عنوان الموضوع : بنات السعودية وخاصة بنات الجنوب ممكن ادشن من فضلكن لصحة بشرتك
مقدم من طرف منتديات الضمير العربي

السلام عليكن

شحالكن؟

خواتي من فترة قصيرة عرفت إن السعودية تزرع السمسم الأسود فأبا أعرف بكم قيمته؟

وعن نفسي كنت أخلي تاجرة تطلب لي هالبذور من موقع أمريكي ومع الأسف ما حصلت موقع يوصل للإمارات وخايفة تكون مواقع فيها نصب
الصراحة البذور استفدت منها من حيث تخفيف الشيب وسقوط الشعر

خواتي من السعودية يا ريت تردون علي حبيت أشتري من عندكم أعتقد أرخص من الموقع الي طلبت منه مؤخرا

أترياكن ضروري

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أختي ما أعرف إذا السمسم الأسود السعودي أفضل ولكن حبوب السمسم الأسود موجود عندنا في الإمارات . بتحصليه في اللولو وكارفور وكي أم وعندنا في الفجيرة بعد في هايبرماركت المنامة . أنا أشتريه من هذه الأماكن في اقسام البهارات .

__________________________________________________ __________

>>>> الرد الثاني :

المشاركة الأصلية كتبت بواسطة وجدان الفجر
أختي ما أعرف إذا السمسم الأسود السعودي أفضل ولكن حبوب السمسم الأسود موجود عندنا في الإمارات . بتحصليه في اللولو وكارفور وكي أم وعندنا في الفجيرة بعد في هايبرماركت المنامة . أنا أشتريه من هذه الأماكن في اقسام البهارات .



مشكورة حبيبتي على الرد
غريبة موجود عندنا وأنا ما أدري وقاعدة أطلبه من النت بسعر مرتفع
عاد بكم هني ينباع؟؟؟؟؟

__________________________________________________ __________

>>>> الرد الثالث :
رخيص أختي , الكيس فيه 200 جرام بأقل من عشر دراهم أويمكن عشرة دراهم بالكثير . يعني نص الكيلو بأقل من 25 درهم .
آخر مرة شريته من المنامة وهو سمسم أسود هندي وتعبة مطحنة ألوان دبي . وقبل كنت أشتري من اللولو سمسم أسود صيني . بس بالنسبة لي نفس الطعم ما يختلفوا .

__________________________________________________ __________

>>>> الرد الرابع :
أختي لو تكرمتي ممكن أعرف طريقة استخدامج للسمسم الأسود لعلاج تساقط الشعر والشيب ؟ عندي المشكلتين , بس الشيب تعودت عليه لأنه من يوم كان عمري 14 سنة , وأخواني كلهم نفس الحالة , عندنا شيب مبكر

__________________________________________________ __________

>>>> الرد الخامس :

المشاركة الأصلية كتبت بواسطة وجدان الفجر
أختي لو تكرمتي ممكن أعرف طريقة استخدامج للسمسم الأسود لعلاج تساقط الشعر والشيب ؟ عندي المشكلتين , بس الشيب تعودت عليه لأنه من يوم كان عمري 14 سنة , وأخواني كلهم نفس الحالة , عندنا شيب مبكر



المقادير هي فنجان ونص عيش أبيض ونص فنجان سمسم أسود أحطيهم في المطحنة وأطحنهم عدل مثل البودرة عقب أحطيهم في قدر وأحطي ماي ونص فنجان سكر وأحطيهم على النار لين يصير مثل السيريلاك هذي حق شخص واحد بس
عاد الطعم عادي بالنسبة لي بس إنتوا ما أعرف إذا يعجبكم ولا لا