عنوان الموضوع : أبغي حل جذري لمسامات البشرة ؟؟ أكيد في حل ؟ للقضاء على السمنة
مقدم من طرف منتديات الضمير العربي


السلام عليكم


الله يخليكم بنات ما ابغي وحدة تقول ماي ورد
و خلطة قشرة البرتقال مع ليمون و قشطة
و ماسك النشأ
شبعنا خلطات و خرابيط
بس عاد ما مليتوا خلطات خخخخخخخخخخخخخخخخخخخخ





أبغي حل لمشكلة المسامات
انا مسامات بشرتي بين الخفيفة و المتوسطة بس لايعة جبدي منها مع اني جربت التقشير
بس عقب شهور جنك يا بو زيد ما غزيت - رجعت بشرتي شرات أول
سمعت يمدحون السبكترا ليزر للمسامات و للبقع اللي هو الكربوني ؟ شو رايكم
عندكم اي حلول ثانية جربتوها شاركونا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ولا رد ؟

__________________________________________________ __________

>>>> الرد الثاني :
بالنسبة للمسامات يمدحون سبكترا ليزر بس انا مب مجربتنه الصراحة ؟
و من فترة نزلت موضوع ما لقيت وايد تجارب
و عادة تقشير البشرة بالاحماض او اي شي يكون اوكيه ف اول فترة عقب الويه يرد شرات قبل

__________________________________________________ __________

>>>> الرد الثالث :
وعليكم السلام

اختي التقشير مايصغر المسام!! الا اذا تقصدين حفر في الريه يخففها التقشير

لتسكير المسام اي ماسك فيه طين يصغر المسام (بس أكيد بشكل مؤقت على الأقل كمن يوم)
جهاز تسكير المسام والمطهر اللي يستخدمونه مع الفيشل ممتاز بس ناسية اسمه بالضبط

الاشياء اللي توسع المسام: الحر والرطوبة خاصة لو بشرتج دهنية

افضل حل انا جربته هي العناية بمستحضرات تناسب البشرة الدهنية من منظفات وتونيك وكريمات وماسكات.. اي براند عادي كل ماخلص من منتج اشتري شي ثاني يديد

__________________________________________________ __________

>>>> الرد الرابع :
جربي اختي الديرما رول يمدحونها

__________________________________________________ __________

>>>> الرد الخامس :
اللي استخدمو الروكوتان بس هم اللي تسكرت المسام عندهم لفتره طويله
اما خلطات وكريمات ما انصحج بشي من هالاشيا ابدا
جهاز الليزر هذا ماجربته بشكل خاص عشان جيه ما اقدر امدحه او اذمه بس انصحج تشوفين عياده عندهم الجهاز وتسئلينهم