عنوان الموضوع : صبغت شعري بس متضايقه ...افيدووووني لبشرة صحية
مقدم من طرف منتديات الضمير العربي

السلام عليكم

بخبركن خواتي....انا صبغت شعري كستنائي بني محمر بس ......
احبطتني النتيجه و اااايد.....كنت متوقعه اللون يبين اكثر عن جذيه....امبين على خفييييف يعني جنه امحناي...ما تفرق عن يوم احط حنا....و انا مب هاي النتيجه اللي كنت ابغيها....عيل لو امحنيه شعري جان احسن على الاقل جان استفاد شعري بدل هالمواد الصناعيه

حتى الكوافيره احس فيها استعجلت في خلط اللون و ما اتريتني لين ما افكر......و هالشي ضايقني لإنها حطت اللي هي على قولتها تشوفه مناسب لي.....

الحين ابغي اعرف هل لون شعري يأثر على ظهور اللون (( انا شعري طبيعته اسووود )) ......و الشي الثاني كم يبغي لي فتره اصبر لين ما اصبغ شعري مره ثانيه ؟؟؟؟
و الشي الثالث عطوني فديتكن صالون فنااان لصبغ الشعر في دبي .......و السموحه على الإطالة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يمكن انتي كنتي محنيه شعرج من قبل عسب جذي ماصبغ ؟!
او يمكن استعيلت في غسيل شعرج ..
انا لو مكانج برجع لها اخليها تعدله ..

و الشعر يبغيله شهور لين يرد للونه الاصلي .. كل ما طول يروح لون الصبغه لاطراف الشعر ..

وان شاء الله بنات دبي يفيدونج بخصوص الصالون

__________________________________________________ __________

>>>> الرد الثاني :
هالصوالين والي يصبغن دووم جيه يتفلسفوون هالزلمات والله كيف يقهرني
اختي عشان شعرج اسود يمكن من جيه ظهر اللون ها
وترا الصبغه بعد فتره تتفتح لونها
بس لاتصبغين ورا بعض فروة راسج بتتعب
يقولون صالون عمرو الي فدبي وايد اوكيه انا ما جربت بس حمياتي يقولون جذا

__________________________________________________ __________

>>>> الرد الثالث :

المشاركة الأصلية كتبت بواسطة missuae3003
يمكن انتي كنتي محنيه شعرج من قبل عسب جذي ماصبغ ؟!
او يمكن استعيلت في غسيل شعرج ..
انا لو مكانج برجع لها اخليها تعدله ..

و الشعر يبغيله شهور لين يرد للونه الاصلي .. كل ما طول يروح لون الصبغه لاطراف الشعر ..

وان شاء الله بنات دبي يفيدونج بخصوص الصالون



مشكوره الغاليه على الرد....
و انا مب امحنيه شعري من زمااااان يمكن من سنتين......فما اعتقد ايأثر.....و اعتقد الصبغة خلتها نص ساعه على شعري او يمكن اكثر مب متذكره

__________________________________________________ __________

>>>> الرد الرابع :
يبالج 6 شهور عشان تصبغين مره الثانيه .
بس اذا كنتي صابغتنه من يوم لازم تترين عليه لانه مع مرور الايام تتغير الصبغه انا بعد جي اول ما صبغته شفته فاتح وباهت عقب اتغير استوى غامج شوي وايد حلو طلع.
ولا تنسين تستخدمين كريم حمام زيت وشامبو خاص للصبغ عسب يكون له بريق الشعر.
بالنسبه لصالونات دبي ما اعرفهم الصراحه
بس اللي من راس خيمه أنصحها اتسير صالون ريفيرا صبغهم وايد حلو انا اشتري من عندهم شامبوهات واشياء ثانيه مثل إبر نصهم يسمونه لوشن واستخدم شي مثل بلاستيك تقصينه ويطلع منه مثل كريم وتحطينه على شعرج .

__________________________________________________ __________

>>>> الرد الخامس :
نسيت اقولج انا شعري بعد كان أسود وايد بس ظهرت الصبغه عليه أساسا على حسب الصبغه اللي يستخدمونها