج



هههه ياعمري نفس المعاناه بشره باهته وجافه ماشالله فطوم ان شالله تتحسنين اكثرواكثر فديتج بس من وين تاخذينه

__________________________________________________ __________

>>>> الرد الثالث :
مشكوووورة عالموضوع

__________________________________________________ __________

>>>> الرد الرابع :

المشاركة الأصلية كتبت بواسطة امراه
هههه ياعمري نفس المعاناه بشره باهته وجافه ماشالله فطوم ان شالله تتحسنين اكثرواكثر فديتج بس من وين تاخذينه



توني انتبه علی العنوان من ذا فيس شوب
هههعع

__________________________________________________ __________

>>>> الرد الخامس :
ماشاء الله تجرّبه حلوه فطاامي

الي يسالون عن مرطب للبشرة الجافَه نصيحتي الكمً جربوا كريم اسمه QV من الصيدليَه
طبي وبدون عطور ترطيبه رهيييييييبَ ويخوز الجفاف ع طوولَ وسعره اذا ماخاب ضني فحدود الخمسين او الستيَن